Eclesiastés 8:13 - La'aqtaqa Ñim Lo'onatac 'Enauacna 2013

¹³ Qalaxaye nam qauemaicpi qalaq qauem da taỹa'ague, qataq sa qaỹa'ague da nachaalataxac, 'eeta'am na paqal, cha'aye saishet da ỹalaxaguet Ñim Lo'onatac 'Enauacna.

Eclesiastés 8:13 Referans Kwoze

Eclesiastés 6:12

Qaq 'eesa da, ¿negue't ca ỹaỹaten cam ỹaỹamaxareeta ca ỹale da ñaq huo'o dam saqaỹauec qataq qaica ca naigui nachaalataxac maye 'eeta'am da lataxac ca paqal? Qataq ¿negue't cam ishet da da'aqtaxanem cam taỹa'a camaye qom mashe ileu?

Isaías 3:11

¡Qaq choxoraxaso' ca qauemaic! Cha'aye ỹataqta qauem qome da llecỹaxac, cha'aye Ñim Lo'onatac 'Enauacna isheeten qome, ipacchigui naqa'en nam ỹo'otpi camaye.

Da na'aqtaguec so Job 14:2

Camaye 'eeta'am aca lauoxo da dasovi, ime nache deqaqa, 'eeta'am na lpaqal da taỹa'a da pal.

Malaquías 3:18

Huaña qome, nache qami' qaltaq ỹataqteguet qanqa'eñi ca no'on qataq ca qauem, qataq cam ỹo'oxoreetac Ñim Lo'onatac 'Enauacna, qataq cam saishet da ỹo'oxoren Ñimaye.»

Isaías 57:21

Nam qauemaicpi saishet da hueto'ot ca nlagaxayec.» Qaq 'era da la'aqtac Ñim Nataxala'.

2 Pedro 2:3

Ne'ena napaxaguenataxanaqpi maye tenataxanaxaicpi, namayepi choche quetague' da lqopitaxanaqtaic da ỹaconeguet aca anom, qataq nauec acamaye souaxat da latenataxanaxac. Qalaxaye Ñim Lo'onatac 'Enauacna mashe qaỹoqtegue da lhuennataxac da ỹauo'o ca nhuaxanaguec namayepi, qaq namayepi saishet da ỹet que'eca nhuaxanaguec.

Santiago 4:14

¿Ta'ainco' da nache 'eetec da qartaxaỹaxaqui ye saq qauaỹaañi ca huaigui ca lỹa na'a'q? Cha'aye da qanachaalataxaqui 'eeta'am na sheue: da cara'acolec huo'o, qaỹata'ague qataq qaica.

Juan 5:29

nache chegoqchiguingui ana nhuachiquipi da ñesheguem. Nache nam ỹo'ottac ca ỹaỹamaqchiguiñi qaltaq nca'alec, da yaqto' chochaq tatec da hueta'aguet Ñim Lo'onatac 'Enauacna. Qaq nam ỹo'ottac ca sa ỹaỹamaxañi qalaq nca'alec, da yaqto' qaỹauo'o ca nhuaxanaguec.

Isaías 30:13

qaq ỹoqo'oye de'era qarasouaxashechi maiche qami' taleguete qome, 'eeta'am ca qaỹoqotcheguemec npaqtaxanaxat maye huo'o ca lpoxoỹaxa, qaq da mashe saqaỹauapeque da hua'axañi nache nque'elaxatta da hua'axañi,

Salmos 144:4

Cha'aye ca shiỹaxaua 'eeta'am da 'oonolec qancosaueegue na na'at, da nachaalataxac qalaq sa ilaua'ague 'eeta'am ca lpaqal.

Salmos 55:23

Qaq 'Am Ñatamnaxala', na laataxanaxaicpi qataq tenataxanaxaicpi, saishet da nache 'eetai' 'anqa'en da nca'altauec, saishet da ivira'a 'anqa'en ca laiñi da nachaalataxac, namayepi tangui 'anqa'en na pa'aguiñi aca nhuachiqui. Aỹem qalaxaye ỹataqta 'am sepi'iỹa'a.

