Efesios 1:9 - La'aqtaqa Ñim Lo'onatac 'Enauacna 2013

⁹ da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

Nuevo Testamento Toba Sur

⁹ qataq da qomi' ÿauattonaxanaxanque dam lhuennataxac mayi saq cha'a qataq dam 'eetapeguec mayi huotaique da i'ot.

Nuevo Testamento Toba Sombrero Negro

⁹ qama'le qo'mi yaloĝonalo jena'me jenjo' lelnataĝac jo'ne ja di'yoq ca'li yemta 'uo jena'me jenjo' aleua, ga'me jo'ne jetaque ya'uo 'me chiyaqayi da'me qoyalat ñe'me mach'e Liquiyac.

Efesios 1:9 Referans Kwoze

2 Timoteo 1:9

Ñim Lo'onatac 'Enauacna qomi' nca'alaxatre'c, qataq qomi' iỹaxanalo da yaqto' sanaqot da qanachaalataxac. Qaq de'era qomi' ỹo'oteque, damaye nache 'eetai' da lhuennataxa. Saishet da huo'otaq choche nqopita'a ca qarataxac no'on, maye souaxat da qomi' ỹauoteque, cha'aye mashe ña'araqtaua'a So Cristo Jesús. Qataq nache 'eetai' da qomi' ỹauoteque co'ollaq saxanaqaca ana 'alhua.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Efesios 3:11

Qaq de'era ỹo'ot Ñim Lo'onatac 'Enauacna, damaye nateeteguet dam nale'ena lhuennataxa co'olloxocheye maye ỹachegoxotchigui naqa'en So Qarataxala' Jesucristo da ỹo'ot.

Gálatas 1:12

Damaye saishet da choche aỹem qaỹa'aqtaxanem huo'otaq da aỹem ỹapaxaguenec ca choche shiỹaxaua, nachaqrata da So Jesucristo, maye nacheso som aỹem ỹapaxaguenec damaye.

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

Hechos 13:48

Nache co'ollaq hua'axaỹa de'era nam saishet da judiopi, nache ỹataqta huo'o da ntonaxac. Nache namayepi ỹataqta 'onaxaic naqa'en da la'aqtac Ñim Lo'onatac 'Enauacna. Huaña, nache da'amqaanataxan nam nale'ena co'ollaxa da lca'aguishec Ñim Lo'onatac 'Enauacna da yaqto' taỹot da nca'alaxa maye chochaq tatec.

Mateo 13:11

Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Hechos 4:28

Qaq de'era ỹo'ot namayepi, damaye ỹataqta ipacchiguilo 'enauaque naua 'alapaxayiñi 'arhuennataxaco da 'auo'o't.

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Jeremías 2:29

¿Ta'ainco' da Aỹem qancotaitague', ye 'enauac da qoñiita da saishet da Aỹem qaualaqaiguet? Qaq 'era da ỹa'aqtac Aỹem Nataxala'.

Salmos 33:11

Qalaxaye na 'eetapeguecpi Ñim Nataxala', qalaq nache 'eetai' chochaq tatec.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

1 Corintios 1:21

Qaq Ñim Lo'onatac 'Enauacna maye ỹataqta ỹaanaxanaxaic Ñimaye saishet da ỹashenem na shiỹaxauapi ana'ana 'alhua da ỹauatton Ñimaye da ỹachegoxotchigui da maiche lauattonaxanaxac. Nachaqrata da lhuennataxac da nca'alaxatec na ỹa'amaqten de'era qara'aqtaxanaxac maye sa'axataqtac na'aictaxa da qoỹeetega choche 'oopashec.

Gálatas 1:15

Qalaxaye Ñim Lo'onatac 'Enauacna ỹataqta lta'araic da lauoche da sheeta chegoqchiguiña co'ollaq saxanaxa da ñañiguiñi, qaq nache 'eetai' da aỹem lca'aguishec da yaqto' so'onataxanot. Nataqa'en aỹem ỹachaxana So Llalec yaqto' aỹem sa'axatem na shiỹaxauapi 'enauac na pa'aiguelo ana 'alhua de'era no'on na'axaỹaxac maye na'aqtaguec Somaye. Qaq co'ollaq cheta'ague da huo'o de'era, nache saishet da seuen da huo'o ca aỹem ỹapaxaguen,