Eclesiastés 9:9 - La'aqtaqa Ñim Lo'onatac 'Enauacna 2013

⁹ Qataq 'Auamachiguiñi qome da qoueta'aguet aca 'arauotaqte 'arhua, 'enauaque naua na'axa'te, qom ñaq 'anachattaigui de'era achaalataxac maye qaica ca naigui, dam 'am ỹanem co'ollaxa Ñim Lo'onatac 'Enauacna da qonetalec ana'ana 'alhua. Cha'aye nacherata 'araueguec maye chegaqaigui dam qalota 'aro'onataxanaxac ana'ana 'alhua.

Eclesiastés 9:9 Referans Kwoze

Eclesiastés 2:10

Qaq saỹauano' da saq so'ot nam ñeqopittegapi, qataq qaica ca na'ashaxac ca saq so'ot. Qaq ỹo'ot da lamaicỹaxac da iquiyaqteỹaxac 'enauac nam so'otpi co'ollaxa, qaq de'era ỹamaicỹaxac, nachera dam ñesheetenaguec.

Malaquías 2:15

Qaq ¿Saisheto' peta'a da ỹo'ot Ñim Nataxala' dam 'oonolec no'ocỹaxac qataq dam saq cha'a nca'alaxa? Qaq ¿ta'ainco' da 'oonolec? Cha'aye Ñimaye nmittaique da 'enauac nam nhuo' le'ecpi ỹataqta ñañanot Ñimaye. Qaq ỹoqo'oye qanchelỹa'a qome da maiche qarca'alaqai, qataq saishet da qoquiỹa'ai anam qarhuaipi co'ollaq ñaq qami' nsoxoppi.

Eclesiastés 6:12

Qaq 'eesa da, ¿negue't ca ỹaỹaten cam ỹaỹamaxareeta ca ỹale da ñaq huo'o dam saqaỹauec qataq qaica ca naigui nachaalataxac maye 'eeta'am da lataxac ca paqal? Qataq ¿negue't cam ishet da da'aqtaxanem cam taỹa'a camaye qom mashe ileu?

Eclesiastés 3:13

qataq nataqa'en lachetaqtaxanaxat Ñim Lo'onatac 'Enauacna, da ca shiỹaxaua deque'etac, nỹomtac qataq matapiguiñi, souaxat da na'achecỹaxac maye chegaqaigui dam lo'onataxanaxac.

Eclesiastés 7:15

Qaq huaigui dam qaica ca naigui ñachaalataxac da sauaachigui 'enauac ne'enapi, da nam soxoraic shiỹaxauapi nataqa'en ileu, na'aictaxa da nlaqchigui da lsoxoyec, qaq nam qauemaicpi, qalaq na'aictaxa da ỹaguec da layeloxo qalaq ỹataqta qaỹoqtec da nachaalataxac.

Eclesiastés 5:18

Qaq dam sela'a maye ỹoqta ỹaỹamaqchiguiñi da qaỹo'ot damaye, 'eeta': sequia'aqtac qataq ñeỹomaqtac, ñeque'etaxanaqchigui dam alaỹaxac dam qalota qaro'onataxanaxac ana'ana 'alhua, da ñaq huo'o dam saqaloc qanachaalataxac maye qomi' ỹanema Ñim Lo'onatac 'Enauacna, cha'aye nachera dam qomi' qoỹanema.

Eclesiastés 3:22

Qaq aỹem sela'a da qaica ca lỹa no'on da ỹo'ot ca shiỹaxaua, nacherata da ntootapeguec dam lo'onataxanaxac, cha'aye nachera dam nsheetenaguec, cha'aye qaica ca ishet da qaltaq ñe'eguelaxat da yaqto' imeten nam dalaxaicpi maye taỹa'a da huo'o, qom mashe ime da ileu camaye.

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Proverbios 19:14

Caua nta'al chegoqchiguilo da qaỹaconeguet ca nỹec qataq da nsallaxa, Qaq Ñim Nataxala' qalaq chegoqo'ot aca 'alo sanqalat.

Proverbios 18:22

Ca ỹanata aca lhua qalaq ỹanata da lamaicỹaxac, qataq ỹaconeguet da lqouagaxanaqtaic Ñim Lo'onatac 'Enauacna.

Salmos 144:4

Cha'aye ca shiỹaxaua 'eeta'am da 'oonolec qancosaueegue na na'at, da nachaalataxac qalaq sa ilaua'ague 'eeta'am ca lpaqal.

Salmos 39:5

Cha'aye ỹataqta saqaỹauec da ñachaalataxac maye aỹem 'aỹa'anem, ỹoqo'oye ỹataqta qaica ca naigui da ñachaalataxac da 'am hueto'ot. Cha'aye ye loga't 'enauac na shiỹaxauapi 'eeta'am da 'oonolec qanaue'c naua na'a'che.

Génesis 26:8

Qaq so mashe qaỹoqteguelo soua na'axa'te da netaña se'eso 'alhua. Qaq huo'o so na'a'q, nache so Abimelec, ỹalletaviigui som nalloxoqui, nache ilota'a so Isaac, da nqapaltague' aso lhua Rebeca.