Eclesiastés 9:10 - La'aqtaqa Ñim Lo'onatac 'Enauacna 2013

¹⁰ Qataq 'enauac nam ishet da 'auo'ot, qalaq ỹataqta 'anasapattelec qome da 'auo'ot, cha'aye añi huachiqui maye 'aỹa'a, qaica ca no'onataxanaxac, qataq qaica ca qaiuennatega da qaỹo'ot, qataq qaica ca nauattonaxanaxac qataq ca naỹaanec.

Eclesiastés 9:10 Referans Kwoze

Colosenses 3:23

Qaq camachaqca ca qauo'oche, qalaq ỹataqta qanasapacheetelec, 'eeta'am qanqa'eñi da nacheso So Qarataxala' Jesucristo da qauo'onataxañiitacot, qaq saishet da nacheca ca choche shiỹaxaua.

Efesios 5:16

Qataq ỹataqta qauqopitaxañiỹa'ape naua na'axa'te da qauo'oche ca ỹaỹamaqchiguiñi, cha'aye naua na'axa'te maye souaqtaiguilo ỹataqta qauema.

Romanos 12:11

Da qauo'onataxañiitac qalaq qanasapacheetac, saishet da qami' hualaiqa. Qauo'onataxañiitacot Ñim Lo'onatac 'Enauacna ỹataqta imauec da qarquiyaqteỹaxaqui.

Salmos 6:5

Cha'aye ca mashe ileu qalaq saishet da 'am iuennatega, qataq ca mashe huetangui aca huachiqui saishet da 'am ỹo'oxoreetac.

1 Corintios 9:24

Qami' qauaỹaañita da huo'otaq huo'o ca qomitaxac, nache saishet da 'enauac na nqomittac da nauec ca qanallettapigui, chaqrata da 'oonolec ca ỹaconeguet cam qanallettapigui. Qaq qomi' maye qolaqtague' So Cristo, damaye 'eeta'am ca qomitaxac, qaq ỹoqo'oye iuen da ñaỹamaxataqta da yaqto' ñauegaq ca qanallettapigui.

Eclesiastés 11:6

Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Jeremías 29:13

Qataq Aỹem qanmichiỹaique qome, nache Aỹem qauanachiỹa, cha'aye imauec qome da qarquiyateỹaxaqui da Aỹem qanmichiitaique.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

1 Corintios 15:10

Qalaxaye Ñim Lo'onatac 'Enauacna ỹataqta aỹem ỹauotec, ỹoqo'oye ỹauo'o aỹem lamaxashec nagui Ñimaye. Saishet co'ollaxa da so'otan da la'añaxac maye aỹem ỹami', qataq ñapacalec da lo'onataxanaxac na laỹepi lamaxashecpi Ñimaye. Qalaxaye 'enauac de'era so'ot, damaye chegoqchigui da la'añaxac Ñim Lo'onatac 'Enauacna.

1 Corintios 9:26

Qaq ỹoqo'oye aỹem huo'o da ña'añaxataxac da yaqto' saconeguet damaye. Saishet da seloctac da qaica ca sheetapeguec.

Juan 9:4

Cha'aye nagui da ñaq qami' soota'agueta, nache iuen da so'otaq da lo'onataxanaxac maye Aỹem ỹamaxalec Ñim Lo'onatac 'Enauacna maye Ita'a; qalaxaye anata ca na'a'q maye qaica ca ishet da do'onataxan.

Juan 4:34

Qalaxaye So Jesús 'enapeco': –Dam anoq, nachera da 'eetapeguec Ñim Aỹem namaq qataq da yaqto' semat da lo'onataxanaxac.

Eclesiastés 11:3

Da nlaqchigui na lo'oc na piguem, nache na auot huecorelec ana 'alhua. Qaq aca qo'oipaq da hua'axague da sheu', huo'otaq da hua'axague da taguiñi, nache cam huaña da hua'axañi, nacheca cam huetaña.

Nehemías 4:2

Nache co'ollaq datataigui so laỹepi qataq so alleppi maye lma' ye Samaria, nache 'eeta': «¿Negue't ca ỹauotaique da ỹo'ot ne'ena choxoraicpi judiopi? ¿Qalqo' ipi'itaxaatega da qaỹa'aqta'a da qaltaq no'oxoosheguem ne'ena huaqta'a't nỹecpi qataq da ỹe'eguelaxalec da ỹavigaxat aca lachetaqtaxanaqtepi qalqo' ipettega da 'oonolec na'a'q nache imat namaye? ¿Qalqo' ipi'itaxaatega da ishet da do'onataxana na coma' vigaxaic qataq na coma' laỹepi da huo'o ca dalaxaic ỹo'ot?»

Nehemías 4:6

Qaq qomi' nache qolaqto'ot da ño'oxonaqtapiguisheguem so npaqtaxanaxat, qaq so qaro'oxonec mashe tachiguingui na laiñi ye ỹoqta lshequitcheguemec somaye. Cha'aye so shiỹaxauapi ỹataqta huo'o da lasapachaxa da do'onataxan.

