Efesios 1:13 - La'aqtaqa Ñim Lo'onatac 'Enauacna 2013

¹³ Qataq nataqa'en da qoñiita co'ollaq choche qana'axaỹaxañiỹa da no'on na'axaỹaxac maye chegaqaigui da qarca'alaqai, huaña, nache qaua'amaqchiñi So Cristo, qataq chegoqchigui Somaye da qana'ayeeua'a nam lalamaxatpi Ñim Lo'onatac 'Enauacna, qataq qauacoñiiguet So Saqcha'a Na'añaxac Qui'itta maye qomi' ỹachaxanapeguema Ñimaye.

Nuevo Testamento Toba Sur

¹³ Qataq nataq'en da qoñiita co'ollaq chochi qan'axaÿaxañiÿa da n'aqtac mayi ÿoqta 'eesa mayi chigaqaigui da qadca'alqai, huaña, nachi qau'amaqchiñi so Cristo, nachi qan'ayiu'a somayi, nachi qami' qai'a'n da ÿataqta qami' lalamqa'te ñi Dios. Qaq damayi chigoqchigui so Espíritu Santo mayi ÿachaxanapec co'olloxochiyi ñi Dios.

Nuevo Testamento Toba Sombrero Negro

¹³ Qama'le nayi nach'e ena'am da'me ami male ami Dios lec'oqo'tepi, chiyaqayi da'me joote auomachiiya jena'me jenjo' 'naqataĝanaĝac jo'ne eja 'me 'yaĝatetac ñe'me Dios, 'naqataĝanaĝac jo'ne chiyaqayi da'me adec'alaĝaqui, nach'ena jena'me jenjo' male chiyaqayi joñe'me Cristo, da'me joote auacoñiyeguet joñe'me Dios Lepaqal jo'ne ja 'nalegue, nach'ena jenjo' qo'yaĝatapema joñe'me, qama'le en di'yoq da'me yataqata ami Dios lec'oqo'te.

Efesios 1:13 Referans Kwoze

2 Corintios 1:22

Qataq da ỹachaxan da qomi' lalamaqa'ate, nache ỹauo'o da qana'anaxat: qomi' ỹanema So Saqcha'a Na'añaxac Qui'itta.

Efesios 4:30

Qataq saishet qome da qauaquicoqchichi So Saqcha'a Na'añaxac Qui'itta maye chegoqo'ot Ñim Lo'onatac 'Enauacna. Cha'aye somaye nacheso so chegoqchigui da qami' qaỹa'a'n, da yaqto' qami' lalamaqa'ate Ñim Lo'onatac 'Enauacna, yaqto' qami' ỹataqtegueta naqa'en Ñimaye, qom ivita que'eca na'a'q qom ỹoqta ima da qami' isoueeguesopa da ñe'etaxaloxo.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

1 Ts 2:13

Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

Romanos 4:11

Qaq ỹoqta 'eesa da so Abraham qaỹauo'o co'ollaxa so la'anaxat na lo'oc da na'anaxat qanqa'en, qaq damaye ỹachaxan da Ñim Lo'onatac 'Enauacna ỹaconeguet somaye souaxat da huo'o da lpi'iỹaxac. Qaq 'era da 'eetec so Abraham da huo'omshe qoỹanagui da lta'a 'enauac nam huo'o da lpi'iỹaxac Ñim Lo'onatac 'Enauacna, na'aictaxa da saishet da qaỹauo'o ca na'anaxat na lo'oc.

Tito 2:11

Cha'aye ỹoqta 'eesa Ñim Lo'onatac 'Enauacna da ỹachaxana na shiỹaxauapi da lqouagaxanaqtaic maye chegaqaigui da nca'alaxa.

Gálatas 3:14

Qaq ỹoqo'oye da lqouagaxanaqtaic Ñim Lo'onatac 'Enauacna maye ỹachaxanapecot co'olloxocheye so Abraham, damaye ỹami' nataqa'en nam saishet da judiopi. Qaq ỹoqo'oye da huo'o ca qarpi'iỹaxac So Cristo, nache saconaxaguet som Saqcha'a La'añaxac Ñim Lo'onatac 'Enauacna maye qomi' ỹachaxanapeguema co'ollaxa.

Joel 2:28

Qaq qom ime de'era, nache talec ñaqa'en 'enauac na shiỹaxauapi ca lta'araic ỹa'añaxac, huaña, nache nam qaỹa'alquipi qataq ana qaỹa'allipi, huo'o qome nam ỹa'axata'api, qataq nam ỹa'axaiquipi huo'oi qome naua lchoxonaxaco, qataq na nsoxoppi huo'oi qome naua l-loxoco.

Romanos 1:16

Cha'aye aỹem saishet da she'etac qataq saishet da ñecoqtac da sa'axattac da no'on na'axaỹaxac, cha'aye damaye la'añaxac Ñim Lo'onatac 'Enauacna maye ishet da nca'alaxatec 'enauac nam ỹa'amaqten So Jesús, na'aictaxa da judiopi huo'otaq saishet.

Hechos 2:33

Qaq ỹoqo'oye Ñim Lo'onatac 'Enauacna ỹacoosop da ỹaueegue da piguem, nache ỹana'ague da aloic. Huaña, nache Somaye ỹaconeguet So Saqcha'a Na'añaxac Qui'itta maye ỹachaxanapeguem co'ollaxa Ñim Lta'a da ỹanem Somaye. Ime, nache Somaye qomi' ỹanema se'eso Saqcha'a Na'añaxac Qui'itta maye nataqa'en qomi' ỹachaxanapecoto co'ollaxa. Qaq nachera de'era qauloitagui qataq qaua'aqaitega nagui.

