Efesios 1:11 - La'aqtaqa Ñim Lo'onatac 'Enauacna 2013

¹¹ Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Nuevo Testamento Toba Sur

¹¹ Cha'ayi ñi Dios nal'ena co'ollaxa da qomi' lca'agui'shi da ÿauotaique da qomi' ÿanema ca ÿan qomilchiyi ñimayi, qaq damayi ÿachigoxotchigui nagui da qomi' ñi'adaqtau'a so Cristo. Qaq 'enauac de'eda ÿataqta nateeteguet da maichi lhuennataxa ñimayi, mayi maichi l'onatac 'enauac na lataxaguesat, qataq i'ot ca ÿaÿamaxadeeta.

Nuevo Testamento Toba Sombrero Negro

¹¹ Da'me 'uo ñe'me Cristo, Dios male en qo'mi liquiyaqa ca'li yemta da'me 'lonataĝanaĝac, qaedi yataqata en qo'mi lec'oqo'te, qaedi male jaconaĝaguet yema joga'me 'yaĝatetac ca'li. Nach'ena jena'me jenjo' Dios lelnataĝac jo'ne qo'mi yanema, nach'eñe jo'ne ja yoqovin joga'me 'laqatac uotaĝa 'lonataĝanaĝac.

Efesios 1:11 Referans Kwoze

Romanos 8:28

Saỹatenaqta da Ñim Lo'onatac 'Enauacna iqataxaatai' 'enauac na ỹaỹamaqchiguiñi lataxaguesat da talec naqa'en nam lauotaxatpi, nam maiche lca'aguishecpi da yaqto' ipacchigui da maiche 'eetapeguec.

1 Pedro 1:4

qataq qomi' ỹanema 'enauac nam qomi' ỹachaxanapecoto maye iqataxaatai' hueta'ague da piguem. Qaq cam qomi' ỹachaxanapecoto, camaye saishet da ishet nlaguiñi, qataq saishet da nshepaxan, qataq saishet da deqaqa da 'ena'am aca huoue.

Efesios 1:14

Qaq nacheso so ỹoqta 'eesa naqa'en da qomi' saconaxaguet ca ỹachaxanapec Ñim Lo'onatac 'Enauacna maye qomi' ỹanema qom ivita ca laloqo' da huesochiguiñi naqa'en na lalamaxatpi, da yaqto' Ñimaye qaỹo'oxoren souaxat da la'amaqchec.

Efesios 3:11

Qaq de'era ỹo'ot Ñim Lo'onatac 'Enauacna, damaye nateeteguet dam nale'ena lhuennataxa co'olloxocheye maye ỹachegoxotchigui naqa'en So Qarataxala' Jesucristo da ỹo'ot.

Efesios 1:5

ỹoqo'oye namaq So Jesucristo da yaqto' Ñimaye ỹauo'oi qomi' llalqa, cha'aye nachera da maiche 'eetapeguec.

Gálatas 3:18

Cha'aye Ñimaye da ỹami' cam ỹachaxanapec nam ỹalaxalec na namaxasoxonaxacpi, nache de'era ỹan saishet da ỹachaxanapec. Qalaxaye Ñim Lo'onatac 'Enauacna ỹataqta 'eesa de'era ỹachaxanapecot so Abraham qaq damaye saishet da huo'o aca lasheue naqa'en.

Hebreos 6:17

Qaq ỹoqo'oye Ñim Lo'onatac 'Enauacna co'ollaq huotaique da ipaqueelec da ỹachaxanapec, nache ỹan da la'aqtac chegoqchigui da maiche la'añaxac da ỹan dam ỹachaxanapec ỹataqta ipagaqchiichigui.

Tito 3:7

Damaye ỹataqta saishet sa saxaguet, qalaxaye Ñimaye ỹachegoxotchigui da lqouagaxanaqtaic da qomi' ỹaconegueta, qataq qomi' ỹanema da yaqto' saconaxaguet da 'itchiguiñi achaalataxac chochaq tatec maye seuataqta'aguet.

Romanos 8:17

Qaq nagui da mashe qomi' llalqa, nache nataqa'en qomi' taleguete 'enauac nam 'onaxaic maye iqataxaatapigui' Ñimaye da qomi' ỹanema. Qaq 'enauac ỹataqta ñeuanaqte' So Cristo, qaq da huo'otaq huo'o da qanque'eenaxac da shenaqta'am Somaye, nache nataqa'en ỹoqta 'eesa da ñeuanaqaua'a Somaye da llo'oxoyec maye ỹaconeguet qome.

Colosenses 1:12

da qaỹa'añiitacot da qana'achecỹaxaqui Ñim Lo'onatac 'Enauacna, maye Nta'a. Cha'aye Ñimaye iqataxaatapigui' da qomi' ỹanema qom huaigui dam lo'onataxanaxac maye yo'oqchiguiñi, da nsallaxa maye ỹachaxanapecot nam lalamaxatpi llalaqpi.

Colosenses 3:24

Cha'aye qami' mashe qauaỹaañi da Ñim Lo'onatac 'Enauacna ỹami' ca lsheetenaxanaxat maye iqataxaatapigui' nam lalamaxatpi, camaye nacheca ca nca'alaxa maye qaica ca loga't. Qataq qantooñita'ac da qauo'onataxañiitacot So Cristo maye ỹoqta 'eesa da qami' lalamaqa'ate.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

Hechos 20:32

Qaq nagui seỹaxanot Ñim Lo'onatac 'Enauacna da qami' ntela'alo, ỹauota'a da lta'araic lauotaxanaqtaic. Qataq da lta'araic lsoxoyec ishet da chegoqchigui da qanquiquiita'aguet da ỹaỹamaqchiguiñi. Qaq da qaualaqaiguet, nache Ñimaye ipaqueelec dam ỹachaxanapec da ỹami' 'enauac nam lca'aguishecpi da ỹauo'o lalamaxatpi.

