Efesios 1:23 - La'aqtaqa Ñim Lo'onatac 'Enauacna 2013

²³ Cha'aye na 'amqaanataxanaxaicpi, nachena na 'eeta'am da lo'ocỹaxac So Cristo. Qaq namayepi ỹataqta imatta't da lataxac Somaye. Qaq Somaye ỹataqta naloqchiichiguiñi naqa'en na 'amqaanataxanaxaicpi.

Nuevo Testamento Toba Sur

²³ Cha'ayi na 'amqajnataxanaxaicpi nachina na 'eeta'am da l'oquiaxac so Cristo. Qaq namayipi ÿataqta imatta't da lataxac somayi. Qaq somayi ÿataqta naloqchiichiguiñi naq'en 'enauacna.

Nuevo Testamento Toba Sombrero Negro

²³ ena'am ga'me laqaic ga'me jiyaĝaua jo'ne yelolegue yema ga'me 'loyaĝac, qama'le naqaeñe ñe'me Cristo da'me en nalo'ta'ajalo jogaa'me, qa'a nach'eñe ñe'me jo'ne yemata'a't yemeda gaa'me uo'oe.

Efesios 1:23 Referans Kwoze

Juan 1:16

Qaq 'enauac da shenaqta saconaxaguet dam chochaq huañi lsallaxa, qaq nachera dam lqouagaxanaqtaic maye nacalec lỹa da qomi' ỹanema.

Efesios 4:12

Qaq 'era da 'eetec co'ollaq iqataxanai' da llec naqa'en na 'amqaanataxanaxaicpi, yaqto' ñi 'oonolec ỹo'ot ca lo'onataxanaxac, da yaqto' nquictasheguem da lo'ocỹaxac So Cristo,

Efesios 3:19

Qataq seỹaxaatacot Ñim Lo'onatac 'Enauacna, da yaqto' qami' ỹataqta qauauattoñiita de'era nauotaxanaqtaic maye ỹataqta napacalec 'enauac na qarauattonaxanaxacpi, qataq yaqto' qami' qauacoñiiguet 'enauac nam huotaique da qami' ỹanema Ñimaye.

Efesios 4:10

Qaq som naỹa co'ollaq ana 'alhua, nacheso co'ollaxa som taigue da piguem da yaqto' imattalec 'enauacna.

1 Corintios 15:28

Qaq qom mashe 'enauac da qaipataxalec 'enauacna so Ñalec, nache Somaye maiche nañanot da 'enec Ñim Lo'onatac 'Enauacna. Nache huaña nache Ñim Lo'onatac 'Enauacna imata'a't da ilo'ogue 'enauacna, cha'aye Ñimaye nacheñi ñi chegoqchigui da ỹami' 'enauac da 'enec So Cristo da ilo'ogue 'enauacna.

Colosenses 1:24

Qaq nagui aỹem ỹataqta samachiguiñi, cha'aye huo'o da ñeque'eenaxac souaxat da qoñiita. Cha'aye de'era nque'eenaxac da ỹalamaxat ỹo'ocỹaxac, damaye naigui da nalochiguiñi ñaqa'en na nque'eenaxacpi So Cristo souaxat 'enauac nam ỹa'amaqten Somaye.

Colosenses 3:15

Qami' qaiỹaxanalo da qana'ayeetaua'a da 'oonolec no'ocỹaxac, dam lo'ocỹaxac So Cristo. Qauaqaita'a da nlagaxayec maye chegoqo'ot So Cristo da ilo'ogue da qarquiyaqteỹaxaqui, qataq qantoñiitapeguec.

Colosenses 3:11

Qaq damaye saishet da huo'otaq nachera da yo'oqchigui da judío le'ec huo'otaq da saishet, huo'otaq ca huo'o ca na'anaxat na lo'oc huo'otaq ca qaica, qataq ca ỹaqa'a ca chegaqa'ague, huo'otaq nam sa naỹamaxatapec, huo'otaq ca nlatac huo'otaq ca sa nlatac. Cha'aye So Cristo nachaqsota 'oonolec imata, qataq hueta'aguet 'enauac na shiỹaxauapi.

Efesios 2:16

Chegoqchigui da l-leuaxa So Jesucristo co'ollaq qaiuaxaata'aguet so npe'enaxaqui, da Somaye ỹa'axaneguet da pa'aguenaxac maye huetaiguilo se'esoua nhuo' lashe'. Qataq l-llatcheguem se'eso pa'aguenaxac co'ollaq qaiuaxaneguet so npe'enaxaqui Somaye, ime nache ỹauaxaỹaxana't da yaqto' 'enauac da nhuo' le'ecpi qataq huetaigui da lactapiguiñi, cha'aye hueto'ot Ñim Lo'onatac 'Enauacna.

1 Corintios 12:6

Qataq saq 'ena'a't da lataxac da lo'onataxanaxac na shiỹaxauapi, qalaxaye nacheñi Ñim Lo'onatac 'Enauacna maye ỹo'onataxanaxanec ca 'oonolec cam nalotaua'a da ỹo'ot.

Romanos 13:5

Qaq ỹoqo'oye qami' iuen da qaualaqaiguet na nta'alpi. Saishet da nachaqrata da qavicheetega ca qanhuaxanaguiiqui, nachaqrata da qami' qauaỹaañi damaye da ỹataqta ỹaỹamaqchiguiñi.

Efesios 4:4

Ỹataqta 'eesa da 'oonolec da no'ocỹaxac, qataq 'oonolec So Saqcha'a Na'añaxac Qui'itta. Cha'aye Ñim Lo'onatac 'Enauacna qami' iỹaxanalo co'ollaxa, da yaqto' 'oonolec naqa'en da qanaquitaxaqui.

Efesios 3:10

Qaq qoỹeetec de'era nagui, yaqto' ishet da chegoqchigui qanqa'en na 'amqaanataxanaxaicpi da 'enauac nam 'añaxaicpi qataq nam damaxasoxonapecpi maye hueto'ot na piguem ishet da ỹaỹaten 'enauac na ỹotta'a't laỹaaneguesat Ñim Lo'onatac 'Enauacna.

Efesios 4:13

choche ivitta'a da 'enauac qomi' 'amqaanataxanaxaicpi ỹataqta na'atta't da qarpi'iỹaxac qataq da qarauattonaxanaxac da sauattonaqta So Llalec Ñim Lo'onatac 'Enauacna. Huaña, nache shenaqta'am ca shiỹaxaua maye ỹataqta saq nogotolec, cha'aye ỹataqta semataqta't da llaxa So Cristo.

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.