Eclesiastés 8:4 - La'aqtaqa Ñim Lo'onatac 'Enauacna 2013

⁴ Cha'aye ca la'aqtac ca nta'a huo'o da la'añaxac, nache qaica ca ishet da nmit nam ỹo'otpi.

Eclesiastés 8:4 Referans Kwoze

Da na'aqtaguec so Job 9:12

qataq da huo'o ca ỹacona da ỹauo'o lalamaxat, qalaq ¿negue'tom ca ishet da ñe'eguelaxaala't? Cha'aye negue'tom ca ishet da ichemaxata ca ỹo'ot Ñimaye.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Romanos 9:20

nache aỹem ishet da sasateguet camaye sheeta': «'Am ñauochaxaua, ¿negue't 'am da qonetega sa ỹaỹamaxaayiñi naua lhuennataxaco Ñim Lo'onatac 'Enauacna?» Aca taxaqui maye no'oxona 'alhua, saishet da quetapeguelec cam ỹo'oxon souaxat da lataxac acamaye.

Proverbios 20:2

Ca nta'a da denotac qalaq 'eeta'am ca quiyoc da desoqtac, qaq ca inogoqchet camaye, nache huetalec da lchec da nachaalataxac.

Proverbios 19:12

Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Proverbios 30:31

qataq na polalo, quetaq lhuaraic, qataq ca nta'a maye hua'auta'ague da llec na nalleppi.

1 Reyes 2:46

Ime, nache so nta'a ỹamaq so Benaías, som llalec so Joyadá, nache somaye jec, nache ỹalauat so Simea. Huaña, nache so Salomón ỹataqta imauec da ilo'ogue de'era no'onataxanaxac.

1 Reyes 2:25

Qaq nache sa ỹaỹaloxon da ỹamaq so Benaías, som llalec so Joyadá, da yaqto' ỹalauat so Adonías, nache somaye nqo'ona so Adonías, nache ỹalauat.

Éxodo 1:18

Qaq ỹoqo'oye so nta'a maye ilotague' ye Egipto iỹaxaneugalo co'ollaxa, nache 'enapegalo, 'eeta': «¿Ta'ainco' da nache nca'altauec qanqa'eñi na ỹale da ñiguiñi?»

2 Samuel 24:4

Qalaxaye so nta'a saishet da nqochenaxat da la'aqtac da 'enapega so Joab, qataq so lataxala'pi so nalleppi, ỹoqo'oye so Joab qataq so lataxala'pi so nalleppi, ca'ai co'ollaxa so nta'a, nache jec da yaqto' ỹo'ot da naneraguec so Israel le'ecpi.

1 Reyes 1:30

da se'eso ỹa'aqtac maye 'am sanem co'ollaxa, hua'aqchigui ñaqa'en Ñim Nataxala' maye Natamnaxala' na Israel le'ecpi, aỹem sepacchigui da so'ot: Qaq so 'aỹa'alec Salomón, nacheso so talec nagui da ỹo'onataxanaxac.»

Esdras 6:13

Huaña nache so Tatenay, maye ilotague' so 'alhua maye pa'aỹa'ague da avit so tala Éufrates, qataq so Setar, Bosnay qataq so ltauapi somaye, ỹataqta ipacchiguilo naua lamaxasoxonaxaco so nta'a Darío.