Eclesiastés 9:7 - La'aqtaqa Ñim Lo'onatac 'Enauacna 2013

⁷ Qaq ỹoqo'oye ¡'asoma qojec qome! Nache 'auamachiguiñi da 'auque'etac, qataq da 'anỹomtapigui na lataxa, cha'aye Ñim Lo'onatac 'Enauacna mashe ỹaỹamaxareeta nam 'auo'otpi.

Eclesiastés 9:7 Referans Kwoze

Eclesiastés 10:19

Qaq cam nallec ỹo'ot da namaicỹaxac, qaq nam lataxa qalaq ỹo'ot da tonaxac. Qalaxaye 'enauac de'era iuen aca anom.

Deuteronómio 12:7

Nache huaña camaye da qauqui'i, ỹauaachigui qanqa'eñi Ñim Nataxala' maye Qanatamnaxala'ai. Nache qami' qataq ca qaỹa'alquipi qauamaichiguiñi da qantoñiitapeguec ca chegaqaigui da qaro'onataxanaxaqui maye qami' ichoxonneque Ñim Nataxala'.

Eclesiastés 8:15

Qaq ỹoqo'oye aỹem sho'oxoren dam namaicỹaxac, cha'aye qaica ca lỹa no'on maye ishet da ỹo'ot cam shiỹaxaua ana'ana 'alhua, nacherata da deque'etac, nỹomtac qataq da'aistac. Cha'aye nachaqrata damaye hueto'ot, dam chegaqaigui da lo'onataxanaxac da nachaalataxac maye ỹanem Ñim Lo'onatac 'Enauacna.

Eclesiastés 5:18

Qaq dam sela'a maye ỹoqta ỹaỹamaqchiguiñi da qaỹo'ot damaye, 'eeta': sequia'aqtac qataq ñeỹomaqtac, ñeque'etaxanaqchigui dam alaỹaxac dam qalota qaro'onataxanaxac ana'ana 'alhua, da ñaq huo'o dam saqaloc qanachaalataxac maye qomi' ỹanema Ñim Lo'onatac 'Enauacna, cha'aye nachera dam qomi' qoỹanema.

Hechos 10:35

Chaqrata da Ñimaye ỹataqta ỹaỹamaxareeta ca camachaqca nam ỹotta'a't shiỹaxauapi da huo'otaq ỹataqta ỹalaxaguet Ñimaye qataq ỹo'ot ca ỹaỹamaqchiguiñi, saishet da ỹectega cam chegaqa'ague.

1 Reyes 8:66

Qaq co'ollaq ivilde'c soua na'axa'te maye huaiguilo se'eso naponaxac, nache so lỹa na'a'q, so nta'a ncoyeguene' co'ollaxa 'enauac so shiỹaxauapi, nache somayepi ỹasaxalec so no'on la'aqtac so nta'a. Ime, nache taỹalo naua lma'ate, machiguiñi da lquiyaqteỹaxac, qataq ỹataqta huo'o da ntonaxac, souaxat Ñim Nataxala' ỹo'otec da ỹaỹamaqchiguiñi so lamaxashec David, qataq na lalamaxat nhuo' Israel le'ecpi.

Deuteronómio 12:12

Huaña nache Ñim Nataxala' qami' ỹauaachiguilo qome da qauamaichiguiñi, qataq ca qaỹa'alquipi ỹalleppi qataq 'alpi, nataqa'en ca qarlataquipi qataq aca qarlataipi, qataq na leviitapi maye netaña qome que'eca qana'alhuai, cha'aye namayepi qaica ca maiche lalamaxat na'alhua.

Juan 4:50

Nache So Jesús 'enapeco': –'Aue, 'avi'eguelaxa ca 'arma'; ca 'aỹa'alec nca'alec. Nache se'eso ỹale ỹataqta ỹa'amaqten da la'aqtac So Jesús. Nache jec.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Marcos 7:29

Nache So Jesús 'enapego' asomaye, 'eeta': –'Am 'alo ỹataqta 'eesa de'era qonapec. Qaq nagui no'on da 'avi'eguelaxa ca 'arma', cha'aye som saqcha'a na'añaxac leguemaxaic mashe ca'ai aca 'aỹa'ale.

Génesis 12:19

'Am qonapec co'ollaxa da 'arqaỹa aramaye, qaq aỹem ishet taxa da sauo'o ihua. ¡Qaq 'ara ara 'arhua! ¡'Aue qojec, nache 'auauec!»

Números 6:20

Qaq da ime 'enauac de'era, nache ca ntaxaỹaxanaxanec ỹaasheguem que'eca nachetaqtaxanaxat da ỹanot Ñim Nataxala'. Cha'aye camaye sa qaishetapec, qataq qaiỹotauga da lalamaxat ca ntaxaỹaxanaxanec, qaq nache 'ena'am ca ltogue lapat maye qoỹaasheguem, qataq ca ltele'eta maye qaiỹotauga. Qaq da imeta 'enauac de'era, nache que'eca shiỹaxaua maye qoỹaneuo, ishet da nỹomigui ca lataxa.

Eclesiastés 7:14

Qaq ỹoqo'oye da sana'aigue da 'icỹaxac, nache 'antootapeguec damaye; qalaxaye qom qauem da 'icỹaxac, nache iuen da 'auennataxan da 'enauaque naamaye maiche ỹo'o't Ñim Lo'onatac 'Enauacna, qaq cam ỹale qalaq saishet da ỹaỹaten cam tata'ague.

Eclesiastés 11:8

Qalaxaye na'aictaxa da qaỹoqteguelo naua vi'iye da nachaalataxac ca shiỹaxaua, qalaxaye iuen da taỹa'a lauel da qalote' qome caua na'axa'te ca napalaxa, qataq 'enauac cam ñaq naỹa'acna ỹataqta qaica ca naigui.

Rut 3:7

Qaq so Booz co'ollaq mashe ime da lquia'axac qataq da nỹomaxac, nache ỹataqta machiguiñi da lquiyaqteỹaxac. Ime, nache nnaañi da yaqto' do'oche, hueteua'a na laỹe so lapoñiguishec ala na cebada. Qaq co'ollaq mashe qaỹata'ague, nache aso Rut nchettaua'a so hueta'a somaye, nache ỹauaaleguete naua lapia'ate, nache nnaañi.