Eclesiastés 9:12 - La'aqtaqa Ñim Lo'onatac 'Enauacna 2013

¹² Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Eclesiastés 9:12 Referans Kwoze

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Proverbios 29:6

Ca qauemaic qalaq que'emaxama naua maiche lqoinaxanaxaco, qaq ca ỹale no'on da lataxac qalaq nda'a't da machiguiñi.

2 Timoteo 2:26

yaqto' ntouen, qataq ila'a da lqoinaxanaxac so pa'aguenataxanaxaic, nache ishet da dataueeguesop. Cha'aye nagui so pa'aguenataxanaxaic lcoñeteguishec namayepi qaltaq maiche ỹoiqueetac namayepi.

2 Corintios 6:2

Cha'aye Ñimaye, naua la'aqtaqa maye nanettrañi, 'eetra': «So na'a'q maye ichoxonnataxanaxaqui, qalaq 'am sa'aqtega; qataq so na'a'q maye huetoigui da seca'alaqtaxan, qalaq 'am setauan.» Qaq nachena na na'a'q nchoxonnataxanaxaqui; qataq nachena na na'a'q nca'alaqtaxanaxaqui.

Proverbios 6:15

Qaq ỹoqo'oye nque'elaxatta qome da nvita ca nlaguiñi naqa'en, 'eeta'am da choche nlouec qataq ỹamaxa't naua la'ai'te nache nlaguiñi, huaña nache qaica ca ishet da ỹaỹamaxaañi.

2 Pedro 2:12

Ne'ena ỹalleppi ỹataqta qaica ca ỹaỹaanapec, qataq 'enauac nam ỹo'otpi saishet da ỹoqta ỹaỹateeta, ncotateguelec ca sa ỹaỹaten, qataq 'eeta'am na shiguiỹacpi da ñiguiñi da yaqto' taỹa'a da qaỹaconeua'a da qaỹalauat.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

Lucas 12:39

Ca lalamaxat ca nỹec da huo'otaq ỹaỹaten ca laloxoqui da nvi' ca cachaxaic, nache camaye iuataique da yaqto' saishet da ỹashenem da taigui ca lma'.

Lucas 12:20

Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Isaías 30:13

qaq ỹoqo'oye de'era qarasouaxashechi maiche qami' taleguete qome, 'eeta'am ca qaỹoqotcheguemec npaqtaxanaxat maye huo'o ca lpoxoỹaxa, qaq da mashe saqaỹauapeque da hua'axañi nache nque'elaxatta da hua'axañi,

Eclesiastés 8:11

Cha'aye da sa qaiỹalapegue' da qaỹauo'o ca nhuaxanaguec cam ỹo'ottac nam qauem, nache nam shiỹaxauapi ishet da lhuennataxac da nache queto'ot da ỹo'ottac nam qauem.

Salmos 11:6

Qataq talec naqa'en na qauemaicpi, na auot maye 'eeta'am ana 'ettaigui poqo qataq na 'ettaigui quiquiaxaraic, qataq anacot ca la'at maye ỹavigaxat 'enauacna, da ỹanem namayepi da 'itchiguiñi nhuaxanaguec.

Eclesiastés 3:19

Qaq ỹoqta 'eesa da na shiỹaxauapi, qataq na shiguiỹacpi, nache 'eeta'a't dam llecỹaxac: 'enauac da taỹa'a da ileu, qataq naua la'a'che nache 'eeta'a't. Qaq ỹoqo'oye ca shiỹaxaua saishet da napacalec da lataxac ca shiguiỹac, qaq damaye ỹataqta qaica ca naigui,

Eclesiastés 9:13

Qataq nataqa'en huo'o dam sela'a ana'ana 'alhua, maye 'eeta'am ñaqa'en da huetaigui da lta'araic naỹaanec, qaq damaye, 'eeta':

Isaías 24:18

Qaq cam dataueeguesop ca lchec qalaq tangui qome aca nshere, qaq cam chegaqangui aca nshere qalaq tangui qome aca nqoina. Cha'aye nauatoigui qome na lasompi na piguem, nache naañi qome ca lta'araic auot nache cholaxan nam na'attalecpi ana 'alhua.

Oseas 9:8

Qaq Ñim Nataxala', ỹanem so la'aqtaxanaxanec da yaqto' nauaatalec na Efraín, qalaxaye so llec qaỹa'añiỹangui ana qoinapi, qataq ivira'a da qanquiỹai da huetaigui añi atamnaxaqui maye lalamaqte Ñim Lo'onatac 'Enauacna.

Proverbios 24:22

cha'aye namayepi nque'elaxatta qome da nlaguiñi, qataq qom ivita da ỹan ca lhuaxanaxanaxac Ñim Nataxala', qataq ca nta'a qalaq saishet da huo'o ca ỹaỹaten.

Eclesiastés 8:8

Qaica ca shiỹaxaua hueto'ot da na'añaxac da nalalec da achaalataxac da yaqto' ishet da nllañi, qataq qaica nataqa'en ca hueto'ot da na'añaxac da ishet da ilo'ogue da nleuaxa. Qaq ỹoqo'oye qaica ca ỹet de'era loquiaxac, qaq cam yeloxoic saishet da nca'alaxatec da layeloxo.

Ezequiel 32:3

Qaq 'era da la'aqtac Ñim Nataxala': Na'aictaxa da 'aualectaigui na qalota shiỹaxauapi, qalaxaye 'am sasaxalec qome ca ỹaleguec, qaq nacheca ca 'am serolec da 'am ỹoxonec.

Oseas 7:12

Qalaxaye qom taỹa, nache sa ñaỹaloxon da sasaxalec ca ỹaleguec yemayepi, qataq naañi ñaqa'en, 'eeta'am ana qoỹopi da chegaqasheguema na piguem, nache sauo'o qome ca nhuaxanaguec souaxat na qauem maye ỹo'otacpi.