Efesios 1:15 - La'aqtaqa Ñim Lo'onatac 'Enauacna 2013

¹⁵ Aỹem ỹa'axaỹaxac da qoñiita da lta'araic da qarpi'iỹaxaqui So Qarataxala' Jesucristo qataq da qarauotaxanaqtaiqui nam lalamaxatpi Ñim Lo'onatac 'Enauacna. Ỹoqo'oye dam hua'auchiguiñi ỹa'aqtac,

Nuevo Testamento Toba Sur

¹⁵ Qaq ÿoqo'oyi can aÿim saÿaten da qad'amqajnataxanaxaqui so qadataxala' Jesús qataq da qadsoxoyiqui da qauauochiic 'enauac nam lalamaxatpi ñi Dios,

Nuevo Testamento Toba Sombrero Negro

¹⁵ Chane'eja, queda'me joote ami jayate'n da'me yataqata auep'iiya'a joñe'me Jaliaĝanec Jesús, nataq'aen da'me yataqata adoqopichiyalo jogaa'me adaqayadi' jo'ne nataq'aen p'iida'a jena'me jenjo' 'noota,

Efesios 1:15 Referans Kwoze

Filemón 1:5

Cha'aye aỹem huo'o da ỹa'axaỹaxac da 'arauotaxanaqtaic qataq da 'arpi'iỹaxac So Qarataxala' Jesús qataq da 'arauotaxanaqtaic 'enauac nam lalamaxatpi Ñim Lo'onatac 'Enauacna.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

2 Ts 1:3

Qami' qarqaỹa't, ỹataqta nache 'eetai' naxa da sanaqtacot da qana'achecỹaxac Ñim Lo'onatac 'Enauacna souaxat da qoñiita. Qaq damaye nache lataxac, qaq ỹoqo'oye qami' ỹataqta nquictasheguem da qarpi'iỹaxaqui Ñimaye qataq ñi 'oonolec ỹataqta nquictasheguem da lauotaxanaqtaic ñi lỹa.

1 Juan 4:21

Qaq So Jesucristo qomi' ỹanema de'era lamaxasoxonaxac, 'eeta': «¡Qauauochec Ñim Lo'onatac 'Enauacna, qataq ñi 'oonolec ỹauotec ca lqaỹa!»

1 Juan 3:17

Da huo'o ca sallaxanec da ilota'a ca 'oonolec nam la'amqaanataxanaxauapi da huo'o da lhuenaxanaxa, qalaxaye saishet da itauan, nache que'eca sallaxanec saishet da dauotaxanaqta da 'eeta'am Ñim Lo'onatac 'Enauacna da lauotaxanaqtaic.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

1 Timoteo 1:14

Ỹoqo'oye aỹem ỹanem da ỹataqta lta'araic lqouagaxanaqtaic, nataqa'en da npi'iỹaxac, nataqa'en da nsoxoyec maye 'enauac qomi' ỹanema souaxat da ña'araqtaua'a So Cristo Jesús.

1 Timoteo 1:5

Dam ỹoqta 'eetapeguec de'era namaxasoxonaxac, damaye iuen da ñi 'oonolec ỹauotec ca lỹa, qaq de'era lauotaxanaqtaic ỹataqta chegoqchiguinguit añi lquiyaqte maye qui'itta, qataq da ỹaỹamaqchiguiñi ntoonaxac qataq da huesota lpi'iỹaxac.

1 Ts 4:9

Qaq da lataxac da qanauote' ca na'amqaanataxanaxaua, sa iuen da shiyiñi, cha'aye Ñim Lo'onatac 'Enauacna mashe qami' ỹapaxagueneque da 'eetec da qaỹauotec ca nỹa.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Salmos 16:3

Na atamnaxala'pi maye huetalec ne'ena 'alhua ỹataqta 'añaxaicpi, cha'aye nache 'enapec na ỹo'oxoreetac namayepi,

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Romanos 1:8

Da sa'auaxaachiguiñi 'eeta': sachegoxotchigui So Jesucristo da sanot da ña'achecỹaxac Ñim ita'a maye Lo'onatac 'Enauacna souaxat ñi 'oonolec da qoñiita. Cha'aye 'enauac na pa'aiguelo ana 'alhua no'on da qana'aqtaguiqui qataq qaỹaỹaten da huo'o da qarpi'iỹaxaqui Ñim Lo'onatac 'Enauacna qataq qaualaqaiguet.

Efesios 1:1

Qami' ñauochaxau' ỹaqaỹa't maye qoñiitaña na Éfeso: Qami' maye qami' lalamaqa'ate Ñim Lo'onatac 'Enauacna qataq qoquiito'ot da qaua'amaqchiñiitac So Jesucristo, cha'aye qana'ayeetaua'a Somaye, qami' samaxalo da iquinaxanaxac. Aỹem Pablo, maye aỹem lamaxashec So Jesucristo cha'aye Ñim Lo'onatac 'Enauacna, maiche lhuennataxac.

Efesios 3:18

Qaq da qoñiitec de'era, nache qami' qataq 'enauac na laỹepi 'amqaanataxanaxaicpi ishet da qauaỹaañita ye lcachiguiñi qataq ye locta qataq da lalogaxa qataq ye lshecchiguiñi da lauotaxanaqtaic So Cristo.