Eclesiastés 9:11 - La'aqtaqa Ñim Lo'onatac 'Enauacna 2013

¹¹ Qataq huo'o da lỹa sela'a ana'ana 'alhua, da saishet da nachena nam qayaqaicpi na dauegaxan da qomitaxac, qataq saishet da nachena nam 'añaxaicpi nam dauegaxan da huo'o ye alaataxac. Qataq da saishet da nache 'eetai' naxa da deque'etai' nam ỹaanaxanaxaicpi, qataq nam ỹaanataxanaxaicpi da nache hueto'ot da lsallaxa, qataq nam sanqalaate' da ltaxaỹaxac saishet da qaỹaỹamaxatta da qaỹaconeguet. Cha'aye 'enauac namayepi da huo'o ye na'a'q da nvita da no'on qataq da qauem.

Eclesiastés 9:11 Referans Kwoze

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Eclesiastés 3:17

Qaq ỹoqo'oye aỹem shenapec da Ñim Lo'onatac 'Enauacna, nmit qome ca ỹale maye no'on da lataxac, qataq ca 'etaxaloxoic, cha'aye huo'o ye laloqo' 'enauac nam yo'oq qataq nam qaỹo'otpi.

Eclesiastés 3:14

Qataq nataqa'en saỹaten da 'enauac nam ỹo'otpi Ñim Lo'onatac 'Enauacna, namayepi chochaq tatec. Qaica ca ishet da qaiqotteneuo, qataq qaica ca ishet da qanqat namayepi, cha'aye Ñim Lo'onatac 'Enauacna, nache lataxac naqa'en, yaqto' nam shiỹaxauapi huo'o naq 'enec naqa'en Ñimaye.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

2 Crónicas 20:15

nache so Jahaziel, 'eeta': «Qami' shiỹaxauapi maye qarma'ai na Judá, Jerusalén qataq 'am nta'a Josafat, ñaq aỹem qana'axaỹaxañiỹa, Ñim Nataxala' da la'aqtac, 'eeta': ‹Saishet da qayi'iitac huo'otaq da qauqaulliitac da qauloỹa'a ne'ena qalota alleppi, cha'aye de'era alaataxac saishet da qaralamaxache, maye nachaỹem da ỹalamaxat.

Deuteronómio 8:18

Nacherata da qauennachiỹa'a Ñim Nataxala' maye Qanatamnaxala'ai, cha'aye Ñimaye nacheñi ñim qami' ỹanema da qara'añaxaqui da yaqto' qauacoñiiguet de'era nsallaxa, yaqto' ipacchigui da ỹan la'aqtac co'ollaq naỹamaxate' so hua'au qarta'ailpi.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Jeremías 46:6

¡Nam ỹataqta qayaqaicpi qalaq saỹañoxot da datauec, nam ỹataqta 'añaxaicpi qalaq saỹañoxot da naneltaxan! Qaq huaña na pa'aigue da sheu' maye hueto'ot na loigue so tala Éufrates, da pogolaxaañi nache huañi.

Eclesiastés 7:13

Ñaq 'aumeten nam ỹo'ot co'ollaxa Ñim Lo'onatac 'Enauacna: qaq ¿negue't cam ishet da nlaxanec cam namaxagui naqa'en Ñimaye?

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Eclesiastés 2:12

Qaq ime, nache qaltaq seuennataxaalec dam naỹaanec, qataq dam 'oopashec qataq da qaica ca qaỹaỹaanapec, qaq ¿negue't cam ishet da ỹo'ot cam dalaxaic nta'a maye aỹem nca'atalec qome? Ye nam huo'o mashe nache 'eetai' da qaỹo'ot co'ollaxa.

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

2 Samuel 17:14

Nache so Absalón qataq 'enauac so Israel le'ecpi, ỹaỹamaxareeta de'era la'aqtac so Jusay, cha'aye ỹoqta ỹaỹamaqchiguiñi naqa'en, saq 'ena'am da lapaxañi la'aqtac so Ajitofel. Cha'aye Ñim Nataxala', nache 'ena'ac co'ollaxa da yaqto' saipac naqa'en da laỹaanataxanaxac so Ajitofel, qataq taỹa'a naqa'en da l-leuaxa so Absalón.

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

1 Samuel 17:50

Qaq 'era da 'eetec so David co'ollaq loxonec so filisteo, irolec so lpocnaxanaxat qataq so coma' 'olec nache ỹalauat, qaq somaye ye saishet da ỹachetac ca lainec,

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

2 Samuel 17:23

Qaq so Ajitofel co'ollaq ila'a, da so Absalón saishet da ỹo'ot da la'aqtac somaye. Nache lapaxalec so lauala' so lalo 'ashena nache jec, taỹa so lma' maye lañoqo' co'ollaxa. Qaq co'ollaq ime da naỹamaxate' so lalamaxat lauo' le'ecpi, nache icoñerot na lqosot da maiche nalaala't. Qaq 'era da 'eetec da l-leuaxa somaye, nache qailaroigui aso nhuachiqui so lta'a.

Deuteronómio 8:17

Qataq saishet qome da qarhuennataqai, da 'eeta': «'Enauac de'era qarsallaxa damaye chegaqaigui da qaro'onataxanaxac, qataq da la'añaxac naua qarhuaxaye.»

1 Samuel 6:9

Qalaxaye qauloita'ague qome aca'aca naigona mañaxasaco' qom taigue da pa'aỹa'ague ye Bet Semes, ye maiche lalamaxat lma', qache nacheñi Ñim Natamnaxala' ye Israel le'ecpi Ñim chegoqo'ot de'era qauem maye qomi' huetaleguete. Qaq da huo'otaq saishet da 'eetec de'era, nache saỹatenaq qome da saishet da nacheñi Ñimaye Ñim qomi' iuaxa'n, maye chochaq maiche qarque'emaxa damaye.

Salmos 76:5

Som ỹataqta 'añaxaicpi qalaq ỹataqta qanhuotta, som ỹataqta 'añaxaicpi qalaq sa ỹañoxot da huo'o ca ỹo'ot, souaxat da do'ochaañi.

Proverbios 1:5

Ca ỹaanaxanaxaic da na'axaỹaxanalo naamaye nache nquictec da laỹaanec, qataq ca ỹaanataxanaxaic, nquictec da laỹaanataxanaxac,

Eclesiastés 9:2

Qaq 'enauac namayepi 'eeta'a't da 'oonolec ye taỹa'a loga't: na no'on da lataxac qataq na qauem da lataxac, na soxoraic qataq na qauemaic, nam qui'itta qataq na nshepaxan, nam ỹaatac ana lachetaqtaxanaqte, qataq na saishet da ỹan ana lachetaqtaxanaqte, qataq nache 'ena'am cam soxoraic qataq cam 'etaxaloxoic, qataq cam ỹan ca la'aqtac, qataq cam saishet da ỹan.

Zacarías 4:6

Nache somaye qaltaq 'enapec: «'Era da la'aqtac Ñim Nataxala' maye taỹa'a ñi Zorobabel, ‹Ñimaye saiuen qome ca qalota alleppi, qataq ca yo'oqchigui na'añaxac, maye nachesota so Saqcha'a Ỹa'añaxac.› 'era da la'aqtac Ñim Nataxala' maye Qaica ca Ỹaqalanapec.

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Jeremías 48:14

Qaq qami' Moab le'ecpi, saishet qome da qoñeeta': ‹Qomi' qaramchiguilo, qomi' alaataxaicpi 'añaxaicpi.›