Efesios 1:21 - La'aqtaqa Ñim Lo'onatac 'Enauacna 2013

²¹ da yaqto' nataỹaña naqa'en 'enauac nam 'añaxaicpi, damaxasoxonapecpi, nta'alpi, nataxala'pi maye hueto'ot na piguem, qataq 'enauac nam ishet da huo'o ca qaỹamata'ac le'enaxat, nagui nam souaqtaiguilo na'axa'te, huo'otaq cam ñaq natauo.

Nuevo Testamento Toba Sur

²¹ da yaqto' nataÿaña naq'en 'enauac nam 'añaxaicpi, damaxasoxonapecpi, nta'alpi, nataxala'pi mayi hueto'ot na piguem, qataq 'enauac nam ishit da huo'o ca qaÿamata'ac l'enaxat, nagui nam souaqtaiguilo na'axa'te, huo'otaq cam ñaq natauo.

Nuevo Testamento Toba Sombrero Negro

²¹ Jena'me jenjo' lañoqotaĝanaĝac ñe'me Dios joote yanem joñe'me Cristo, qaedi male nejaliaĝatelo'te yemeda jogaa'me nepaqa'li jo'ne nataq'aen 'uo da'me mach'e lañoqotaĝanaĝac, qalaĝaja ja naloteda'aguet joñe'me Cristo, chayovida'a da'me Cristo male nejaliaĝatelo'te yemeda jogaa'me ueteda'a jena'me jenjo' aleua, nataq'aen jogaa'me uo'oe jo' qomle ga'me aleua dalaĝaic.

Efesios 1:21 Referans Kwoze

Colosenses 2:10

qataq Somaye ilo'ogue 'enauac nam saq cha'api maye huo'o da la'añaxac qataq nam damaxasoxonapecpi. Qaq ỹoqo'oye qami' qaica ca qaviñiitaique, cha'aye qana'ayeetaua'a Somaye.

Hebreos 1:4

So Llalec Ñim Lo'onatac 'Enauacna, ivira'a da nataỹaña 'enauac nam namaxashecpi piguem le'ecpi, cha'aye Ñim Lo'onatac 'Enauacna ỹanagui da le'enaxat maye ỹataqta ỹo'oxoraq, saq 'ena'am namayepi.

Hechos 4:12

Qaica ca lỹa ishet da chegoqchigui da nca'alaxa. Cha'aye Ñim Lo'onatac 'Enauacna qaica ca lỹa ne'enaxat da qomi' ỹanema ana 'alhua, da yaqto' ishet da qomi' nca'alaxatre'c, nachaqsota So Jesús.

Colosenses 2:15

Ñim Lo'onatac 'Enauacna deuotaxanec da la'añaxac nam saq cha'api maye damaxasoxonapecpi chegoqchigui So Cristo da loxonec namayepi, ỹataqta qaica ca 'enec naqa'en co'ollaq ỹauec da 'eeta'am da lcoñeteguishecpi co'ollaq dauegaxan Somaye.

Daniel 7:27

Qaq da lo'onataxanaxac, la'añaxac qataq da llo'oxoyec 'enauac nam nta'alpi maye netalec ana 'alhua, qoỹanem qome nam nhuo' le'ecpi maye lalamaxat Ñim Nataxala' maye Nataỹaña 'Enauacna. Qaq dam lo'onataxanaxac qalaq chochaq tatec qome, nache 'enauac qome na nhuo' le'ecpi ana 'alhua do'onataxanot qataq ỹalaxaguet.

Efesios 3:10

Qaq qoỹeetec de'era nagui, yaqto' ishet da chegoqchigui qanqa'en na 'amqaanataxanaxaicpi da 'enauac nam 'añaxaicpi qataq nam damaxasoxonapecpi maye hueto'ot na piguem ishet da ỹaỹaten 'enauac na ỹotta'a't laỹaaneguesat Ñim Lo'onatac 'Enauacna.

Efesios 6:12

Cha'aye qomi' saishet da seloquiaqtapegue' ca shenaqta'am shiỹaxaua, nachaqnata nam saq cha'api maye qauemaicpi hueto'ot na piguem, nam damaxasoxonapecpi, 'añaxaicpi maye ỹamaqpec nam huetaigui na napalaxa.

Hebreos 4:14

So Jesús, Somaye Llalec Ñim Lo'onatac 'Enauacna, qataq nacheso Som Lataxala' nam ntaxaỹaxanaxanecpi da qaitaxaỹapegue' Ñim Lo'onatac 'Enauacna, Som 'oonolec maye inoxoneua'a ca hueta'a Ñimaye. Qaq ỹoqo'oye iuen da qolaqto'ot da qanaquitaxac Somaye.

Hebreos 2:5

Ñim Lo'onatac 'Enauacna saishet da ipataxalec nam lamaxashecpi piguem le'ecpi da ilo'ogue cam 'alhua maye taỹa'a da sonaqtalec qome. Aca'aca 'alhua

Efesios 2:2

Qataq souaxat da qoquiitague' da qauem lataxac maye ỹo'ottac na shiỹaxauapi maye huetalec ana 'alhua. Qataq qauo'ocheetac na 'eetapeguecsat som saqcha'a maye damaxasoxonapec som ilotague' nam qauem saq cha'api na'añaxacpi qataq maiche ỹoiqueetac nam saishet da ỹalaxaguet Ñim Lo'onatac 'Enauacna.