Eclesiastés 8:5 - La'aqtaqa Ñim Lo'onatac 'Enauacna 2013

⁵ Qaq cam ỹalaxaguet ca namaxasoxonaxac, nache sa ivireguet ca qauem, qaq ca ỹaanaxanaxaic qalaq ỹaỹaten ca laloqo' qataq ca 'eetec da ipacchigui damaye.

Eclesiastés 8:5 Referans Kwoze

Hebreos 5:14

Qalaxaye nam mashe ỹauatton ca 'onaxaic qataq ca qauem qataq mashe naỹa'ac da ỹo'ottac, nache 'eeta'am ca shiỹaxaua mashe ỹe, maye ishet da chec ca nallec sa nsatta.

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Lucas 20:25

Nache Somaye 'enapeco': –Qaỹa'añim ñim lta'a na nta'alpi cam maiche lalamaxat, nataqa'en qaỹa'añim Ñim Lo'onatac 'Enauacna ca maiche lalamaxat.

1 Crónicas 12:32

Qaq so nhuo' le'ecpi maye chegoxoguetpi so Isacar, ivi' doscientos so nataxala'pi maye ỹaỹateeta'aguelo naua na'axa'te, qataq ỹaỹateeta'a nam taỹa'a da ỹo'ot so Israel le'ecpi, qaq som lauo' le'ecpi ỹo'ottac nam damaxasoxoolecpi somayepi.

Hechos 5:29

Nache so Pedro qataq soua lỹa't namaxa'she 'ena'apo': –Qomi' iuen da hua'auñi da salaxasoxoguet Ñim Lo'onatac 'Enauacna, ime, nache nataqa'en ca choche shiỹaxaua.

Oseas 5:11

Nache na Efraín, qaica qome ca nyacnataguec qataq qaica ca naigui qanqa'en, souaxat da maiche quegue nam atamnaxala'pi maye qaica ca naigui.

Eclesiastés 10:2

Da lquiyaqteỹaxac ca ỹaanaxanaxaic nmitta'a da ỹo'ot ca no'on, qaq cam qaica ca ỹaỹaanapec qalaq nmitta'a da ỹo'ot ca qauem.

Eclesiastés 8:2

Qaq 'am seqata da 'aualaxalec nam lamaxasoxonaxacpi ca nta'a, cha'aye maiche 'arasataxac co'ollaxa hua'aqchigui 'anqa'en Ñim Lo'onatac 'Enauacna.

Eclesiastés 2:14

Cam ỹaanaxanaxaic ỹataqta nlotauec, qaq ca qaica ca ỹaỹaanapec qalaq quetagui na napalaxa. Qalaxaye nataqa'en saỹaten da 'enauac da 'oonolec ye iuatta'aguet laloqo'.

Proverbios 17:24

Da naỹaanec nachera da nmitta'a ca sanqalat, qaq na qaica ca ỹaỹaanapec qalaq qaica ca llec ca 'eetapeguec.

Éxodo 1:17

Qalaxaye aso Sifra, qataq aso Púa, ỹataqta huo'o da lcolanaqa' Ñim Lo'onatac 'Enauacna, ỹoqo'oye saishet da ỹo'o't da lamaxasoxonaxac so nta'a maye ilotague' ye Egipto. Nachaqrata da nca'altauec naqa'en da ñiguiñi na ỹale.

Colosenses 1:9

Co'ollaq choche saỹaanaq 'enauac de'era, nache qolaqtot da qami' ñeqouagaxaunaqtapegueleguete. Seỹaxanaqtacot Ñim Lo'onatac 'Enauacna da ña qami' ỹauattonaxanaxaneque dam ỹataqta 'eetapeguec Ñimaye, qataq da qami' ỹanema na ỹotta'a't naỹaaneguesat qataq da nauattonaxanaxac maye chegoqo'ot So Saqcha'a Na'añaxac Qui'itta.

Salmos 119:6

Yaqto' saishet da ña'aloxootac, da ivita da semete'n naua 'aramaxasoxonaxaco.

Proverbios 12:21

Ca ỹale no'on da lataxac qalaq saishet da nque'eteetapigui na qauemsat, qaq ca qauemaic qalaq talec 'enauac na sa ỹaỹamaxañesat.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.