Salmos 39:5

Cha'aye ỹataqta saqaỹauec da ñachaalataxac maye aỹem 'aỹa'anem, ỹoqo'oye ỹataqta qaica ca naigui da ñachaalataxac da 'am hueto'ot. Cha'aye ye loga't 'enauac na shiỹaxauapi 'eeta'am da 'oonolec qanaue'c naua na'a'che.

Salmos 11:5

Ñim Nataxala' nache nauaatac na no'on da lataxac qataq na qauemaicpi, qataq ỹataqta ỹaỹemec na lqopitaxat da nloquiaxac.

Da na'aqtaguec so Job 21:30

da ivita ca na'a'q da qanlaxaañi 'enauacna, nache ca qauemaic nca'alec, qataq da ivita ca na'a'q da nvi' ca nayeloxo, nache camaye nca'alec?

Da na'aqtaguec so Job 20:5

cha'aye da lamaicỹaxac na 'etaxaloxoic saqaỹauec, qataq da ntonaxac na qauemaic pasa'a da imeuo.

Da na'aqtaguec so Job 18:5

Ca qauemaic qalaq 'om aca lcoỹaraxanaxaqui, nache qaica ca le'eraxa ca l-le'.

Eclesiastés 3:14

Qataq nataqa'en saỹaten da 'enauac nam ỹo'otpi Ñim Lo'onatac 'Enauacna, namayepi chochaq tatec. Qaica ca ishet da qaiqotteneuo, qataq qaica ca ishet da qanqat namayepi, cha'aye Ñim Lo'onatac 'Enauacna, nache lataxac naqa'en, yaqto' nam shiỹaxauapi huo'o naq 'enec naqa'en Ñimaye.

Eclesiastés 5:7

Qaq ỹoqo'oye da qouetangui 'enauac na qalota maye ỹo'ot da ñi'iỹaxa, qataq na qalota na'aqtacpi, qataq nam qaica ca naigui, qalaq 'am iuen da 'auachaxana da huo'o naq 'enec 'anqa'en Ñim Lo'onatac 'Enauacna.

Eclesiastés 7:15

Qaq huaigui dam qaica ca naigui ñachaalataxac da sauaachigui 'enauac ne'enapi, da nam soxoraic shiỹaxauapi nataqa'en ileu, na'aictaxa da nlaqchigui da lsoxoyec, qaq nam qauemaicpi, qalaq na'aictaxa da ỹaguec da layeloxo qalaq ỹataqta qaỹoqtec da nachaalataxac.

Eclesiastés 7:18

Qaq no'on qome da 'auaconeguet de'era, na 'arhuaq saishet qome da ỹaxanec damaye. Cha'aye cam huo'o naq 'enec naqa'en Ñim Lo'onatac 'Enauacna, nache no'on da llecỹaxac da inoxonaqchetec 'enauac de'era.

Eclesiastés 8:8

Qaica ca shiỹaxaua hueto'ot da na'añaxac da nalalec da achaalataxac da yaqto' ishet da nllañi, qataq qaica nataqa'en ca hueto'ot da na'añaxac da ishet da ilo'ogue da nleuaxa. Qaq ỹoqo'oye qaica ca ỹet de'era loquiaxac, qaq cam yeloxoic saishet da nca'alaxatec da layeloxo.

Isaías 65:20

Qaq saishet qome da huaña yemaye da ileu ca nogotolec maye saxanaxa da qaỹa'aguelo naua na'axa'te da nachaalataxac, qataq ca ỹa'axaiquipi da huo'otaq saxanaxa da ivita ca laloqo' da nachaalataxac. Cha'aye ca ileu da ivi' caua cien vi'iye, nache 'eco' ña nsoqolec da ileu, qaq ca saxanaxa da ivi' caua cien vi'iye da ileu, nache camaye huetalec da qauem.

Salmos 37:1

Saishet qome da 'aualemata souaxat na qauemaicpi, qataq saishet da 'anquiỹatega na ỹo'ottac na qauempi,

Jeremías 44:10

Qaq ivitta'a nagui da qami' saishet da qanaralaxache da qarataxaqui, qataq qaica ca qarcolanqai, qataq saishet da qaupaquiilec na ỹapaxaguenataxanaxacpi qataq na iqataxacpi maye qami', qataq som hua'au qarta'ailpi sanem co'ollaxa.