Eclesiastés 8:3 - La'aqtaqa Ñim Lo'onatac 'Enauacna 2013

³ Saishet da ỹapac da 'auỹalapigui' da qoca'ai camaye. Qataq saishet da 'aỹapegueua'a cam saỹaỹamaxañi lataxac, cha'aye camaye ishet da ỹo'ot ca maiche 'eetapeguec.

Eclesiastés 8:3 Referans Kwoze

Eclesiastés 10:4

Qaq ca nta'a da huo'otaq 'am dalemataỹa, nache saishet qome da qoca'ai ca 'aro'onataxanaxac, cha'aye dam nhualaxavic, nachera da lata' naua lta'al nsomaxaco.

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Proverbios 14:29

Ca qaỹoqchiguinguit da lalemataic camaye ỹoqta ỹaanataxanaxaic, qaq ca sancherapec qalaq ỹachaxan da ne'enaxac.

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

Proverbios 30:31

qataq na polalo, quetaq lhuaraic, qataq ca nta'a maye hua'auta'ague da llec na nalleppi.

Génesis 47:9

Nache so Jacob 'enapeco': «Qomye mashe sevi' naua ciento treinta vi'iye da choche secoleetac. Qaq saq 'amaqta'q qataq qauema soua vi'iye maye sootaiguilo, qaq saxanaxa da sevi' soua vi'iye maye ivi' co'ollaxa da nachaalataxac som hua'au ita'alpi.»

Proverbios 24:21

'Am ỹalcolec, huo'o naq 'enec 'anqa'en Ñim Nataxala' qataq ca nta'a, qataq saishet da 'aualecta'aguet qome na pa'aguenataxanaxaicpi,