Efesios 1:18 - La'aqtaqa Ñim Lo'onatac 'Enauacna 2013

¹⁸ Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye.

Nuevo Testamento Toba Sur

¹⁸ Qataq seÿaxaatacot ñi Dios, da yaqto' i'edaxatoigui da qantounaxaqui, da yaqto' qauaÿajñiita cam qanaquitaxaqui mayi huo'o mshi qami' iÿaxanalo ñimayi, qataq yaqto' qauaÿajñi dam chochi huañi qataq qaica ca 'en'am da lli'oxoyic mayi ÿachaxanapec ñi Dios da ÿanem 'enauac nam lalamaxatpi ñimayi,

Nuevo Testamento Toba Sombrero Negro

¹⁸ Nataq'aen male ñachoĝodenot joñe'me Dios qaedi ami yaloĝo'talo chayovida'a da'me yataqata auayachiñe da'me eeta da'me qadeuataqataĝanaĝac jo'ne chiyaqayi da'me nec'alaĝa jo'ne jetaque qo'mi yanouelo, nataq'aen qaedi auayachiñe da'me eeta da'me lajo'viyaĝac ga'me onaĝaic jo'ne qaya'te ena'am da'me li'yoĝodic, nach'eda da'me jetaque yanema yemeda gaa'me mach'e lec'oqo'tepi.

Efesios 1:18 Referans Kwoze

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

2 Corintios 4:6

Co'ollaq Ñim Lo'onatac 'Enauacna ỹo'ot ana 'alhua, nache da la'aqtac, 'eeta': «Huo'o qome aca icoỹarelec na napalaxa.» Qaq co'ollaq qomi' ỹaỹaanaxanaxaneque da no'on na'axaỹaxac, nache nataqa'en icoỹaroigui da qantoonaxac, yaqto' chegoqchigui So Cristo da sauattonaq da la'amaqchec Ñimaye.

Lucas 24:45

Huaña, nache itaua'n soomaye da ỹaỹate'n naua naiguilo naua ñiyigui'she maye nanettralec ana nere maye huetalec na la'aqtacpi Ñim Lo'onatac 'Enauacna.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Efesios 5:8

Cha'aye da sa qaỹauatton Ñim Lo'onatac 'Enauacna, nache damaye 'eeta'am da qanayeetaigui na napalaxa. Qami' co'ollaxa qoviitaigui na 'eco' napalaxa, cha'aye saishet da qauauattoñi Ñim Lo'onatac 'Enauacna. Qalaxaye nagui qami' mashe qauauattoñi Ñimaye, nache qoviitaigui na yo'oqchiguiñi. Qaq ỹoqo'oye qami' ỹataqta qaupaquiichigui qome da lataxac cam ỹataqta ỹauattoota Ñimaye,

Efesios 3:16

Souaxat dam lta'araic lsallaxa qataq da llo'oxoyec, nache seỹaxaatacot Ñim Lo'onatac 'Enauacna da ỹachegoxotchigui So Saqcha'a La'añaxac da qami' ỹanema ca la'añaxac da qarvilỹaxaqui.

Efesios 4:4

Ỹataqta 'eesa da 'oonolec da no'ocỹaxac, qataq 'oonolec So Saqcha'a Na'añaxac Qui'itta. Cha'aye Ñim Lo'onatac 'Enauacna qami' iỹaxanalo co'ollaxa, da yaqto' 'oonolec naqa'en da qanaquitaxaqui.

Salmos 119:18

Qataq nlorec 'anqa'en naua ỹa'ai'te, yaqto' sela'a da llo'oxoyec naua 'arqataxaco.

Tito 3:7

Damaye ỹataqta saishet sa saxaguet, qalaxaye Ñimaye ỹachegoxotchigui da lqouagaxanaqtaic da qomi' ỹaconegueta, qataq qomi' ỹanema da yaqto' saconaxaguet da 'itchiguiñi achaalataxac chochaq tatec maye seuataqta'aguet.

Isaías 42:7

Sauotaique da nauaañi 'anqa'en na qanamaicpi, qataq 'ausoueeguesop ana ncoñetaxanaxaquipi na ncoñeteguishecpi, qataq na ncoñeteguishecpi maye huetaigui na napalaxa.

