Eclesiastés 9:4 - La'aqtaqa Ñim Lo'onatac 'Enauacna 2013

⁴ Qalaxaye huo'o da naquitaxac cam lhuennataxa, da nache 'eetai' da queta da nca'altauec, cha'aye ỹactec da huo'o da naigui cam pioq nca'altauec, qaq saq 'ena'am cam llon leuaxaic.

Eclesiastés 9:4 Referans Kwoze

Isaías 38:18

Qaq nam huetangui añi huachiqui qalaq saishet da 'am ỹo'oxoren, qataq nam leuaxaicpi saishet da 'am ỹanot da llo'oxonnataxanaxac, nam tangui añi nshere qalaq saishet da nauane' dam sa nquic 'arataxac.

Da na'aqtaguec so Job 27:8

¿Qaq negue'to' ca naquittaique na qauem da lataxac, qom ivita da Ñim Lo'onatac 'Enauacna nqat da nachaalataxac?

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Eclesiastés 9:5

Cha'aye nam nca'altauecpi ỹaỹaten da taỹa'a da ileu, qalaxaye nam leuaxaicpi qaica ca ỹaỹaten qataq qaica ca laueguec, cha'aye dam na'aqtaguec namayepi mashe qaicoua'ai.