Hechos 2:23

Qaq nache 'eetai' da Ñimaye lhuennataxac da So Jesús huo'o da nque'eenaxac qataq qoỹaneua'a na npa'aguenaxauapi. Qami' qaucoñiye Somaye qataq qaỹa'añiiua'a na Roma le'ecpi da yaqto' ỹalauat.

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Hechos 4:28

Qaq de'era ỹo'ot namayepi, damaye ỹataqta ipacchiguilo 'enauaque naua 'alapaxayiñi 'arhuennataxaco da 'auo'o't.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Salmos 37:18

Ñim Nataxala' ntela'a na qaica ca ỹasouaxat, qataq nache 'eetai' naqa'en nam lalamaxatpi namayepi.

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Romanos 11:34

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «¿Huo'o peta'a ca ỹaỹate'n naua lhuennataxaco Ñim Lo'onatac 'Enauacna? Qataq ¿ishet peta'a da huo'o ca ỹapaxaguen Ñimaye?

Zacarías 6:13

Ñimaye qaltaq no'oxoosheguem qome añi ỹalamaqte atamnaxaqui, nache ỹaconeguet qome da llo'oxoyec da nta'a. Qataq nso'ongui qome aca nso'onaxaqui da damaxasoxon, qaq na laỹe aca nso'onaxaqui nache nso'ootaña qome ca ntaxaỹaxanaxanec, qaq caamaye nache huetraigui qome da l-lagaxayec.›

Jeremías 23:18

Qalaxaye namayepi, ¿negue't cam ỹaỹate'n naua ỹapoyeñi lhuennataxaco Ñim Nataxala'? Qataq ¿negue't cam ỹauaachigui qataq hua'aqchiguilo naua la'aqtaqa? Qataq ¿negue't co'ollaxa cam qochetega?

Isaías 28:29

Qaq de'era nataqa'en chegoqo'ot Ñim Nataxala' maye Qaica ca Ỹaqalanapec, da yaqto' ỹauo'o da llo'oxoyec da lqataxac, qataq huo'o da la'amaqchec naqa'en da laỹaanec.

Isaías 5:19

Qaq namayepi 'enapec naxa: «Ñim Lo'onatac 'Enauacna, no'on da sa ỹaỹaloxon da ỹo'ot nam lo'onatacpi yaqto' sauanaqchigui, Ñim Qui'itta Natamnaxala' na Israel le'ecpi, ña iỹalapegue' qome da ipacchigui naqa'en da ỹo'ot nam lapaxañipi co'ollaxa yaqto' sauattonaq.»

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

Proverbios 8:14

Aỹem nache aỹem hueto'ot da nqataxac qataq da ntelaqchec, aỹem nache aỹem nauattonaxanaxac qataq na'añaxac.

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

Da na'aqtaguec so Job 12:13

Qalaxaye Ñim Lo'onatac 'Enauacna ỹataqta ỹaanaxanaxaic, qataq 'añaxaic, Ñimaye hueto'ot na nauattonaxanaxacpi qataq na naỹaanataxanaxacpi.

Da na'aqtaguec so Job 33:29

Qaq 'era da 'eetec da ỹo'otec ca shiỹaxaua Ñim Lo'onatac 'Enauacna, qalaxaye ivi' dos huo'otaq tres da ỹe'eguelaxalec damaye,

Isaías 25:1

'Am Nataxala', maye 'am Ñatamnaxala'; aỹem so'ot da 'ara'amaqchec qataq sho'oxoren da 'are'enaxat, cha'aye 'auo'ot co'ollaxa na ỹo'ot da na'aalaxa, qataq naua togosha'ape 'arqataxaco sa nqui'c qataq 'eesora.

Hechos 13:48

Nache co'ollaq hua'axaỹa de'era nam saishet da judiopi, nache ỹataqta huo'o da ntonaxac. Nache namayepi ỹataqta 'onaxaic naqa'en da la'aqtac Ñim Lo'onatac 'Enauacna. Huaña, nache da'amqaanataxan nam nale'ena co'ollaxa da lca'aguishec Ñim Lo'onatac 'Enauacna da yaqto' taỹot da nca'alaxa maye chochaq tatec.

Romanos 8:29

Cha'aye nam nale'ena co'ollaxa da ỹauattonpi Ñim Lo'onatac 'Enauacna, qaq nachena nam lca'aua'a co'olloxocheye Ñimaye, da yaqto' 'eeta'am naqa'en So Llalec, qataq yaqto' So Llalec nacheso so ñaxanec.

Romanos 8:30

Qaq Ñimaye nam mashe lca'aguishecpi, nache nataqa'en iỹaxana; qaq nam iỹaxanapi, nache nataqa'en ỹapalaxat na lasouaxashetpi; qaq nam ỹaconeguet, nache nhuanaua'a naqa'en da maiche llo'oxoyec.

Efesios 1:9

da Ñim Lo'onatac 'Enauacna ỹo'ot da 'eetapeguec saqcha'a dam taỹa'a da ipaqueelec ỹachegoxotchigui So Cristo. Qaq nagui qomi' ỹaỹaanaxanaxaneque.

Efesios 1:18

Qataq seỹaxaatacot Ñim Lo'onatac 'Enauacna, da yaqto' qami' ỹaỹaanaxanaxaateque de'era lta'araic naigui da nca'alaxa maye ỹami' nam lalamaxatpi. Yaqto' nataqa'en ỹataqta qauaỹaañita cam qanaquitaxaqui maye huo'omshe qami' iỹaxanalo Ñimaye.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.