Eclesiastés 9:5 - La'aqtaqa Ñim Lo'onatac 'Enauacna 2013

⁵ Cha'aye nam nca'altauecpi ỹaỹaten da taỹa'a da ileu, qalaxaye nam leuaxaicpi qaica ca ỹaỹaten qataq qaica ca laueguec, cha'aye dam na'aqtaguec namayepi mashe qaicoua'ai.

Eclesiastés 9:5 Referans Kwoze

Isaías 26:14

Somayepi mashe ileu nache saishet da qaltaq nca'alec, somayepi 'eco' choche lpaqal, nache saishet da qaltaq nachaañi, cha'aye 'am 'auo'ot co'ollaxa da nhuaxanaguec nache 'aulaxachigui, qataq nache loga't 'anqaq'en da saishet da qaiuennatega somayepi.

Eclesiastés 1:11

Som hua'auñipi somayepi mashe qaicoua'ai, qaq nataqa'en qaicoua'ai qome nam dalaxaicpi qataq cam ñaq taỹa'a da yo'oq.

Salmos 6:5

Cha'aye ca mashe ileu qalaq saishet da 'am iuennatega, qataq ca mashe huetangui aca huachiqui saishet da 'am ỹo'oxoreetac.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Da na'aqtaguec so Job 14:21

Qaq da huo'o da ño'oxonnataguec ca llalaqpi, qalaq camaye saishet da ỹaỹaten, qataq da huo'o da ne'enaguec, ca llalaqpi qalaq saishet da nanoma,

Eclesiastés 2:16

Cha'aye qaica ca ishet da qaltaq iuennatega cam ỹaanaxanaxaic, qataq cam qaica ca ỹaỹaanapec, cha'aye da mashe qaỹoqteguelo naua vi'iye, nache 'enauaque da qaicoua'aisalo, cha'aye cam ỹaanaxanaxaic, qataq cam qaica ca ỹaỹaanapec 'eeta'a't da ileu'.»

Salmos 109:15

Qataq Ñim Nataxala' saishet qome da icoua'ai, qataq Ñimaye ỹapalaxat qome da le'enaxat maye huetalec ana 'alhua.

Eclesiastés 8:10

Qaq nataqa'en sauaachigui nam qauemaicpi da ỹo'oxoraq qanqa'en da qailareñi. Qaq nam saqỹet naxa da hueta'a ye ndaqa' maye qui'itta, qataq nam hueta'a ye huaqta'a't nỹecpi maye huaña nam no'on maye ỹo'otpi co'ollaxa, icoua'ai namayepi. ¡Qaq de'era nataqa'en qaica ca naigui!

Isaías 63:16

¡'Am Nataxala', nache 'am maye 'am qarta'a! Na'aictaxa so Abraham da saishet da qomi' ỹauatto'n, qataq so Israel da saishet da qomi' ntooneque, qalaxaye 'am Nataxala', nache 'am maye 'am qarta'a, qataq nache 'eetai' co'ollaxa da 'am qarca'alaxaqui.

Eclesiastés 7:2

Ỹactec da no'on da qotaỹa ca hueta'a ca leuaxaic, qaq saq 'ena'am da qotaỹa ca huaña ca na'ashaxac; cha'aye da nleuaxa nachera dam loga't 'enauac nam shiỹaxauapi, qaq iuen da iuennata'a damaye nam nca'altauecpi.

Da na'aqtaguec so Job 30:23

Qaq aỹem saỹateeta da 'anshetaique da aỹem 'auasaxangui aca huachiqui, añim loga't 'enauac na huo'o da lca'alaxa.

Eclesiastés 9:4

Qalaxaye huo'o da naquitaxac cam lhuennataxa, da nache 'eetai' da queta da nca'altauec, cha'aye ỹactec da huo'o da naigui cam pioq nca'altauec, qaq saq 'ena'am cam llon leuaxaic.

Eclesiastés 9:10

Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

2 Samuel 14:14

Qaq 'eesa da 'enauac qomi' seleuaq qome, shenaqta'am ca 'etaxat da huecorelec na 'alhua, nache saishet da qaltaq qalaỹona't. Qalaxaye Ñim Nataxala' saishet da huo'o ca nqat da nachaalataxac, nacherata da ỹauo'o ca lataxac da yaqto' ca ỹaqa'a ca hueta'ague ishet da 'am ñe'eguelaxa.

Salmos 88:13

Ỹoqo'oye aỹem, 'am seỹaxaatacot da aỹem 'autauan, 'Am Nataxala', ye nte'eta qalaq 'am ñeqouagaxaueetacot.

Lucas 20:32

Qaq pa'atec, nache nataqa'en aso 'alo ileu.