Efesios 2:13 - La'aqtaqa Ñim Lo'onatac 'Enauacna 2013

¹³ Qalaxaye qami' maye qami' qaỹoqtalo co'ollaxa Ñim Lo'onatac 'Enauacna, mashe sa qami' qaỹapigui nagui Ñimaye, cha'aye mashe qana'ayeetaua'a So Cristo chegoqchigui da l-leuaxa co'ollaq qaiuaxaneguet so npe'enaxaqui.

Nuevo Testamento Toba Sur

¹³ Qalaxayi nagui da qan'ayiitau'a so Cristo Jesús, nachi qami' mayi ÿataqta qami' qaÿoqtalo co'ollaxa, qalaq nagui ÿataqta qami' sa qaÿapigui, souaxat da l-leuaxa so Cristo.

Nuevo Testamento Toba Sombrero Negro

¹³ Qalaĝaja nayi te'me eja ca'li yataqata ami qaya'alo, da'me ja auatetoñi joñe'me Dios, male nayi yataqata adavi'teguet joñe'me Dios, chayovida'a da'me adimichiye da'me auep'iiya'a joñe'me Jesucristo, chiyaqayi ca'li yeleu uetalegue jaga'me sodoso.

Efesios 2:13 Referans Kwoze

Hechos 2:39

Cha'aye de'era qaỹachaxanapec co'ollaxa, damaye qaralamaxache, nataqa'en nam qaỹa'alquipi, qataq 'enauac na laỹepi shiỹaxauapi. Cha'aye damaye qaỹauotaique da taỹot 'enauac nam iỹaxaneuga Ñim Lo'onatac 'Enauacna maye Qarataxala'.

Isaías 57:19

nache ỹo'on ñaqa'en namayepi da no'onec maye, 'eeta': ‹¡Huo'o da l-lagaxayec nam hueta'a ca qaỹoqta, qataq huo'o da l-lagaxayec nam hueta'a ca saqaỹapeque! ¡Aỹem ñataren qome na ỹalamaxat nhuo' le'ecpi!›

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxaye Ñim Lo'onatac 'Enauacna mashe qami' ichoxore'n qataq qami' iqui'itaxatte', qataq mashe qami' lalamaqa'ate. Qaq 'enauac de'era chegoqchigui So Qarataxala' Jesucristo qataq So Saqcha'a La'añaxac Ñimaye.

Isaías 43:6

Shenapega qome na hueta'a ye sheu', sheeta': «'avi'eguelaxat namayepi», qataq shenapega na hueta'a ye taguiñi, sheeta': «Saishet qome da 'anlletañi namayepi. 'Auanacot na ỹalaqpi ỹalleppi qataq ana ỹalepi 'alpi, chegoqchiguiña 'anqa'en yem ỹataqta pa'atec loga't ana 'alhua,

Apocalipsis 5:9

Qaq 'enauac somayepi ỹo'ootac de'era dalaxaic no'onec maye 'eeta': «'Am 'oonolec da 'aiguet da 'auacona ara nere qataq 'anqa't naua na'anaxanaqtel maye qaiuaxaataleguete aramaye. Cha'aye 'am qaỹalauat co'ollaxa, qaq soua 'artago'q, nache chegoqchiguilo da 'anca'alaxatec da lalamaxat 'anqa'en Ñim Lo'onatac 'Enauacna 'enauac na ỹotta'a't shiỹaxauapi, maye ỹotta'a't naua la'aqtaqa.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Gálatas 3:28

Qaq ỹoqo'oye nagui saishet da huo'o ca ỹectega da judío le'ec huo'otaq saishet, huo'otaq ca nlatac, huo'otaq ca huesochiguiñi, huo'otaq da ỹale, huo'otaq aca 'alo. Cha'aye da mashe qana'ayeetaua'a So Jesucristo, nache 'enauac da qoñiita'a't.

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

Isaías 66:19

Qaq Aỹem, sauo'o qome ca la'anaxat huaigui namayepi, cam lca'alaxaicpi namayepi qalaq samaxa qome nam ỹotta'a't shiỹaxauapi. Samaxa qome ye Tarsis, Libia qataq ye Lidia, yem 'alhua maye hueta'a na shiỹaxauapi maye ỹaỹaten da do'ogoxona na checnec, qataq ye Tubal, ye Grecia qataq anam qaỹoqta ỹaqauga 'alhuapiole aso auaxai, maye saỹauanego' da hua'aqteguelec Aỹem, qataq saishet da ỹauaachigui co'ollaxa da ỹo'oxoyec, qaq namayepi ỹa'axatem qome da ỹo'oxoyec nam ỹotta'a't shiỹaxauapi.

Salmos 22:7

Qaq na aỹem ilota'a qalaq aỹem ỹe'eetac, qataq iqapiaxattac ana lqa' da aỹem isheueetac, qataq iraxaatac na lqaic,

1 Pedro 3:18

Cha'aye So Cristo 'oonolec co'ollaxa da ileu, nache sa lỹa da ỹe'eguelaxalec da ileu, da yaqto' ỹapalaxat na qarasouaxashetpi. Somaye ỹataqta soxoraic qataq qaica ca lasouaxashet qataq huo'o da nque'eenaxac, souaxat na 'etaxaloxoicpi da yaqto' qami' qaviyeeta'a da qanauochaxauai Ñim Lo'onatac 'Enauacna. Som ỹalauatpi So Cristo, somayepi ilaxachigui da lo'ocỹaxac, qalaxaye Somaye nca'alec yaqto' taigui da lca'alaxa saqcha'a.