2 Ts 1:11

Qaq nachera da huo'omshe qami' ñeqouagaxaunaqtaleguete, seỹaxanaqtacot ñi Qarta'a maye Lo'onatac 'Enauacna, da ña qami' itaua'n da ỹataqta qoquiitelec da llecỹaxac da huo'omshe qami' iỹaxanalo. Nataqa'en ñeqouagaxaunaqtacot Ñim Lo'onatac 'Enauacna maye 'añaxaic da yaqto' qaupaquiitelec 'enauac nam ỹaỹamaqchiguiñi qoñiitapeguecpi chegoqchigui da lta'araic qanaquitaxaqui Ñimaye.

Efesios 4:1

Qaq ỹoqo'oye aỹem, maye aỹem qaicoñettai' souaxat da so'onataxaatacot So Cristo, nagui qami' ñachoxoreetoiguilo da ỹataqta qoquiitegue da lataxac nam qaiỹaxanapi maye 'eeta'ama qami', da ỹalegoigui qanqa'en nam lalamaxatpi Ñim Lo'onatac 'Enauacna.

Isaías 6:10

Qataq 'auo'otec qome da qaramta da lquiyaqteỹaxac ne'ena shiỹaxauapi, qataq 'auapoguilo naua la'ai'te qataq naua ltela lauaco, da yaqto' saishet da hua'aqa qataq saishet da nauaañi, qataq saishet da huo'o ca ỹaỹaten, yaqto' saishet da aỹem ñe'eguelaxa, nache aỹem saishet da ñataren.»

1 Timoteo 6:12

'Ana'añaxaaleco' qome da 'arpi'iỹaxac, yaqto' ishet da 'anauec da achaalataxac maye choche tatec. Cha'aye de'era achaalataxac nachera da huo'omshe 'am iỹaxana Ñim Lo'onatac 'Enauacna, qataq qalota co'ollaxa na 'am ỹauaachigui da 'aua'axattac de'era 'arpi'iỹaxac.

Isaías 29:10

Cha'aye Ñim Nataxala' qami' taleguete naqa'en ca sansatta no'ochaxa. Qataq ỹapoguilo naua la'ai'te na na'aqtaxanaxanecpi, qataq ỹauo'o ca lapoxot na lqaic nam huo'oi naua l-loxoco.

1 Pedro 5:10

Qalaxaye qom ime da qami' cara'ac da huo'o da qanque'eenaxaqui, nache Ñim Lo'onatac 'Enauacna qami' ỹe'eguelaxatalo da qaica camachaqca da qoñiita. Qaq ỹoqo'oye qami' saishet da qaỹa'axañiiuec da qarpi'iỹaxaqui Ñimaye; qaq Ñimaye qami' ỹanema da qara'añaxaqui da yaqto' saishet da qauqalvi qataq qami' ỹo'oteque da nache 'eetai' da huo'o da qarpi'iỹaxaqui. Qataq qantooñita'ac da Ñim Lo'onatac 'Enauacna maiche qomi' lca'agui'she, chegoqchigui naqa'en So Jesucristo da yaqto' ña'araxaua'a da qaica ca 'ena'am llo'oxoyec lo'onataxanaxac.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Hebreos 10:32

Qauennachiỹa'a 'enauac na lqalaicpi qataq na qanque'eenaxaqui maye qami' taleguete co'ollaq cheta'ague da qauacoñiiguet da no'on na'axaỹaxac. Qaq na'aictoxo' co'ollaxa de'era, qalaq saishet da qaỹa'axañiiuec da qarpi'iỹaxaqui.

1 Ts 2:12

Nataqa'en she'eguelaxataqtalec da qami' shenaqtegalo da ỹataqta qoquiitelec da lataxac nam quetague' Ñim Lo'onatac 'Enauacna, nam iỹaxanapi Ñimaye da yaqto' nhuanaua'a da lo'onataxanaxac qataq da la'añaxac.

2 Corintios 4:4

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.

Isaías 32:3

Qaq camayepi ỹataqta nlotec qome, qataq ỹataqta lhuotta da na'axaỹaxana ca ntaxaỹaxac.

Tito 2:13

Nataqa'en qomi' ỹapaxagueneque da qolaqtot da qarhuataxanaxac da seuataqta'aguet que'eca na'a'q maye qomi' qaỹachaxanapeguema, da ñe'eguelaq da nactaigui da llo'oxoyec So Qarataxala' Jesucristo maye Qarta'a, qataq Qarca'alaxaqui.

