Eclesiastés 8:8 - La'aqtaqa Ñim Lo'onatac 'Enauacna 2013

⁸ Qaica ca shiỹaxaua hueto'ot da na'añaxac da nalalec da achaalataxac da yaqto' ishet da nllañi, qataq qaica nataqa'en ca hueto'ot da na'añaxac da ishet da ilo'ogue da nleuaxa. Qaq ỹoqo'oye qaica ca ỹet de'era loquiaxac, qaq cam yeloxoic saishet da nca'alaxatec da layeloxo.

Eclesiastés 8:8 Referans Kwoze

Salmos 89:48

Cha'aye ¿negue't ca huo'o da lca'alaxa, nache sa ileu? qataq ¿negue't ca ishet da dataueeguesop da la'añaxac añi huachiqui?

Da na'aqtaguec so Job 14:5

Naua na'axa'te qataq naua ca'agoxoiqa, maye nachattaiguilo ca shiỹaxaua, mashe 'auo'ot ye laloqo' da yaqto' saishet da napacalec.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Isaías 28:15

Qami' maye qoñiỹapec naxa: «Qomi' mashe ñaỹamaxataxai' co'ollaxa da nleuaxa, mashe ñaỹamaxataxai' co'ollaxa añi huachiqui, yaqto' qom ivita da anac cam ỹataqta qauem na'a'q, nache saishet qome da qomi' loxonqa, cha'aye she'eguenoqot da natenataxanaxac, qataq qomi' npaxattaleguete da ashepegaxanaxac.»

Eclesiastés 3:21

Qaq ¿negue't cam ishet da ỹataqta 'eesa naqa'en, da so saqcha'a lca'alaxa ca shiỹaxaua taigue da piguem, qaq so saqcha'a lca'alaxa ca shiguiỹac, qalaq taigui na ỹataqta pa'aguiñi ana 'alhua?

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Salmos 9:17

Na qauemaicpi qalaq taỹa'a da tangui aca huachiqui, qataq 'enauac na ỹotta'a't shiỹaxauapi maye icoua'ai Ñim Lo'onatac 'Enauacna.

2 Corintios 13:4

Qaq 'eesa da 'eco' qaica ca la'añaxac Somaye co'ollaq qaiuaxaneuo, qalaxaye nagui Somaye nca'altauec chegoqchigui da la'añaxac Ñim Lo'onatac 'Enauacna. Qaq ỹoqo'oye qomi' ñeuanaqaua'a So Cristo da qaica ca qara'añaxac. Qalaxaye huo'o da qana'achec, cha'aye ñeuanaqaua'a da la'añaxac Somaye qataq da lca'alaxa maye chegoqo'ot Ñim Lo'onatac 'Enauacna. Qaq qom qami' sevitaxalo, nache ishet da ỹataqta qami' sachaxanaxalo de'era na'añaxac.

1 Corintios 15:43

Da huo'o ñi ileu, nache qailareñi da lo'ocỹaxac, qaq de'era no'ocỹaxac ivira da qaica ca lyac qataq qaica ca la'añaxac. Qalaxaye que'eca shiỹaxaua da qaltaq nca'alec, nache da lo'ocỹaxac ỹataqta huo'o da lyac qataq huo'o da la'añaxac, nache saishet da qaltaq ileu.

Isaías 28:18

Qataq dam qanaỹamaxataxaqui co'ollaq qanaỹamaxachi' da nleuaxa qanlaxaañi qome, qataq da qanaỹamaxataxaqui co'ollaq qanaỹamaxachi' añi huachiqui, qaica qome ca naigui. Cha'aye anac qome ca qauem na'a'q nache qami' dapaxareñi naqa'en.

Da na'aqtaguec so Job 34:14

Qaq Ñimaye da nqattaxa so saqcha'a nca'alaxa, qataq da ỹaconalo naua na'a'che,

2 Samuel 14:14

Qaq 'eesa da 'enauac qomi' seleuaq qome, shenaqta'am ca 'etaxat da huecorelec na 'alhua, nache saishet da qaltaq qalaỹona't. Qalaxaye Ñim Nataxala' saishet da huo'o ca nqat da nachaalataxac, nacherata da ỹauo'o ca lataxac da yaqto' ca ỹaqa'a ca hueta'ague ishet da 'am ñe'eguelaxa.

2 Reyes 7:15

Nache jec somayepi da iual-lec so llec so siiriopi, nache ivittaxaama so tala Jordán, nache somayepi ilalec som huetangui so llec somayepi, nogoxot, qataq som laỹepi nogoxoshetpi, maye naañi co'ollaq datauec som siiriopi, souaxat da lỹalaxa. Nache se'esoua namaxa'she ỹe'eguelaxareuo co'ollaxa da yaqto' da'aqtaxanem so nta'a.

Eclesiastés 8:13

Qalaxaye nam qauemaicpi qalaq qauem da taỹa'ague, qataq sa qaỹa'ague da nachaalataxac, 'eeta'am na paqal, cha'aye saishet da ỹalaxaguet Ñim Lo'onatac 'Enauacna.

Proverbios 12:3

Da qauem saishet da nache 'eetai' da na'attañi naqa'en ca shiỹaxaua, qaq ca no'on da lataxac qalaq nache 'eetai' da na'attañi qaica ca iraxanai'.

Eclesiastés 9:12

Qataq sela'a nataqa'en da qaica ca ỹaỹaten da nvita cam laloqo', 'eeta'am ca nỹaq da noxonec huetaigui ca naleguec, qataq 'eeta'am aca qoỹo da taigui aca nqoina, qaq nache 'eetec cam ỹale da mashe qaica ca ỹauotaique, nache nque'elaxatta da talec cam qauem.

Isaías 47:10

'Am qaica ca 'andaqtaique da 'auo'ottac da qauem, qataq qoneta' naxa: «Qaica ca aỹem ilotagui.» Dam 'araỹaanec qataq nam 'arauattonaxanaxacpi 'am ỹatenachet. Qaq dam pa'auo 'arhuennataxac, 'eeta': «Aỹem nachaqaỹemta nache qaica ca lỹa.»