Juan 14:26

Qalaxaye ca Saqcha'a Na'añaxac Qui'itta maye Ñim Ita'a qami' namaxalo nactaigui naqa'en da ỹe'enaxat da yaqto' qami' itaua'n qataq qami' ỹa'añaqche't, camaye qami' ỹapaxagueneque 'enauac na lataxaguesat qataq qami' iuennataxanaxaneque 'enauac na ỹa'aqtacpi maye qami' sa'aqtaxaateguema nagui.

Juan 1:17

Na namaxasoxonaxacpi co'ollaq ỹan Ñim Lo'onatac 'Enauacna, qalaq chegoqchigui naqa'en so Moisés, qalaxaye dam lqouagaxanaqtaic qataq dam 'eesa lataxac, damaye chegoqchigui So Jesucristo.

Lucas 24:49

Qaq Aỹem qome qami' ñamaxalo cam ỹachaxanapec co'olloxocheye Ñim Ita'a. Qalaxaye qami', nache qoviita'a qome na Jerusalén, nato' qom mashe qauacoñiiguet cam na'añaxac maye chegaqasheguem.

Salmos 119:43

Qataq saishet qome da 'anqateeguesop na aỹap naua na'aqtaqa maye 'eesora, cha'aye aỹem ñaquita'alo naua no'oñi 'ara'aqtaqa.

1 Pedro 2:10

Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

Romanos 6:17

Co'olloxocheye da qoñiita qami' l-lataqa da ñe'etaxaloxo. Qalaxaye sanaqot da qana'achec Ñim Lo'onatac 'Enauacna souaxat da qaualaqaiguet ỹataqta imauec da qarquiyaqteỹaxaqui da lapaxaguenataxanaxac maye qami' ỹanema.

Hechos 1:4

Qaq co'ollaq ñaq hueta'agueta soua lamaxa'she, nache So Jesús huaqattegalo soomaye da saishet da quera'ai ye Jerusalén, 'eeta': –Qauachiỹa'aguet qome cam ỹachaxanapec Ñim Ita'a maye qami' ỹanema, dam mashe qami' sa'aqtaxaateguema.

Juan 15:26

Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat.

Hechos 13:26

Qaq aỹem qana'axaỹañiỹa qami' ỹaqaỹa't maye qami' qauachegoqoiguet so Abraham qataq 'enauac da qoñiita maye ỹataqta qaualaqaiguet Ñim Lo'onatac 'Enauacna, de'era na'aqtaxanaxac maye chegaqaigui da nca'alaxa, damaye ỹataqta qaralamaxat.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Lucas 11:13

Qami' matem qami' qauemaiqa, qalaq qauaỹaañi da qaỹa'añim ca no'on ca qaỹa'alqui, qaq ¿hua'ago' da saq ỹactec ñi Qarta'ai maye Lo'onatac 'Enauacna maye neto'ot na piguem da ishet da ỹanem So Saqcha'a Na'añaxac Qui'itta cam iỹaxanot Ñimaye?»

Santiago 1:18

Ñim Lo'onatac 'Enauacna maiche lhuennataxac da ỹauo'oi qomi' llalqa. Qaq ỹoqo'oye qomi' ỹanema da dalaxaic achaalataxac, chegoqchigui de'era no'on na'axaỹaxac maye chegaqaigui da nca'alaxa.

Hebreos 2:3

qaq ỹataqta 'eesa qone' da huo'o ca qanhuaxanaguec da saishet da ñetelaqa'a de'era nca'alaxa maye ỹataqta qaica ca 'ena'am. Cha'aye So Qarataxala' nacheso so la'auaxanec da ỹa'axat de'era nca'alaxa, qataq nam na'axaỹaxaatega co'ollaxa de'era na'aqtaxanaxac nataqa'en qomi' ỹachaxanalo da ỹataqta 'eesa.

2 Timoteo 3:15

nataqa'en iuen da 'antoueeta'ac da co'ollaq ñaq 'am nogotolec, qaq nache 'eetai' da 'autaxaỹaxaata'ape naua ñiyigui'she la'aqtaqa Ñim Lo'onatac 'Enauacna, qaq naamaye nachenaua naua ivira'a naqa'en da 'am ỹaanaxanaxaic, da yaqto' 'auaỹaten da ỹoqta 'aupi'iỹa'a So Jesucristo, ime, nache 'anca'alec.

2 Timoteo 2:15

Ỹataqta 'ana'añaxato' qome yaqto' 'am ỹaỹamaxareeta Ñim Lo'onatac 'Enauacna, qoneta'am ca no'onataxanaxanec maye ỹataqta qaỹaỹamaxareeta, qataq qaica ca ncoqtaique. Nachaqrata da 'aloteueeguelo naua lataxaco ỹaỹamaqchiyiñi de'era na'aqtac maye 'eesa lataxac.

Efesios 4:21

cha'aye qami' qaua'aqaichigui da na'aqtaxanaxac maye ỹa'axat Somaye qataq qauaỹaañi da qoviitaigui da lamaxasoxonaxac qataq qoquiitague' da 'eesa, maye qami' ỹapaxagueneque Somaye.

2 Corintios 6:7

qataq so'ogoxonaxa da la'añaxac Ñim Lo'onatac 'Enauacna da sa'axataqtac da na'aqtaxanaxac maye ỹataqta 'eesa. Qaq da huo'o na seviraxaguet qarqalaic, nache sataỹaqa'aguet, seroxogueta naua ỹaỹamaqchiyiñi so'ota'q qataq naua ỹaỹamaqchiyiñi qartaxaỹaxaco.

Juan 3:33

Qaq da huo'o ca ỹa'amaqten camaye, nache que'eca da'amqaanataxan, ỹataqta 'eesa naqa'en cam 'enapec Ñim Lo'onatac 'Enauacna.

Santiago 1:21

Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.