Eclesiastés 8:15 - La'aqtaqa Ñim Lo'onatac 'Enauacna 2013

¹⁵ Qaq ỹoqo'oye aỹem sho'oxoren dam namaicỹaxac, cha'aye qaica ca lỹa no'on maye ishet da ỹo'ot cam shiỹaxaua ana'ana 'alhua, nacherata da deque'etac, nỹomtac qataq da'aistac. Cha'aye nachaqrata damaye hueto'ot, dam chegaqaigui da lo'onataxanaxac da nachaalataxac maye ỹanem Ñim Lo'onatac 'Enauacna.

Eclesiastés 8:15 Referans Kwoze

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Eclesiastés 5:18

Qaq dam sela'a maye ỹoqta ỹaỹamaqchiguiñi da qaỹo'ot damaye, 'eeta': sequia'aqtac qataq ñeỹomaqtac, ñeque'etaxanaqchigui dam alaỹaxac dam qalota qaro'onataxanaxac ana'ana 'alhua, da ñaq huo'o dam saqaloc qanachaalataxac maye qomi' ỹanema Ñim Lo'onatac 'Enauacna, cha'aye nachera dam qomi' qoỹanema.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Eclesiastés 3:22

Qaq aỹem sela'a da qaica ca lỹa no'on da ỹo'ot ca shiỹaxaua, nacherata da ntootapeguec dam lo'onataxanaxac, cha'aye nachera dam nsheetenaguec, cha'aye qaica ca ishet da qaltaq ñe'eguelaxat da yaqto' imeten nam dalaxaicpi maye taỹa'a da huo'o, qom mashe ime da ileu camaye.

Salmos 42:8

Qalaxaye ye na'a'q nache Ñim Nataxala' aỹem namaxa da lchoxonnataxanaxa, qaq ye pe qalaq saishet da vi'iiguet da ỹo'onaxanaxac, qataq da ñatameetacot Ñim Lo'onatac 'Enauacna maye aỹem ỹanem da ica'alaxa.

Eclesiastés 2:1

Qaq huaña nache aỹem seuennataxaatac nache, sheeta': «Nagui she'eguen da so'ot nam na'ashaxacpi yaqto' sootaigui da no'on achaalataxac.» ¡Qalaxaye nataqa'en damaye qaica ca naigui!

Eclesiastés 2:3

Qataq so'ogoxona da ñetoonaxac qataq da ỹaỹaanec da she'eguen da lamaicỹaxac na lataxa, qataq ỹataqta ñañaneguet namaye da yaqto' saỹaten da nachera dam ỹaỹamaqchiguiñi da ỹo'ottac ca ỹale da ñaq huo'o da nachaalataxac da netalec ana 'alhua.

Eclesiastés 2:10

Qaq saỹauano' da saq so'ot nam ñeqopittegapi, qataq qaica ca na'ashaxac ca saq so'ot. Qaq ỹo'ot da lamaicỹaxac da iquiyaqteỹaxac 'enauac nam so'otpi co'ollaxa, qaq de'era ỹamaicỹaxac, nachera dam ñesheetenaguec.