Efesios 1:22 - La'aqtaqa Ñim Lo'onatac 'Enauacna 2013

²² Nache Ñim Lo'onatac 'Enauacna ipataxalec da ilo'ogue naqa'en 'enauacna So Cristo, qataq ỹanem da nachaqsota 'oonolec lataxala' naqa'en 'enauac na 'amqaanataxanaxaicpi.

Nuevo Testamento Toba Sur

²² Nachi ipataxalec da ilo'ogue naq'en 'enauacna so Cristo, qataq ÿanem da nachisota 'oonolec lqaic naq'en 'enauac na 'amqajnataxanaxaicpi.

Nuevo Testamento Toba Sombrero Negro

²² Dios joote yanem ñe'me Cristo da'me lañoqotaĝanaĝac qaedi male yataqata nejaliaĝatelo'te yemeda jogaa'me uo'oe, nataq'aen male naqaeñe jo'ne qoyen Lejaliaĝane'j yema jogaa'me Dios lec'oqo'tepi,

Efesios 1:22 Referans Kwoze

Colosenses 1:18

Qataq So Cristo nacheso so ilotague' na ỹa'amaqten Somaye qataq ỹami' da lca'alaxa. Somaye nacheso so nqaic, qaq nam 'amqaanataxanaxaicpi qaq nachera da lo'ocỹaxac. So Cristo nacheso so la'auaxanec 'enauac nam huo'o. Qaq ỹoqo'oye nacheso so la'auaxanec da nca'aleeguesop da nleuaxa, da yaqto' nachaqsota 'oonolec Nataxala'.

Colosenses 2:10

qataq Somaye ilo'ogue 'enauac nam saq cha'api maye huo'o da la'añaxac qataq nam damaxasoxonapecpi. Qaq ỹoqo'oye qami' qaica ca qaviñiitaique, cha'aye qana'ayeetaua'a Somaye.

Hebreos 2:8

qataq qomi' 'anema da qara'añaxac da ñataỹaqaña 'enauac na laỹepi 'aro'onatacpi; qataq qomi' 'anema da seloxogue 'enauac nam 'aro'onatacpi.» Qaq Ñim Lo'onatac 'Enauacna da ỹanem da ilo'ogue 'enauac nam lo'onatacpi, nache damaye naigui da qaica ca 'oonolec nam lo'onatacpi da sa ilo'ogue. Qaq na'aictaxa nagui da saxanaxa da semetenaq da 'enauac na lo'onatacpi da ỹataqta ilo'ogue.

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Efesios 5:23

Cha'aye ca lhua nacheca ca lqaic acamaye, 'eeta'am So Cristo, da Somaye nacheso so lqaic na 'amqaanataxanaxaicpi, qataq nacheso som lca'alaxaqui. So Cristo nacheso so lqaic, qaq na 'amqaanataxanaxaicpi nachena na 'eeta'am da lo'ocỹaxac Somaye.

1 Corintios 11:3

Qaq nagui sauotaique da qauaỹachiñi de'era: So Cristo huo'o da 'enec da ilotalec ca ỹale, 'eeta'am ca ỹale da huo'o naq 'enec da ilotalec aca lhua. Qaq nache 'eetec Ñim Lo'onatac 'Enauacna da ilotalec So Cristo.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Efesios 3:21

Qaq ỹoqo'oye 'enauac qome qomi' maye sa'amaqtenaqtac So Cristo, 'onaxaic da chochaq tatec da qayo'oxonnataxanaxa Somaye. Aja', nache 'eetec.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

1 Timoteo 3:15

yaqto' da aỹem lcopa'aguet, qalaxaye mashe lhuotta da 'auaỹaten ca lataxac ca 'oonolec nam llalaqpi Ñim Lo'onatac 'Enauacna, maye nachena nam ỹa'amaqten Ñim Lo'onatac 'Enauacna maye ỹataqta nca'altauec. Namayepi nachena na nlletañi qataq npaxattalec da 'eesa lataxac.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Salmos 91:13

Qataq ishet da 'auapigui ca llon, qataq ca na'araxanaq, qataq ishet da 'auque'emaqchet ca shiguiỹac lta'araic qataq aca na'araxanaq late'e.

Colosenses 1:8

Qaq somaye qomi' nda'alo da qara'axaỹaxac da qoñiita qataq dam 'eetec da So Saqcha'a Na'añaxac Qui'itta da qami' ỹo'oteque da qarsoxoyiqui.

Salmos 110:1

Ñim Nataxala' 'enapega ñim ỹataxala', 'eeta': «'Anso'ootaña qome da pa'aigue na aỹoic, nache ivitta'a qome da hueto'oto ñaqa'en naua 'arapia'ate na 'ampa'aguenaxauapi.»