Efesios 2:10 - La'aqtaqa Ñim Lo'onatac 'Enauacna 2013

¹⁰ Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Nuevo Testamento Toba Sur

¹⁰ Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Nuevo Testamento Toba Sombrero Negro

¹⁰ Da'me qo'mi mach'e qo'mi 'lonataqa joñe'me Dios, qama'le joqo'taqataguet joñe'me Jesucristo qaedi jauoqo'oe jogaa'me qat'onataqa jo'ne 'noote', nach'egaua jo'ne Dios joote yiyamaĝateta'ajalo qaedi je'etaqa'tape.

Efesios 2:10 Referans Kwoze

Filipenses 2:13

Cha'aye Ñim Lo'onatac 'Enauacna, nacheñi ñi qami' ỹanema cam ỹaỹamaqchiguiñi maye qoñiitapeguec, qataq qami' itaua'n da ña qaumacheeta 'enauac camaye. Qaq damaye maiche chegoqchigui Ñimaye.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

2 Corintios 9:8

Ñim Lo'onatac 'Enauacna ishet da chochaq huañi naqa'en da qami' ỹanema na ỹotta'a't yo'oqchigui qana'achecỹaxaqui, yaqto' qami' ishet da huo'o 'enauac na maiche qarviñiqui. Huaña, nache ishet da qautauañi ca qarỹai.

Filipenses 1:6

Qaq aỹem ỹataqta 'eesa ñaqa'en da Ñim Lo'onatac 'Enauacna maye chegoqchigui da qami' ỹo'oteque da no'on dalaxaic qarataxaqui. Ñimaye queto'ot da ỹo'ottac de'era, choche iviraxatta'a ca na'a'q qom ñe'eguelaq So Jesucristo.

2 Timoteo 3:17

yaqto' ca lamaxashec Ñim Lo'onatac 'Enauacna ỹataqta ỹaỹaten da lo'onataxanaxac qataq lhuotta da ỹo'ot ca ỹaỹamaqchiguiñi.

Efesios 4:1

Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.

2 Timoteo 2:21

Qaq nataqa'en qomi' da huo'o ca nshetaique da 'eco' nogoxoshet maye taiguet da ño'oxoyec, qataq nshetaique da qaiqui'itaxatta, qataq nshetaique da taiguet da lo'onataxanaxanec Ñim Nataxala', qaq camaye nale'en da iỹouec 'enauac na sa ỹaỹamaxañi, nache ỹataqta taiguet ca camachaqca no'onataxanaxac ỹaỹamaqchiguiñi.

Salmos 100:3

Qauauattoñiita da Ñim Nataxala' nacheñi Ñim Lo'onatac 'Enauacna, Ñimaye qomi' lo'onataqa qataq qomi' lalamaqa'ate, qomi' maye nhuo' le'ecpi, qomi' lalamaxatpi Ñimaye, shenaqta'am aca lalo qaguetapi da hueta'a ca lquia'axanataxanaqa' Ñimaye.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Isaías 43:21

na nhuo' le'ecpi maye so'ot co'ollaxa da yaqto' ỹa'axatec da ỹo'oxoyec.

Efesios 1:4

Co'ollaq saxanaxa da ỹo'ot 'enauacna Ñim Lo'onatac 'Enauacna, qaq nale'ena da qomi' lca'agui'she ỹachegoxotchigui So Cristo da yaqto' qomi' lalamaqa'ate qataq da qaica ca qarasouaxashet da souaqto'ot Ñimaye. Ñim Lo'onatac 'Enauacna ỹataqta lta'araic da lauotaxanaqtaic da shenaqta,

1 Timoteo 6:18

Qonapega nataqa'en da ỹo'ot ca ỹaỹamaqchiguiñi, yaqto' nachera da lsallaxa dam no'on lo'onataxanaxac. 'Auennataxanaxanec da qaica ca ỹectega da ỹan da detaunaxanot nam hueto'otpi.

Tito 3:14

Nataqa'en na qarqaỹañicpi 'amqaanataxanaxaicpi, 'onaxaic da ỹaỹaten da ỹo'ot ca no'on, qataq da itauan cam huo'o da lhuenaxanaxa, yaqto' da nachaalataxac namayepi ỹataqta huo'o da naigui.

Hebreos 10:24

Qataq ñepogoxoinaqapegue' da ñetaunaxa't, qataq ñauotaxa't qataq so'otaq ca ỹaỹamaqchiguiñi.

Tito 3:8

Qaq de'era sheetega ỹataqta 'eesa. Ỹoqo'oye ñeshetaique da ỹataqta 'auapaxaguenataxanec, yaqto' 'enauac na ỹa'amaqten Ñim Lo'onatac 'Enauacna ỹataqta npogoxoinapegue' da ỹo'ot ca ỹaỹamaqchiguiñi. De'era sheetega ỹataqta 'onaxaic, qataq huo'o naq naigui.