Hebreos 9:18

Qaq ỹoqo'oye Ñim Lo'onatac 'Enauacna co'ollaq ỹo'ot so hua'auchiguiñi naỹamaxataxac, nache ỹataqta qalota so qaỹalauat shiguiỹac.

1 Corintios 1:30

Qaq Ñimaye nallegoxottela't da qana'ayeetaua'a naqa'en So Cristo Jesús, qataq chegoqchigui naqa'en Somaye da qaraỹaanec. Qataq chegoqchigui naqa'en Somaye da qomi' ỹaỹamaxareete' Ñimaye, qataq da qomi' lalamaqa'ate, qataq da saconaxaguet ca nca'alaxa chochaq tatec.

Jeremías 16:19

'Am Nataxala', maye 'Am ỹa'añaxac qataq aỹem 'ampaxattalec, qataq ỹe'eguenaxaqui da huo'o ye sevireguet lchec, 'am naỹa qome na ỹotta'a't shiỹaxauapi maye chegaqa'alo naua loga'te ana 'alhua, nache 'am 'enapega, 'eeta': «Nachenata nam saq 'en atamnaxala'pi maye qaca ca naigui qataq qaica ca la'añaxac da ỹaconeguet co'ollaxa som hua'au qarta'alpi da lalamaxat.»

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Hechos 15:14

Ñi Simón Pedro qomi' da'aqtaxaatapeguema da 'eetec Ñim Lo'onatac 'Enauacna co'ollaq cheta'ague da nqouaguec nam saishet da judiopi, nache lca'aua'a namayepi da yaqto' ỹalecnoigui na lalamaxatpi.

Isaías 60:9

Qomye nachana anam notaxaquipi da qanayiguingui na 'etaxat anam nnaictega'tpi, na'autec ana nnotaxaqui na lma' ye Tarsis, nachetac na 'aỹa'alaqpi maye ỹachegoxota'a cam qaỹoqta, qataq na lcat oro qataq na lcat plata, da yaqto' ỹo'oxoren Ñim 'Arataxala' maye Qui'itta Natamnaxala' na Israel le'ecpi maye ỹo'ot da 'ayo'oxoyec.

Isaías 60:4

Ña 'anamatasheguem nache 'auamata'alo naua laỹel nam qoueta'a, cha'aye 'enauac namayepi laỹona't nache 'am naỹa. Na 'aỹa'alaqpi qalaq chegoqta'a qome ca qaỹoqta da anac, ana 'aỹa'alepi qalaq qanachetasheguem qome da qandoi'.

Isaías 49:12

¡Ñaq qauloỹa! Namayepi chegaqa'a cam ỹataqta qaỹoqta, huo'o na chegaqa'ague da sheu' qataq huo'o na chegaqa'ague da nala' lliguiñi qataq huo'o na chegaqa'a ye 'alhua Asuán.»

Isaías 11:10

Qaq qom ivita que'eca na'a'q, nache aca llaxataxa se'eso lpa'a' maye nacheso so Jesé, nachaañi qome 'eeta'am da la'anaqte na nhuo' le'ecpi, nache na ỹotta'a't shiỹaxauapi jec qome da nmittaique, qaq cam hueta'a camaye qalaq ỹataqta huo'o qome da llo'oxoyec.

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

Juan 10:16

Nataqa'en huo'o anam ilopi qaguetapi maye saxanaxa da ỹalectaigui anam netaigui ana'ana laỹe', anamayepi iuen nataqa'en da ñauegueuo. Qaq anamayepi qome ỹataqta Aỹem ỹalaxaguet. Huaña, nache ishet da 'oonolec ca laponqa'. Ime, nache Aỹem 'oonolec da seuattague'.

1 Corintios 12:13

Cha'aye qomi' huo'o na judío le'ec, qataq huo'o na saishet. Qataq huo'o na nlatacpi, qataq huo'o na huesochiguiñi. Qalaxaye 'enauac qomi' qanachelaxanguilo So Saqcha'a Na'añaxac Qui'itta, da yaqto' 'oonolec ca qara'amqaanataxanaxac qataq 'oonolec da qaro'ocỹaxac. Qaq ñi 'oonolec da shenaqta, Ñim Lo'onatac 'Enauacna ỹami' So Saqcha'a Na'añaxac Qui'itta.

Efesios 1:1

Qami' ñauochaxau' ỹaqaỹa't maye qoñiitaña na Éfeso: Qami' maye qami' lalamaqa'ate Ñim Lo'onatac 'Enauacna qataq qoquiito'ot da qaua'amaqchiñiitac So Jesucristo, cha'aye qana'ayeetaua'a Somaye, qami' samaxalo da iquinaxanaxac. Aỹem Pablo, maye aỹem lamaxashec So Jesucristo cha'aye Ñim Lo'onatac 'Enauacna, maiche lhuennataxac.

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

Efesios 2:6

Ñim Lo'onatac 'Enauacna co'ollaq nca'alaxateeguesop da nleuaxa So Cristo Jesús, nache nataqa'en qomi' nca'alaxatre'c, nache qomi' nso'onaxana'ai'salo naqa'en Somaye.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.