2 Ts 2:16

Ñim Lo'onatac 'Enauacna maye Qarta'a, Ñimaye soxoraic; ỹoqo'oye qomi' ỹauoteque, nache qomi' ỹanema da chochaq tatec qaramaicỹaxac qataq da ỹataqta 'eesa da ñeca'alaxauec. Ñimaye qataq So Qarataxala' Jesucristo seỹaxanoto,

1 Ts 5:8

Qalaxaye qomi' saishet da souaqtaigui na napalaxa, nachaqrata da souaqtaigui na yo'oqchiguiñi. Qaq ỹoqo'oye iuen da qolaqtot da ñeloqtec, qataq sauoqo'o da qarpi'iỹaxac Ñim Lo'onatac 'Enauacna qataq sauotaxac 'enauac na shiỹaxauapi. ¡Da qarpi'iỹaxac qataq da qarsoxoyec, damaye ishet da qomi' npaxaaleguete da npaxategueta naua qauema nhuennataxaco, 'eeta'am aca lpaqtaxanaqte ca ỹale alaataxaic! Qaq da saishet da seqoleguetaq de'era qarca'alaxa, nache damaye qomi' npaxaaleguete 'eeta'am aca aro'o alaataxaqui.

Efesios 3:8

Cha'aye na'aictaxa da aỹem ỹataqta qaica ca ỹa'amaqchec da salectaigui na lalamaxatpi Ñim Lo'onatac 'Enauacna, qalaxaye Ñimaye aỹem ỹami' de'era ña'achecỹaxac da sa'axatem na saishet da judiopi da no'on na'axaỹaxac maye ỹa'axat nam chegoqo'ot lqouagaxanaqtaicpi So Cristo maye qaica ca ishet da naloqten.

Mateo 13:15

Cha'aye namayepi saishet da huo'o ca laỹaanataxanaxac qataq saishet da deuennataxan; qataq ỹapoguilo naua la'ai'te da yaqto' saishet da demeenaxan, qataq ỹapoguilo naua ltela lauaco, da yaqto' saishet da hua'aqa. Cha'ayectaxa da saishet da nache 'eetec de'era, nache ỹaỹaten taxa da ỹa'aqtaxanaxac, nache naralaxat taxa da lataxac, ¡nache Aỹem taxa ñeca'alaxatec!»

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Hebreos 6:4

Qalaxaye cam ỹaxaañi da ỹa'amaqten So Cristo, nache saishet da ỹañoxot da qaltaq ỹe'eguelaxalec da nauochaxaua Ñim Lo'onatac 'Enauacna. Na'aictaxa da huo'o co'ollaxa ca huaña da ỹa'amaqten da la'aqtaxanaxac Ñimaye maye ỹataqta 'eesa, qataq ỹataqta ỹaỹamaxareeta co'ollaxa da ỹaconeguet se'eso nme maye chegoqo'ot Ñim Lo'onatac 'Enauacna. Qaq damaye ỹataqta saishet da ishet da qanaralaxat. Na'aictaxa da mashe ỹaconeguet So Saqcha'a Na'añaxac Qui'itta, 'eeta'am na laỹepi, qataq ỹaỹaten da no'on maye nachera da la'aqtaxanaxac Ñim Lo'onatac 'Enauacna, qataq dam la'añaxac Ñimaye qom qanayeetalec aca dalaxai 'alhua, qaq camaye saishet da ỹañoxot da ỹe'egueloqot qome Ñimaye da mashe ỹaxaañi da ỹa'amaqten. Qaq ỹoqta 'eesa de'era ỹo'ot camayepi, da 'eeta'am da qaltaq ỹe'eguelaxalec da iuaxaneguet so npe'enaxaqui So Cristo qataq ỹe'eetac, ỹauaachigui naqa'en 'enauac na shiỹaxauapi ana 'alhua.

Colosenses 3:15

Qami' qaiỹaxanalo da qana'ayeetaua'a da 'oonolec no'ocỹaxac, dam lo'ocỹaxac So Cristo. Qauaqaita'a da nlagaxayec maye chegoqo'ot So Cristo da ilo'ogue da qarquiyaqteỹaxaqui, qataq qantoñiitapeguec.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

Colosenses 1:5

Qami' nache qoñiitec da qarataxaqui cha'aye, chegoqchiguiña co'ollaq qaua'aqaichigui da 'eesa na'aqtaxanaxac maye chegaqaigui dam no'on na'axaỹaxac, qataq ỹataqta qauaỹaañita da Ñim Lo'onatac 'Enauacna huo'o ca iqataxaatapigui' maye hueta'ague da piguem.

Gálatas 5:5

Qalaxaye qomi' som Saqcha'a Na'añaxac ỹataqta 'itchiguiñi naqa'en da Ñim Lo'onatac 'Enauacna qomi' ỹaconegueta, cha'aye huo'o da qarpi'iỹaxac So Cristo.