Colosenses 3:10

Qataq nagui mashe dalaxaic da qoviitaigui qarataxaqui. Ỹataqta 'eesa da qami' shiỹaxau' dalaxaiqa, qanquiquiita'aguet da qoñiỹa'am Ñim Lo'onatac 'Enauacna maye maiche qami' lo'onataqa qataq nquictauec da ỹataqta qauauattoñiita Ñimaye.

Tito 2:7

Qataq 'am ỹataqta 'auachaxana namayepi ca no'on 'aro'onataxanaxac. Da 'auapaxaguenataxaatac qalaq saishet da 'auasaguettac.

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

Tito 3:1

'Auennataxanaxanec na 'amqaanataxanaxaicpi da iuen da ỹachaxana da lalaxayec na nta'alpi maye 'amaqtaqaicpi qataq na ltauapi. Qataq nache 'eetai' da lhuotta da ỹo'ot ca ỹaỹamaqchiguiñi.

1 Juan 2:6

Qataq ca 'eetega da nauochaxaua Ñim Lo'onatac 'Enauacna, nache camaye iuen da nateeteguet da lataxac co'ollaxa So Jesús.

Salmos 138:8

Ñim Nataxala', ipacchigui qome ca 'eetapeguec dam sheeta, da 'arauotaxanaqtaic 'Am Nataxala', chochaq tatec, qaq saishet qome da qoca'ai nam lo'onatacpi naua 'arhua'q.

Isaías 29:23

Cha'aye nam chegoxoguetpi somaye qom ỹauaachigui nam so'otecpi nam lauo' le'ecpi, nache ỹauattoota qome dam qui'itta ỹataxac, nache huo'o naq 'enec naqa'en aỹem, maye Aỹem Qui'itta Natamnaxala' na Israel le'ecpi.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Juan 3:21

Qalaxaye nam ỹo'ottac da 'eesa lataxac, namayepi nqo'oneua'a de'era yo'oqchiguiñi, cha'aye nshetaique da qaila'a da 'enauac nam ỹo'ottacpi da ỹachaxan da ỹalaxagueta naua lamaxasoxonaxaco Ñim Lo'onatac 'Enauacna.

Salmos 51:10

'Am Ñatamnaxala', ñaq aỹem 'aỹa'anaigui qome aca qui'itta nquiyaqte, qataq 'aỹa'anem so saqcha'a ica'alaxa da saq 'am ca'ai.

2 Ts 2:17

da ỹa'añaqchet da qarquiyaqteỹaxaqui, qaq damaye yo'oq chegoqchiguilo naua no'o'n qara'aqtaqalli' qataq nam qauo'oche'.

Romanos 8:29

Cha'aye nam nale'ena co'ollaxa da ỹauattonpi Ñim Lo'onatac 'Enauacna, qaq nachena nam lca'aua'a co'olloxocheye Ñimaye, da yaqto' 'eeta'am naqa'en So Llalec, qataq yaqto' So Llalec nacheso so ñaxanec.

Hechos 9:31

Nache 'enauac nam ỹa'amaqten So Jesús maye netaña ye 'alhua Judea, qataq ye 'alhua Galilea, qataq ye 'alhua Samaria, namayepi ỹataqta saishet da ñe'etega da sa qaiyacnapec. Nache queto'ot da ỹo'oxoreetac So Qarataxala', nache ima'ape naua na'axa'te da nquictauec da lpi'iỹaxac So Jesús. Qaq So Saqcha'a Na'añaxac Qui'itta ỹataqta ỹa'añaqchettac namayepi da nquictauec naqa'en ye lcata na da'amqaanataxan.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

2 Corintios 5:5

Ñim Lo'onatac 'Enauacna nacheñi Ñim ỹo'ot de'era dalaxaic qanaralaxataxac, qaq dam la'anaxat de'era qomi' ỹo'oteque, damaye chegoqchigui So Saqcha'a Na'añaxac Qui'itta maye qomi' ỹanema Ñimaye.

Isaías 44:21

«'Am Israel, maye 'auachegoxoguet so Jacob, ña 'auennata'a da 'am ỹamaxashec, 'am ỹamaxashet, ỹoqo'oye 'am so'ot co'ollaxa. 'Am Israel saishet qome da aỹem 'aucoua'ai.

1 Timoteo 5:25

Nache 'eeta'am da 'eetec ca no'on nataxac. Huo'o ca huaña da saq qalaq da qaila'a, qalaxaye ca lỹa saishet da qaila'a. Qalaxaye damaye saishet da queta da saq yo'oq.

1 Timoteo 2:10

Nachaqrata da na shiỹaxauapi ỹa'aalac souaxat nam no'on maye ỹo'ottac acamaye, dam lataxac aca 'alo maye ỹauotec qataq huo'o naq 'enec naqa'en Ñim Lo'onatac 'Enauacna.

