Efesios 1:17 - La'aqtaqa Ñim Lo'onatac 'Enauacna 201317 Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye. Gade chapit laNuevo Testamento Toba Sur17 Nachi seÿaxaatacot ñim lta'a Dios so qadataxala' Jesucristo, ñim qadta'a mayi ÿi'oxodaic, da yaqto' qami' ÿanema ca naÿajnec mayi chigoqo'ot so Espíritu, da yaqto' qauaÿachiñi cam qami' ÿaÿajnaxanaxanque ñimayi, qataq yaqto' ÿataqta qauauattoñiita ñimayi. Gade chapit laNuevo Testamento Toba Sombrero Negro17 Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios. Gade chapit la |
Efesios 1:17
56 Referans Kwoze
Ñim Lo'onatac 'Enauacna do'ogoxona da la'añaxac da yaqto' qomi' ỹanema 'enauac nam seuenaqtaique, qataq yaqto' ñachaataqtaigui dam ỹataqta 'eetapeguec. Nataqa'en Ñimaye qomi' ỹanema 'enauac de'era co'ollaq qomi' ỹauattonaxanaxaneque So Jesucristo. Qataq chegoqchigui Somaye da qomi' lca'agui'she da yaqto' ñeuanaqaua'a da llo'oxoyec da lo'onataxanaxac.
Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.
Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]
Qaq co'ollaq mashe ivi' soua tres vi'iye da lo'onataxanaxac so Ciro da nta'a ye Persia, nache so Daniel maye nataqa'en le'enaxat Beltsasar, huo'o co'ollaxa so lauanaqchec, qalaxaye ỹataqta qalaqaic da qaỹaỹaten cam naigui somaye. Qalaxaye so Daniel ỹataqta deuennataxaalec co'ollaxa somaye, nache ishet da ỹaỹaten dam naigui se'eso lauanaqchec.
Qaq huaña nache saiuen da huo'oi caua nỹa't qataq caua auochaxau' qataq caua nhuo' lashe' da napaxagueetega't da yaqto' Aỹem ỹauatton, cha'aye 'enauac qome namayepi chegoqchiguiña natai' ñaqpiolec nache ivira'a na ỹepi da Aỹem ỹauatton qome. Qaq Aỹem sapalaxat qome na qauem maye ỹo'otpi qataq saishet da qaltaq seuennatega na lasouaxashetpi. Qaq 'era da ỹa'aqtac, Aỹem Nataxala'.»
Qataq camaye qami' ỹapaxagueneque cam ỹoqta 'eesa lataxac. Qaq nam shiỹaxauapi maye sa ỹa'amaqten Ñim Lo'onatac 'Enauacna, namayepi saishet da ỹaconeguet camaye, cha'aye saishet da ila'a, qataq saishet da ỹauatton. Qami' qalaxaye qauauattoñi, cha'aye qami' hueta'agueta, qataq camaye nache 'eetai' da qami' netaiguilo.
Nache se'eso na'a'q So Jesús ỹauo'o so la'aqtac ỹanot Ñim Lo'onatac 'Enauacna, 'eeta': «¡'Am Ita'a, maye 'aulotague' na piguem qataq ana 'alhua! 'Am sanot da ña'achec, cha'aye saishet da 'auachaxana de'era na huattonaxanaxaicpi qataq na ỹaanaxanaxaicpi. Nachaqrata da 'auachaxana na shiỹaxauapi maye qaica ca la'amaqchec qataq huesota.
Qaq da huo'o ca huotaique da na'amaqten qalaq iuen da na'amaqten souaxat da Aỹem ỹauatton, qataq ỹaỹaten da nachaỹem maye Aỹem Nataxala', maye sauota'a da isoxoyec da so'onataxaatac ana 'alhua, qataq so'ot da nalochiguiñi lataxac qataq da no'on lataxac, cha'aye nachera dam saỹamaxareeta. Qaq 'era da ỹa'aqtac, Aỹem Nataxala'.»
da ca ỹotta'a't shiỹaxauapi maye ỹaqa'a da la'amqaanataxanaxac, da naralaxat co'ollaxa nam natamnaxala'pi. ¡Qaq na'aictaxa da saq'en atamnaxala'pi! Qalaxaye nam ỹalamaxat nhuo' le'ecpi Aỹem ca'ai, aỹem maye Aỹem llo'oxoyec co'ollaxa namayepi, nache Aỹem nmeneguet naqa'en nam atamnaxala'pi maye qaica ca naigui.
'eeta': «¡Sho'oxonnaqtac Ñim Qarta'a maye Lo'onatac 'Enauacna! ¡Aja' nache 'eetec! Ỹataqta huo'o da qara'aalaxa da na'aqtaguec qataq da laỹaanec, qataq da lamaxasoxonaxac, qataq da la'añaxac. Sanqot Ñim Qarta'a maye Lo'onatac 'Enauacna da qana'achec, souaxat dam qaica ca loga't llo'oxoyec. ¡Aja', nache 'eetec!»
cha'aye de'era 'aro'onataxanaxac, huo'o ñim ỹale maye hueta'aguet so saqcha'a la'añaxac nam atamnaxala'pi maye qui'itta. Cha'aye som 'arta'a co'ollaq nta'a, nache ñi'iñi ỹale ỹachaxan co'ollaxa da hueto'ot da ỹataqtegue da ntoonaxac, qataq naỹaanataxanaxac, qataq ỹaanaxanaxaic 'eeta'am na atamnaxala'pi. Qaq ỹoqo'oye so nta'a Nabucodonosor maye 'arta'a, ỹanem co'ollaxa ñi'iñi ỹale da lataxala' 'enauac na 'oiquiaxaipi, na ilaviigui ca lỹa, na ỹaanaxanaxaicpi, qataq nam napaxagueetega ana huaqaañipi maye hueta'a ne'ena 'alhua,
¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.
Qaq ỹoqo'oye qami' ỹaqaỹañicpi, da huo'otaq qami' ñeqo'onalo da qami' ñamaqtegalo, nache da qami' seroleguete naua na'aqtaqa sa qaỹauanapegalo, nache ¿Negue't ca qauachegoxochiỹaigui de'era ỹa'aqtaxanaxac? ¡Qaica! Dam qami' itaua'n 'eeta': da qami' sauattonaxanaxaneque dam sa qaỹauanapega maye qomi' ỹachaxanalo Ñim Lo'onatac 'Enauacna qataq da nauattonaxanaxac dam 'eesa lataxac huo'otaq da qami' sa'aqtaxanema da na'aqtac maye chegoqo'ot Ñim Lo'onatac 'Enauacna qataq da qami' sanema da napaxaguenataxanaxac.
Piblisite