Efesios 1:20 - La'aqtaqa Ñim Lo'onatac 'Enauacna 2013

²⁰ co'ollaq nca'aleeguesop naqa'en da nleuaxa So Cristo. Nache taigue naqa'en da piguem, da yaqto' nso'onegue da aloic Ñimaye,

Nuevo Testamento Toba Sur

²⁰ co'ollaq nca'aleeguesop naq'en da nleuaxa so Cristo. Nachi taigue naq'en da piguem, da yaqto' nso'ongue da aloic ñimayi,

Nuevo Testamento Toba Sombrero Negro

²⁰ Qama'le naqaeñe joñe'me Dios t'onataĝana ca'li en 'niyelaĝajeguem joñe'me Cristo, qama'le ya'uo di'me 'lachaqa' jodi'me piyem, male en na'ña jena'me yayaten joñe'me.

Efesios 1:20 Referans Kwoze

Hebreos 10:12

Qalaxaye So Jesucristo nañanot Ñim Lo'onatac 'Enauacna da, 'eeta'am naqa'en aca nachetaqtaxanaqte maye qaỹavigaxatta, nache sa lỹa da qaltaq nañan. Qaq huaña, nache qaỹapalaxat na qarasouaxashetpi. Ime, nache Somaye nso'ooñi netaua'a na aloic añi nso'onaxaqui Ñim Lo'onatac 'Enauacna,

Marcos 16:19

Qaq co'ollaq so Qarataxala' Jesús imat da na'aqtaxaategueto soua lapaxaguenataqa, nache Ñim Lo'onatac 'Enauacna ỹaueegue da piguem. Huaña, nache Somaye nso'oota'ague da aloic Ñim Lo'onatac 'Enauacna, yem huaña da qaica ca 'ena'am da llo'oxoyec.

Salmos 110:1

Ñim Nataxala' 'enapega ñim ỹataxala', 'eeta': «'Anso'ootaña qome da pa'aigue na aỹoic, nache ivitta'a qome da hueto'oto ñaqa'en naua 'arapia'ate na 'ampa'aguenaxauapi.»

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Colosenses 3:1

Qaq ỹoqo'oye da qami' sogote da qarỹaicheguem So Cristo co'ollaq qami' qanca'alaxatre'c, nache qanmichiỹaique cam hueta'ague da piguem dam neta'ague Somaye da nso'ootaua'a na aloic Ñim Lo'onatac 'Enauacna.

Filipenses 3:10

Qaq ỹoqo'oye dam 'oonolec maye ỹataqta seyaqa'a, damaye sauotaique da ỹataqta sauattoota So Cristo, qataq da ñauane' da la'añaxac co'ollaq nca'aleeguesop da nleuaxa, yaqto' ñeuanaua'a da nque'eenaxac, qataq sevira'a da shena'am Somaye da l-leuaxa.

Romanos 8:34

Qataq ¿ishet peta'a da huo'o ca ỹañoxot da ỹauo'o ca nhuaxanaguec? ¡'A'i, qaica, cha'aye So Jesucristo mashe ileualec namayepi! Qataq huo'o da lỹa, So Jesucristo nca'aleeguesop da nleuaxa, qaq nagui neta'ague na aloic Ñim Lo'onatac 'Enauacna, nache nachoxoreetapeguelec da shenaqta.

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

Marcos 14:62

Nache So Jesús ỹasateguet somaye 'enapeco': –Aja', Nachaỹem. Qaq qami' qauloỹa'aguet qome Aỹem Shiỹaxaua Llalec, da ñanac da sootalec ca lo'oc na piguem, ñanactaigui da la'añaxac qataq da 'enec Ñim Lo'onatac 'Enauacna maye qaica ca ỹaqalanapec.

