Efesios 1:6 - La'aqtaqa Ñim Lo'onatac 'Enauacna 2013

⁶ Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Nuevo Testamento Toba Sur

⁶ Qaq ÿoqo'oyi nachi 'eetai' qome da shi'oxodenaqtac ñi Dios souaxat da lli'oxoyic da lchoxonnataxanaxa mayi qomi' ÿanema, souaxat da qomi' ñi'adaqtau'a so lauotaxat llalec.

Nuevo Testamento Toba Sombrero Negro

⁶ Chane'eja 'noota qom yataqata 'ñonaĝataĝaye joñe'me jouaĝat jena'me jenjo' t'adaic 'lonaĝac, 'me chiyaqayi da'me onaĝaic loqopich'i jo'ne qo'mi yanema. Jayatenaq da'me yataqata eja da'me loqopich'i, qa'a joote qo'mi yanema joga'me qadec'alaĝac chiyaqayi joñe'me onolec lec'oĝot ca'li namaĝaquena.

Efesios 1:6 Referans Kwoze

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Efesios 1:12

Qaq 'eetec de'era Ñim Lo'onatac 'Enauacna yaqto' qomi' judío lashe' qomi' la'auaxanaqa da huo'o da qanaquitaxac So Cristo qataq sho'oxorenaqtac dam lta'araic la'añaxac.

Filipenses 4:19

Qaq Ñim Ita'a maye Lo'onatac 'Enauacna, qami' ỹanema qome 'enauac cam qaviñiitaique ỹachegoxotchigui dam qaica ca 'ena'am lsallaxa, qataq da llo'oxoyec maye hueto'ot So Cristo Jesús.

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Efesios 1:14

Qaq nacheso so ỹoqta 'eesa naqa'en da qomi' saconaxaguet ca ỹachaxanapec Ñim Lo'onatac 'Enauacna maye qomi' ỹanema qom ivita ca laloqo' da huesochiguiñi naqa'en na lalamaxatpi, da yaqto' Ñimaye qaỹo'oxoren souaxat da la'amaqchec.

1 Pedro 4:11

Da huo'o ca qoỹanem da ỹaỹaten da ltaxaỹaxac, qaq no'on da ỹa'axat da la'aqtac Ñim Lo'onatac 'Enauacna. Qataq da huo'o ca ỹaỹaten da itauan na laỹepi, nache iuen da ỹo'ot, ỹachegoxotchigui da la'añaxac maye chegoqo'ot Ñim Lo'onatac 'Enauacna maye ỹami' da ỹo'ot damaye. Qaq huaña, nache 'enauac nam qauo'oche, chegoqchigui da na laỹepi shiỹaxauapi ỹo'oxoren Ñim Lo'onatac 'Enauacna, chegoqchigui So Jesucristo som chochaq tatec da llo'oxoyec qataq da la'añaxac. Aja', nache 'eetec.

Isaías 43:21

na nhuo' le'ecpi maye so'ot co'ollaxa da yaqto' ỹa'axatec da ỹo'oxoyec.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

2 Corintios 4:15

'Enauac de'era maiche qaraỹamaqai. Cha'aye da nquictauec nam ỹaconeguet da lsoxoyec qataq da lauotaxanaqtaic Ñim Lo'onatac 'Enauacna, nache ỹataqta qalota nataqa'en nam ỹaatacot da na'achec qataq ỹo'oxoreetac da la'amaqchec Ñimaye.

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Efesios 1:18

Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye.

Romanos 8:1

Qaq Ñim Lo'onatac 'Enauacna saishet da ỹauo'o qome ca qanhuaxanaguec, cha'aye mashe ña'araqtaua'a So Jesucristo.

Juan 10:17

Ñim Ita'a ỹataqta Aỹem ỹauotec, cha'aye san da ñachaalataxac, qaq da ime, nache qaltaq ñe'eguelaxaala't.

Juan 3:35

Qaq Ñim Lo'onatac 'Enauacna maye Ita'a ỹataqta ỹauotec na Llalec, ỹoqo'oye ỹataqta imato'ot da la'añaxac da ilo'ogue 'enauacna.

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Proverbios 16:4

'Enauac na lo'onatacpi Ñim Nataxala', huo'o da maiche lataxac naqa'en, nataqa'en ỹo'ot ca qauemaic da yaqto' taỹa'a ca na'a'q maye huetoigui ca nhuaxanaguecna.

Filipenses 3:9

qataq yaqto' aỹem qaila'a da ña'attaua'a So Cristo. Qaq saishet da chegoqchigui da no'on ỹataxac souaxat da salaxaguet na namaxasoxonaxacpi, nacherata da no'on nataxac maye ỹanem Ñim Lo'onatac 'Enauacna cam ỹa'amaqten So Cristo, dam no'on nataxac maye chegoqchigui da npi'iỹaxac.

Efesios 2:7

Qaq ỹo'ot de'era Ñimaye, cha'aye nshetaique da ỹachaxan da 'eetec cam ñaq natrauo na'axa'te da lta'araic lauotaxanaqtaic da shenaqta qataq dam lqouagaxanaqtaic maye ỹachegoxotchigui So Cristo Jesús.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Isaías 61:11

Cha'aye da 'eetec ana 'alhua da ñaxatsheguem naqa'en ana nañiguishe, qataq ñaxatec naqa'en ana dalaxai llaxataxa na nanaxanaqa'piolec, qaq nache 'eetec qome Ñim Nataxala' da ñaxat naqa'en da lauegaxanaxac, qataq 'enauac nam ỹotta'a't shiỹaxauapi ỹo'on qome ca no'onec da yo'oxonnataxan.

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Salmos 22:20

Qataq 'anca'alaxateeguesop qome ca ỹeelonec de'era ñachaalataxac, qataq saishet da 'aua'aqta'a da aỹem ỹalauat ne'ena pioxoppi.

Zacarías 13:7

Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!

Salmos 60:5

Qataq 'auo'ogoxona qome na 'arhuaq 'oiguishec da qomi' 'anca'alaxatrec, ñaq qomi' 'auasategueta, yaqto' na 'arauotaxat nhuo' le'ecpi nca'alec.

Levítico 15:15

Nache camaye ỹaneuo ca 'oonolec da yaqto' nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq ỹauaachigui naqa'en Ñim Nataxala' da ỹo'ot da qui'itta naqa'en que'eca ỹale.

Mateo 20:9

Ime, nache anac som do'onataxanpi co'ollaq mashe inoxootapiguiñi aso nala'. Nache ñi 'oonolec somayepi ỹaconeguet aso lasheue ye 'oonolec na'a'q da qaisheeten da lo'onataxanaxac ca ỹale.