1 Crónicas 22:19

Qaq nagui, ỹataqta imauec qome da qarquiyaqteỹaxaqui qataq da qanachaalataxaqui, da qanmichiỹaique Ñim Nataxala' maye Qanatamnaxala'ai. Qaq ỹoqo'oye nagui, qauacoñiilec qome da qauo'oche aca atamnaxaqui maye lalamaqte Ñim Lo'onatac 'Enauacna maye Nataxala', da yaqto' añi arca maye laỹe' da aỹamaxataxac, qataq nam no'onataxanaxatpi maye qoỹanot co'ollaxa Ñim Nataxala', nache qanquigaxachiỹa qome acam atamnaxaqui maye qano'oxoosheguem da lalamaqte Ñim Nataxala'.»

1 Corintios 16:10

Qom qami' ivitalo so Timoteo, qaq ỹataqta qanpogoxoiñiỹapegue' da machiguiñi qanqa'eñi, yaqto' qaica camachaqca. Cha'aye somaye ỹo'ottac da lo'onataxanaxac So Qarataxala', 'eeta'am aỹem.

Nehemías 2:12

qaq huo'o so pe, da aỹem soosheguem nache ashec, qaq huo'oi soua ñenaictegueto shiỹaxau', qalaxaye qaica ca sa'aqtaxanem dam ỹachanguit añi iquiyaqte Ñim Lo'onatac 'Enauacna da yaqto' so'otec ye Jerusalén. Qataq qaica ca lỹa huo'o ca nnotaxala' nache aỹemta.

1 Crónicas 28:20

Huaña nache so David 'enapega so llalec Salomón, 'eeta': «¡'Am, ỹataqta 'ana'añaxat qome, ỹataqta 'aua'añaxachigui ye 'arhuel, nache 'auacoolec da 'auo'ot de'era no'onataxanaxac! ¡Qataq saishet da leuapigui da 'arvilỹaxac, qataq saishet da 'añe'etac, cha'aye Ñim Nataxala' maye Ñatamnaxala', 'am hueta'aguet qome! Ñimaye saishet da 'am ỹaxanec qataq saishet da 'am ca'ai, nache ivitta'a da 'aumatta 'enauac de'era no'onataxanaxac, da 'ano'oxoosheguem aca atamnaxaqui maye lalamaqte Ñim Nataxala'.

Números 13:30

Ime, nache so Caleb 'enapega se'eso nhuo' le'ecpi maye datato'ot so Moisés da de'enaxaatai', nache, 'eeta': ¡Qomi' qolaq qome, ñeqo'onaxa yi'iye 'alhua, nache saconaxa da sonaqalec, cha'aye qomi' ñapagaqalec da la'añaxac yemayepi!

Génesis 37:35

Qaq 'enauac so llalaqpi qataq so llalpi da icochaqtac somaye, qalaxaye somaye saỹaỹamaxaren da qaicochaq nacherata da nỹeeteguelec so llalec, qataq 'eeta' da la'aqtac: «Aỹem saishet da sapalaxat da ỹasouaxac so ỹalec, choche ivitta'a da ñauane' somaye qom ivita da salegoigui na leuaxaicpi.»

1 Samuel 10:7

Qaq qom ivita da ipacchigui 'enauac de'era 'am sa'aqtaxanem nagui, nache 'auo'ot qome ca 'aupeta'a da ỹaỹamaqchiguiñi, cha'aye Ñim Lo'onatac 'Enauacna 'am hueta'aguet qome.

Da na'aqtaguec so Job 21:13

Qaq choche imeuo da nachaalataxac da qaica ca iueetac, nache lactapiguiñi da tangui aca huachiqui.

Isaías 38:10

Da iuennataxac, 'eeta': Aỹem mashe sootagui da ỹataqta no'on da ñachaalataxac qalaq iuen da ashec; aỹem qoỹenapega da saỹa ye lo'onataxanaqa' da nleuaxa da ñaqauo'o da ica'alaxa.

Da na'aqtaguec so Job 10:21

llaxatemaq saxanaxa da ivita da ashec, cha'aye nache saishet qome da ñe'eguelaq, da saỹa cam 'alhua maye huaña na lpaqal qataq na napalaxa,

Da na'aqtaguec so Job 10:22

cam 'alhua maye huaña na lta'araic napalaxa, qataq qaica ca laỹamqa', cam 'alhua maye ne'ena yo'oqchiguiñi 'eeta'am na napalaxa.›»

Proverbios 3:28

Qataq saishet da 'auatta'a ca lỹa na'a'q da huo'o ca 'artaunaxanaxac maye ishet da 'aỹa'an nagui.

Mateo 20:7

Nache somayepi 'enapeco': «¡Cha'aye qaica ca qomi' ỹo'onataxanaxa'n!» Nache se'eso 'aco' 'enapeco': «Qami' nataqa'en qanqo'oñiuga qome ye ỹanaxanqa' da qauo'onataxañi.»

Juan 5:4

cha'aye som namaxashec piguem le'ec huo'o naxa ye na'a'q da naỹa asa'aso laỹe' na 'etaxat da iraxan na le'ec. Nache cam hua'auchiguiñi da tangui asomaye da ime da qairaxan na le'ec, nache camaye ishet da no'oita na'aictaxa cam 'eetec ca lalolaxa.]