Efesios 1:19 - La'aqtaqa Ñim Lo'onatac 'Enauacna 2013

¹⁹ Qataq yaqto' qauaỹaañi dam ỹataqta lta'araic la'añaxac maye qomi' itauaategueque. De'era na'añaxac qaica ca loga't, dam do'onataxana co'olloxocheye Ñim Lo'onatac 'Enauacna,

Nuevo Testamento Toba Sur

¹⁹ qataq yaqto' qauaÿajñi dam ÿataqta lta'adaic qataq qaica ca loga't l'añaxac mayi do'onataxaatapoigui da shinaqta mayi sa'amqajnataxanaq. Qaq de'eda qaica ca 'en'am l'añaxac, nachida da ÿachaxan ñi Dios

Nuevo Testamento Toba Sombrero Negro

¹⁹ 'Noota qom yataqata auayachiñe joda'me lañoqotaĝanaĝac joñe'me, nale qo'mi lecochiyalo yemeda naa'me noloqo'ote, qaya'te yiyota'ya da'me lañoqotaĝanaĝac yataqata qaya'te loiquiaqa'.

Efesios 1:19 Referans Kwoze

Filipenses 2:13

Cha'aye Ñim Lo'onatac 'Enauacna, nacheñi ñi qami' ỹanema cam ỹaỹamaqchiguiñi maye qoñiitapeguec, qataq qami' itaua'n da ña qaumacheeta 'enauac camaye. Qaq damaye maiche chegoqchigui Ñimaye.

Efesios 3:20

Qaq ỹoqo'oye 'onaxaic nagui da qaỹo'oxoren qome Ñim Lo'onatac 'Enauacna, Ñim 'añaxaic maye ishet da ỹactec naqa'en ca qomi' ỹanema, napacalec cam seỹaxanaqaique, huo'otaq cam tatapigui ye qarhuel, da chegoqchigui naqa'en da la'añaxac maye do'onataxaatapoigui da qanachaalataxac.

Colosenses 2:12

Cha'aye co'ollaq qami' qanachelaxanguilo na 'etaxat, nache qoñiita'am So Cristo co'ollaq qailareñi, qaq co'ollaq qannoxoñiisheguem, nache qoñiita'am Somaye co'ollaq qanca'alaxateeguesop da l-leuaxa, cha'aye qami' ỹataqta qaua'amaqchiñi da la'añaxac Ñim Lo'onatac 'Enauacna.

2 Corintios 4:7

Co'ollaq Ñim Lo'onatac 'Enauacna qomi' ỹanema da no'on na'axaỹaxac, nache ỹachagui de'era nsallaxa asom qaica ca la'añaxac no'oxona 'alhuole. Yaqto' da sa'axataqtac da no'on na'axaỹaxac, nache na shiỹaxauapi ỹaỹaten da de'era na'añaxac chegoqo'ot Ñim Lo'onatac 'Enauacna, qaq saishet da nache qomi' maye shenaqta'am acatai' 'alhuole maye qaica ca la'añaxac.

Colosenses 1:29

Qaq nachera da huo'omshe aỹem so'onataxaatac, qataq sauo'o da maiche ña'añaxataxac, qataq so'ogoxona nataqa'en da la'añaxac So Cristo maye aỹem ỹami'.

Efesios 6:10

Qaq nagui qami' ỹaqaỹa't, qanmichiỹaique ca qara'añaxaqui maye chegoqo'ot So Cristo cam qaviñiitaique nagui.

Efesios 3:7

Ñim Lo'onatac 'Enauacna ỹataqta aỹem ỹauotec, ỹoqo'oye ñetooteguec da lta'araic la'añaxac, cha'aye nachera da ỹachegoxotchigui da aỹem ipataxalec da sa'axatec da no'on na'axaỹaxac, na'aictaxa da saishet da saiguet damaye.

Efesios 2:10

Cha'aye Ñim Lo'onatac 'Enauacna qomi' lo'onataqa, qataq qomi' nañaxateua'alo naqa'en So Cristo Jesús, cha'aye nshetaique da so'otaq ca ỹaỹamaqchiguiñi. Qaq damaye nale'eno' da lapaqtapiguiñi co'ollaxa da ỹauotaique qoyecỹaxac.

Romanos 1:16

Cha'aye aỹem saishet da she'etac qataq saishet da ñecoqtac da sa'axattac da no'on na'axaỹaxac, cha'aye damaye la'añaxac Ñim Lo'onatac 'Enauacna maye ishet da nca'alaxatec 'enauac nam ỹa'amaqten So Jesús, na'aictaxa da judiopi huo'otaq saishet.

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

2 Ts 1:11

Qaq nachera da huo'omshe qami' ñeqouagaxaunaqtaleguete, seỹaxanaqtacot ñi Qarta'a maye Lo'onatac 'Enauacna, da ña qami' itaua'n da ỹataqta qoquiitelec da llecỹaxac da huo'omshe qami' iỹaxanalo. Nataqa'en ñeqouagaxaunaqtacot Ñim Lo'onatac 'Enauacna maye 'añaxaic da yaqto' qaupaquiitelec 'enauac nam ỹaỹamaqchiguiñi qoñiitapeguecpi chegoqchigui da lta'araic qanaquitaxaqui Ñimaye.

Isaías 53:1

¿Negue't qome ca ỹa'amaqten da qara'aqtaxanaxac? Qataq Ñim Nataxala' ¿negue't cam ỹachaxana dam la'añaxac?

1 Ts 1:5

Cha'aye co'ollaq qami' sa'aqtaxanaxama da no'on na'axaỹaxac qalaq saishet da ndotre'c naua qara'aqtaqa. Nachaqrata da co'ollaq qami' souaqta'agueta qalaq qami' sachaxanaxalo da qomi' hueto'oto da la'añaxac Ñim Lo'onatac 'Enauacna qataq So Saqcha'a Na'añaxac Qui'itta da do'onataxaatapoigui da shenaqta, qaq damaye naigui da maiche qanaỹamaxataxaqui.

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Juan 3:6

Ca chegoqchigui da lañoxoc ca yo'oqchigui shiỹaxaua, camaye ipacchigui da choche shiỹaxaua. Qalaxaye ca chegoqchigui da lañoxoc So Saqcha'a La'añaxac Ñim Lo'onatac 'Enauacna, camaye ỹaatañi da achaalataxac maye chegoqo'ot Somaye.

Filipenses 3:21

Qaq Somaye naralaxat qome da qaro'ocỹaxac maye qaica ca la'añaxac, da yaqto' 'eeta'am naqa'en dam lo'ocỹaxac maye ỹo'oxoraq. Qaq damaye ỹachegoxotchigui da la'añaxac maye nachera da do'onataxana qome da ilo'ogue 'enauacna.

1 Pedro 4:11

Da huo'o ca qoỹanem da ỹaỹaten da ltaxaỹaxac, qaq no'on da ỹa'axat da la'aqtac Ñim Lo'onatac 'Enauacna. Qataq da huo'o ca ỹaỹaten da itauan na laỹepi, nache iuen da ỹo'ot, ỹachegoxotchigui da la'añaxac maye chegoqo'ot Ñim Lo'onatac 'Enauacna maye ỹami' da ỹo'ot damaye. Qaq huaña, nache 'enauac nam qauo'oche, chegoqchigui da na laỹepi shiỹaxauapi ỹo'oxoren Ñim Lo'onatac 'Enauacna, chegoqchigui So Jesucristo som chochaq tatec da llo'oxoyec qataq da la'añaxac. Aja', nache 'eetec.