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Apocalipsis 1:17

Qaq can sela'a, nache souañi, ñalo'oto naua lchel Somaye, 'eeta'am da seleu. Qalaxaye Somaye ỹauota'a na lhuaq aloic da aỹem ỹashel-lec, nache aỹem 'enapega, 'eeta': Saishet da 'añi'i. Aỹem maye Nachaỹem la'auaxanec, qataq Aỹem maye Nachaỹem sepa'atec,

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Hebreos 13:20

Ñim Lo'onatac 'Enauacna ỹo'otec So Qarataxala' Jesús da qaltaq ỹe'eguelaxalec da nca'alec. Qaq So Jesús qalaq 'eeta'am naqa'en da qomi' lalopi qagueta, qaq Somaye qalaq 'eeta'am ca ilotague' aca qaguetapi. Qataq chegoqchiguilo soua ltago'q maye huecolde'c co'ollaq qaỹalauat Somaye, da Ñim Lo'onatac 'Enauacna qomi' naỹamaxatto, qaq da naỹamaxataxac chochaq tatec. Qaq ỹoqo'oye seỹaxaatacot Ñim Lo'onatac 'Enauacna maye hueto'ot da nlagaxayec da qami' nalochiyiñi naqa'en qataq qami' huotaxanaqtaqaiqa. Qaq So Jesucristo qami' itaua'n da imauec da qaualaqaiguet Ñim Lo'onatac 'Enauacna. ¡Qaq So Jesucristo ỹataqta lta'araic da ño'oxonnataguec qataq chochaq tatec da 'enec! Aja', nache 'eetec.

Hebreos 2:9

Qalaxaye Ñim Lo'onatac 'Enauacna qomi' ỹauoteque, nache namaxalec ana 'alhua So Jesús da qomi' nca'alaxatre'c, chegoqchigui da l-leuaxa. Ỹoqo'oye na'aictaxa da Ñim Lo'onatac 'Enauacna da cara'ac co'ollaxa da ỹasheeteguet So Jesús da nquicchiguiñi da la'amaqchec saq 'ena'am na lamaxashecpi piguem le'ecpi, qalaxaye nagui Somaye nachaqsota da qaỹo'oxoreetac souaxat da qaica ca 'ena'am la'amaqchec.

Efesios 1:3

Sanqot da qana'achecỹaxac Ñim Lo'onatac 'Enauacna Ñim Lta'a So Qarataxala' Jesucristo, cha'aye nagui da ña'araqtaua'a So Cristo, nache Ñimaye qomi' ỹanema na ỹotta'a't lqouagaxanaqtaiguesat maye chegoqo'ot So Saqcha'a Na'añaxac Qui'itta.

Hechos 26:8

Qaq ¿ta'ainco' da qoñiita ye saishet da qaua'amaqchiñi Ñim Lo'onatac 'Enauacna da ishet da qaltaq nca'alec naqa'en na leuaxaicpi?

Hechos 10:40

Qalaxaye Ñim Lo'onatac 'Enauacna qaltaq nca'alaxatec Somaye co'ollaq mashe ivi't soua tres na'axa'te, nache qaltaq qomi' ỹachaxanegueta.

Hechos 4:10

Qaq nagui qami' sa'aqtaxanaqtema, yaqto' de'era ỹaỹateeta 'enauac na Israel le'ecpi da 'eetec de'era ỹale maye hueta'a ne'ena da nagui ỹataqta no'oita. Damaye chegoqchigui da la'añaxac So Jesucristo maye Nazaret le'ec, Som qami' qauaxañiiuo co'ollaxa, qalaxaye Ñim Lo'onatac 'Enauacna qaltaq nca'alec naqa'en.

Juan 10:30

Aỹem, qataq Ñim Ita'a, 'oonolec da qarataxac.

Juan 10:18

Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.

Daniel 7:14

Nache somaye qoỹanem da la'añaxac, llo'oxoyec, qataq da no'onataxanaxac, nache na ỹotta'a't shiỹaxauapi, qataq nam ỹotta'a't naua la'aqtaqa do'onataxanot somaye. Qaq dam la'añaxac somaye qalaq nache 'eetai' qome, qataq dam lo'onataxanaxac saishet qome da nlaguiñi.

Colosenses 1:16

Qataq chegoqchigui Somaye co'ollaq Ñim Lo'onatac 'Enauacna ỹo'ot 'enauac nam hueto'ot na piguem qataq nam huetalec ana 'alhua, 'enauac nam ishet da qaila'a, qataq nam saishet da qaila'a, qataq na saqcha'a na'añaxacpi maye damaxasoxonapec qataq nam huo'o da la'añaxac. Ñim Lo'onatac 'Enauacna chegoqchigui naqa'en So Cristo 'enauac nam ỹo'ot. Qaq So Cristo, nache 'enauac maiche lalamaxatpi.