Deuteronómio 5:33

Nacherata da ỹataqta qoquiitegue da llecỹaxac na qami' ỹamaxaleguete Ñim Nataxala' maye Qanatamnaxala'ai, yaqto' 'onaxaic da qoyecỹaxaqui, qataq qaỹoqtec da qanachaalataxaqui da qoñiitalec ye 'alhua maye qami' ỹanema qome Ñimaye.»

1 Timoteo 5:10

Qataq nataqa'en qaỹauattoota souaxat da ỹaỹamaqchiguiñi lo'onataxanaxac. Ỹaỹaten da ilo'ogue na llalaqpi, qataq ỹaỹaten da ilo'oguet ca namaxasoxoic, qataq sa na'amaqten da lataxac da ỹalectaigui na 'amqaanataxanaxaicpi, qataq itauaatac nam huo'o da nque'eenaxac. Qaq 'ena nam ỹo'ot aca nanettaua'a aca naneraxalate anamayepi.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Hechos 9:36

Qaq se'eso ñegaxasom ye nỹecpi ye Jope, huo'o aso ỹa'amaqten So Jesús, asomaye naua judío la'aqtaqa le'enaxat Tabitá, qaq naua griego la'aqtaqa Dorcas. (De'era ne'enaxat naigui da ñi'imshe.) Asa'aso 'alo ỹataqta no'on da lo'onataxanaxac, qataq itauaatac na choxoraqpi.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Isaías 19:25

Qaq Ñim Nataxala' maye qaica ca Ỹaqalanapec ỹanem qome da lchoxonnataxanaxa, 'eeta': «Aỹem sanem da ichoxonnataxanaxa ye Egipto le'ecpi, nhuo' le'ecpi maye ỹalamaxatpi, ye Asiria le'ecpi maye ỹo'onatacpi qataq na Israel le'ecpi maye maiche ỹalamaxatpi».

Salmos 119:3

Cam saishet da ỹo'ot ca qauem, nacherata da quetegue da nqa'aicỹaxac Ñim Nataxala'.

Salmos 81:13

¡Qamaq taxa da aỹem na'axaỹaxana ne'ena ỹalamaxat nhuo' le'ecpi! ¡Qataq da quetegue taxa da ñeqa'aicỹaxac ne'ena Israel le'ecpi,

Gálatas 6:15

Cha'aye ỹoqta 'eesa da sa iuen da huo'o ca na'anaxashet ca shiỹaxaua huo'otaq qaica. Cha'aye dam ỹataqta iuen ca shiỹaxaua, damaye nachera da dalaxaic lataxac

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Deuteronómio 32:6

¿Peta'a nachera da 'eetec da qaushiichiñi Ñim Nataxala'? Qami' nhuo' le'ecpi maye qaica ca qaraỹaanataxanaxaqui qataq qaica ca qauaỹaañiỹapec, ¿peta'a sa nacheñi ñimaye da qarta'ai, maye qami' lo'onataqa? ¡Ñimaye qami' lo'onataqa qataq ỹo'ot da qanachaalataxaqui!

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.

Isaías 43:7

'enauac nam ỹachetac dam ỹe'enaxat, nam ỹo'onatac co'ollaxa qataq so'ot da lataxac, da yaqto' ỹo'ot da ỹo'oxoyec.»

Efesios 1:1

Qami' ñauochaxau' ỹaqaỹa't maye qoñiitaña na Éfeso: Qami' maye qami' lalamaqa'ate Ñim Lo'onatac 'Enauacna qataq qoquiito'ot da qaua'amaqchiñiitac So Jesucristo, cha'aye qana'ayeetaua'a Somaye, qami' samaxalo da iquinaxanaxac. Aỹem Pablo, maye aỹem lamaxashec So Jesucristo cha'aye Ñim Lo'onatac 'Enauacna, maiche lhuennataxac.

Efesios 2:6

Ñim Lo'onatac 'Enauacna co'ollaq nca'alaxateeguesop da nleuaxa So Cristo Jesús, nache nataqa'en qomi' nca'alaxatre'c, nache qomi' nso'onaxana'ai'salo naqa'en Somaye.

Efesios 2:13

Qalaxaye qami' maye qami' qaỹoqtalo co'ollaxa Ñim Lo'onatac 'Enauacna, mashe sa qami' qaỹapigui nagui Ñimaye, cha'aye mashe qana'ayeetaua'a So Cristo chegoqchigui da l-leuaxa co'ollaq qaiuaxaneguet so npe'enaxaqui.

Efesios 2:15

Cha'aye So Cristo nlaxaañi da lamaxasoxonaxac na nqataxacpi qataq nache chegoqchigui Somaye da se'eso sa nhuoona't nhuo' le'ecpi ivira'a da auochaxauapi.