Eclesiastés 9:8 - La'aqtaqa Ñim Lo'onatac 'Enauacna 2013

⁸ Qataq 'enauaque qome naua na'axa'te da 'aỹa'aatrañi caua nogo lapagaxaiqa, qataq 'aucottalec qome na 'arqaic ca coraxat.

Eclesiastés 9:8 Referans Kwoze

Apocalipsis 19:14

Qaq ca'attaueegue Somaye so alleppi piguem le'ecpi, ỹaatrañi naua alogo maye chegaqaiguilo na lino, ỹataqta ỹapaga'q qataq qui'itte', netalec na caaỹo lapagaxaicpi.

Apocalipsis 19:8

Ñim Lo'onatac 'Enauacna no'otaxanaxan ỹanaxanaxaangui na no'on nogoxot maye chegaqaigui na lino, ỹataqta qui'itta qataq qashelectapiguiñi da lyac.» Qaq se'esoua nogo maye chegaqaiguilo na lino, naigui dam no'on ỹo'ottac nam lalamaxatpi Ñim Lo'onatac 'Enauacna.

Apocalipsis 7:9

Qaq can ime de'era, nache aỹem sela'a so qalota shiỹaxauapi maye ỹotta'a't na chegaqa'a 'alhuapi, qataq ỹotta'a't da lo'oxoỹaxac, qataq ỹotta'a't naua la'aqtaqa. ¡Somayepi ỹataqta qalota, qaica ca ishet da naloqten! Qaq somayepi nachattaua'a ye hueta'a aso so'onaxaqui qataq So Qagueta Llalec, ỹaatrañi naua alogo lapagaxaiqa, qataq lasoqta'a ana chaic laue.

Apocalipsis 16:15

Qaq ỹoqo'oye Ñim Nataxala' 'eeta' da la'aqtac: «Aỹem ñe'eguelaq qom saishet da Aỹem qaỹauotaique, sheeta'am ca cachaxaic da decache ye pe da huo'otaq saishet da qaỹauotaique. ¡Qaq Ñim Lo'onatac 'Enauacna ỹaalec da nqouagaxa cam nache 'eetai' da nlotauec qataq ỹaatrañi naua alogo da yaqto' saishet da qaỹauanalec da huetauec! ¡Qataq qaica ca ncoqtaique!»

Daniel 10:3

Nache saishet da sachec ca no'on nallec, qataq saishet da she'eguen ca lapat, qataq ca lataxa, qataq saishet da huo'o ca ñecoyigui coraxat, choche ivitta'a da inoxoore'c se'esoua tres semanas.

Salmos 23:5

Qataq 'auqataxanai' so iquia'axac, ỹauaachigui 'anqa'en na ñepa'aguenaxauapi, qataq 'aucorelec na iqaic so coraxat, qataq ipaxaatapeguelec 'anqa'en aso ỹaquipiaxaqui.

Ester 8:15

Qaq so Mardoqueo pa'auec co'ollaxa chegoqtoigui so lma' lta'araic so nta'a, ỹaatañi aso lapoto da nta'a, maye malaxarai qataq lapagaxai da lo'oxoỹaxac, qataq aso late'erai naro'o maye oro, qataq so lapo' maye chegaqaigui so lino, qataq so togaxaraic da lo'oxoỹaxac. Nache 'enauac so shiỹaxauapi maye hueta'a so huaqta'a't nỹecpi ye Susa, ỹataqta ỹa'alaqtagui souaxat da ntonaxac,

2 Samuel 19:24

Qaq nataqa'en so Mefiboset, som laual so Saúl, huaqata'aguet co'ollaxa so nta'a. Qaq somaye, nache chegoqta'a so na'a'q co'ollaq jec so nta'a, da saishet da iỹoi' naua lchel, saishet da npetec ana lqa' laue, qataq saishet da iỹoi' soua alogo, choche ivitta'a da ñe'eguelaq qataq qaica ca camachaqca da nachaalataxac so nta'a.

Rut 3:3

Qaq 'am, 'anaỹamaxat qome, 'anachel, 'ancoyigui ca 'ancoraxat maye ama da laitaỹaxac, qataq 'aỹa'aañi aca ỹataqta 'onaxai 'arpoto. Ime, nache 'anqo'oneuga qome ye lchegoxosoxonaqa' somaye. Qalaxaye saishet qome da 'anachaxana, yaqto' 'am sa ỹauatton nato' qom mashe imeta da lquia'axac, qataq da nỹomaxac.

Mateo 6:17

Qalaxaye qami' da ivita da qanqouaqchichi, qalaq qanapilocheeta, qataq qantaquiichiguiñi na qaravi,

Amós 6:6

Qataq da qanỹomiigui na lataxa qalaq ỹataqta late'el naua qanỹomaxaquilli', qataq qancoyeetapigui na coraxat maye ỹataqta no'on da laitaỹaxac, qaq nache qaica ca qarhuogoqoi da nlaguiñi ne'ena 'alhua.

2 Samuel 14:2

ỹoqo'oye somaye damaxasoxona co'ollaxa aso 'alo maye qaica ca nqalaate', maye lma' ye Tecoa, nache 'enapega, 'eeta': «'Avi'inaxat qome da 'auasootac, nache 'aayiñi caua anogo nasouaxaqui', qataq saishet da 'ancoyigui ca coraxat maye ama da laitaỹaxac, 'eeta'am 'anqa'en da mashe qaỹoqtegue da 'arasouaxac souaxat ca 'arqatac.

Lucas 7:46

Nataqa'en saishet da 'aucorelec na ỹaqaic ca coraxat, qalaxaye añimaye icoreleguete naua ichel so coraxat ama na laita.