Isaías 29:18

Qaq que'eca na'a'q nache nam saq hua'aqapi ishet qome da hua'axaỹa da qaitaxaỹaxan aca nere, qaq na qanamaicpi qalaq ishet qome da nauaañi, cha'aye huesoueeguesop qome ca ỹataqta lta'araic napalaxa.

1 Pedro 1:3

Ỹataqta sho'oxorenaq Ñim Lo'onatac 'Enauacna maye Lta'a So Qarataxala' Jesucristo, cha'aye chegoqchigui co'ollaq nca'aleeguesop da nleuaxa Somaye da Ñimaye naralaxat imauec da qanachaalataxac. Na'aictaxa da saishet da saxaguet da Ñim Lo'onatac 'Enauacna qomi' ỹauoteque, qalaxaye chegoqchigui da lta'araic lsoxoyec Ñimaye, nache naralaxat da qarataxac qataq qomi' ỹanema da 'itchiguiñi qarca'alaxa,

Hechos 16:14

Qaq huo'o aso 'oonole 'alo le'enaxat Lidia, asomaye lma' co'ollaxa ye nỹecpi le'enaxat Tiatira, asomaye imeetac ana ỹataqta no'on npoto, naueralec na ltogaxa, qataq ỹa'amaqteetac Ñim Lo'onatac 'Enauacna. Nache Ñim Qarataxala' ỹami' asomaye da ỹataqta na'axaỹaxaachigui da la'aqtaxanaxac so Pablo.

Filipenses 3:14

Qaq ỹoqo'oye nache ashecta da saỹa'a ca naloqnec, yaqto' saconeguet qome cam ỹachaxanapec Ñim Lo'onatac 'Enauacna, cam huo'omshe qomi' iỹaxanalo chegoqchigui So Cristo Jesús.

Da na'aqtaguec so Job 42:5

Cha'aye aỹem choche 'am sa'aqtapeguelec naxa, da aỹem qaỹa'aqtaxaatapeguem, qalaxaye nagui ỹataqta ñema'ai' da 'am seloto'ot.

Isaías 11:2

Qaq so Saqcha'a La'añaxac Ñim Nataxala' nache hueta'aguet qome camaye, nache ỹanem da laỹaanec, laỹaanataxanaxac, sanqalat, la'añaxac, lauattonaxanaxac, qataq ỹalaxaguet Ñim Nataxala'.

Marcos 10:17

Qaq So Jesús co'ollaq queta, nache nvi' so ỹale nqalgoqtalec Somaye. Nache ỹa'aroto naua l-llectel, nache inattac So Jesús, 'eeta': –'Am Napaxaguenataxanaq maye 'am soxoraic, Aỹem 'aua'aqtaxanem ¿negue't ca so'ot da yaqto' Aỹem taỹot ca nca'alaxa maye qaica ca loga't?

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Romanos 11:29

Ñim Lo'onatac 'Enauacna saishet da ñe'eguelaxaala't cam mashe ime da ỹan, qataq saishet da icoua'ai cam shiỹaxauapi maye lca'aguishecpi.

Colosenses 1:12

da qaỹa'añiitacot da qana'achecỹaxaqui Ñim Lo'onatac 'Enauacna, maye Nta'a. Cha'aye Ñimaye iqataxaatapigui' da qomi' ỹanema qom huaigui dam lo'onataxanaxac maye yo'oqchiguiñi, da nsallaxa maye ỹachaxanapecot nam lalamaxatpi llalaqpi.

Colosenses 1:27

Qaq Ñimaye maiche lhuennataxac da ỹaỹaanaxanaxanec de'era 'eetapeguec maye lta'araic qataq huo'o da llo'oxoyec 'enauac na ỹotta'a't shiỹaxauapi ana 'alhua. Qaq damaye 'eeta': Ñim Lo'onatac 'Enauacna naỹa naqa'en ana 'alhua So Cristo da yaqto' qami' hueta'agueta, qataq Somaye ỹataqta 'eesa naqa'en da qanhuañiỹaua'a da la'añaxac qataq da llo'oxoyec Ñim Lo'onatac 'Enauacna.

Colosenses 2:2

Qaq de'era ñeloquiaxac sauotaique da sa'añaqchet 'enauac namayepi qataq yaqto', nache 'eetai' da na'atta'a't souaxat da lauotaxanaqtaic So Cristo, huaña nache ivireguet namayepi da ỹataqta 'eesa da ỹaỹaten 'enauac dam saq cha'api 'eetapeguecpi Ñim Lo'onatac 'Enauacna qataq So Cristo.