Eclesiastés 8:9 - La'aqtaqa Ñim Lo'onatac 'Enauacna 2013

⁹ Qaq 'enauac de'era sauaachigui, cha'aye ñalemaqte' da ñapaxaguena, 'enauac nam qaỹo'ottacpi ana'ana 'alhua, qataq da na'añaxac maye hueto'ot ca ỹale da ỹo'otec ca qauem ca lỹa.

Eclesiastés 8:9 Referans Kwoze

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Eclesiastés 5:13

Qataq huo'o da sela'a ỹataqta qauem maye huetalec ana 'ana 'alhua, qaq damaye, 'eeta': da qalaỹootasheguem da nsallaxa damaye na'aqchet ñim hueto'ot damaye,

Eclesiastés 7:25

Qaq huaña nache ñalemaqte' da yaqto' sanata da nauattonaxanaxac, qataq ñapaxagueetega, qataq ñimittaique cam ỹaỹamaqchiguiñi loga't damaye. Qaq huaña nache saỹaten da saỹaỹamaxañi da qaica ca ỹaỹaanapec ca shiỹaxaua, qataq da qaica ca qaỹaỹaanapec nachera da 'oopashec.

Eclesiastés 3:10

Qaq aỹem sela'a nam qapa'atta no'onatacpi maye Ñim Lo'onatac 'Enauacna, ỹanem co'ollaxa nam shiỹaxauapi da yaqto' ỹo'ottac.

Eclesiastés 1:14

Qaq aỹem ishet da saỹaten da 'enauac nam qaỹo'ottacpi ana'ana 'alhua ỹataqta qaica ca naigui, 'eeta'am da 'eetec da huotaique da qanllañi na la'at.

Deuteronómio 2:30

Qalaxaye so nta'a Sijón saishet co'ollaxa da qomi' ỹashenema da sa'axasoxonaxalec ye na'alhua, cha'aye Ñim Nataxala' maye Qanatamnaxala' nache 'ena'ac da qaramchigui naqa'en da lquiyaqteỹaxac, da yaqto' seloquiaxai' qataq qoroxonec, qaq nache ivitta'a nagui.

Éxodo 14:28

Qaq co'ollaq qaltaq ỹe'eguelaxa't so 'etaxat aso auaxai, nache imoolec aso naigonapi, caipi, qataq 'enauac so nalleppi so faraón maye tangui aso auaxai da icaatac so Israel le'ecpi. Nache somayepi qaica da 'oonolec ca no'onañi da nca'altauec.

2 Reyes 25:7

nache ỹauaachigui qanqa'en somaye da qaicheguec na lqaic so llalaqpi. Qaq so Sedequías, qalaq qanqa't naua la'ai'te, qataq qaicoñerai' qoỹanagui so lquet lcat da yaqto' qaỹaueegue da Babilonia.

Eclesiastés 3:16

Qataq nataqa'en sela'a da ana'ana 'alhua huo'o da ncachaxac, qataq ye hueta'a taxa dam ỹaỹamaqchiguiñi, qataq da nalochiguiñi lataxac, qalaq hueta'a da qauem.

Eclesiastés 4:1

Qaq ime, nache qaltaq semeteetac da saqaiyacnapec na shiỹaxauapi maye huetalec ana 'alhua, nache selota'a nam saqaiyaqnapecpi da nỹeetac qalaq qaica ca ishet da ỹa'añaqchet namayepi, nam saiyacnapec namayepi qalaq ỹataqta sairen, qalaxaye qaica ca chochaq ỹa'añaqchet namayepi.

Eclesiastés 7:7

Dam sancherapec nataxac na'axat cam ỹaanaxanaxaic, qataq da qaiỹaxaata'a da qaisheeten da huo'o ca qaỹo'ot damaye na'axat da nataxac.

Eclesiastés 5:7

Qaq ỹoqo'oye da qouetangui 'enauac na qalota maye ỹo'ot da ñi'iỹaxa, qataq na qalota na'aqtacpi, qataq nam qaica ca naigui, qalaq 'am iuen da 'auachaxana da huo'o naq 'enec 'anqa'en Ñim Lo'onatac 'Enauacna.