Eclesiastés 8:12 - La'aqtaqa Ñim Lo'onatac 'Enauacna 2013

¹² Qaq cam 'etaxaloxoic ishet da cien da ỹe'eguelaxalec da ỹo'ot ca qauem, qataq ỹataqta qaỹoqtrec naua vi'iye da nachaalataxac, qalaxaye nataqa'en saỹaten da 'onaxaic da taỹa'ague cam huo'o naq 'enec naqa'en Ñim Lo'onatac 'Enauacna qataq ỹalaxaguet Ñimaye.

Eclesiastés 8:12 Referans Kwoze

Salmos 37:11

Qalaxaye na qaica ca na'amqaanaxac, taỹot qome da lalamaxat ne'ena 'alhua, qataq ỹataqta imauec da lactapiguiñi.

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

Eclesiastés 7:15

Qaq huaigui dam qaica ca naigui ñachaalataxac da sauaachigui 'enauac ne'enapi, da nam soxoraic shiỹaxauapi nataqa'en ileu, na'aictaxa da nlaqchigui da lsoxoyec, qaq nam qauemaicpi, qalaq na'aictaxa da ỹaguec da layeloxo qalaq ỹataqta qaỹoqtec da nachaalataxac.

Eclesiastés 3:14

Qataq nataqa'en saỹaten da 'enauac nam ỹo'otpi Ñim Lo'onatac 'Enauacna, namayepi chochaq tatec. Qaica ca ishet da qaiqotteneuo, qataq qaica ca ishet da qanqat namayepi, cha'aye Ñim Lo'onatac 'Enauacna, nache lataxac naqa'en, yaqto' nam shiỹaxauapi huo'o naq 'enec naqa'en Ñimaye.

Romanos 9:22

Qaq de'era 'eeta'am da ỹo'ot Ñim Lo'onatac 'Enauacna. Cha'aye Ñimaye huotaique da ỹachaxan da 'eetec da huo'o ca ỹauo'o ca nhuaxanaguec da yaqto' 'enauac ana 'alhua, qaỹaỹaten da Ñimaye ỹataqta huo'o da la'añaxac. Qalaxaye Ñimaye huo'o da lhualaxavic da na'añaxateguet nam taỹa'actaxa da nhuaxanaguec qataq qailaxachigui.

Lucas 1:50

Ñimaye nache 'eetai' da ỹauotec 'enauac nam ỹo'oxoreetac Ñimaye.

Romanos 2:5

Qalaxaye da, nache qoquiito'ot da sa qaualaqai, qataq da saishet da qanaralaxache da qarataxaqui, nache Ñim Lo'onatac 'Enauacna, ỹauo'o ca qanque'eenaxaqui ỹataqta ỹactec. Qaq anata ca na'a'q, qom Ñim Lo'onatac 'Enauacna nmit 'enauac na shiỹaxauapi, nache ỹauo'o qome ca qanhuaxanaguiiqui.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Eclesiastés 7:18

Qaq no'on qome da 'auaconeguet de'era, na 'arhuaq saishet qome da ỹaxanec damaye. Cha'aye cam huo'o naq 'enec naqa'en Ñim Lo'onatac 'Enauacna, nache no'on da llecỹaxac da inoxonaqchetec 'enauac de'era.

Eclesiastés 5:16

Qaq damaye ỹataqta 'eesa da qauem, cha'aye dam 'eetec co'ollaq nvita ana 'alhua, qaq nache 'eetec nataqa'en qom jec. Qaq ¿negue't cam ỹachegoxotaigui dam lta'araic lo'onataxanaxac?

Proverbios 13:21

Na qauemsat qalaq ca'attapiguiñi' na 'etaxaloxoicpi, qaq na no'on da lataxac qalaq nsheetenaxat da ỹaỹamaqchiguiñi.

Salmos 115:13

Qataq ichoxoren qome cam huo'o naq 'enec naqa'en Ñimaye, nam lta'araicpi qataq na qapio'olecpi.

Salmos 112:1

¡Qaỹo'oxoren qome Ñim Nataxala'! Ỹataqta machiguiñi ca shiỹaxaua maye huo'o naq 'enec naqa'en Ñim Nataxala', qataq ỹauoteque naua lamaxasoxonaxaco Ñimaye.

Salmos 96:9

qataq qaua'ayiỹoto naua qarllectelli' Ñim Nataxala' da qoviita'a ye ỹataqta huo'o da lyacỹaxac lanataqa', qataq 'enauac na shiỹaxauapi da huo'o naq 'enec naqa'en Ñimaye.

1 Crónicas 16:30

¡Qaq 'enauac nam huetalec ana 'alhua ỹataqta iviloxol da lcolanaxa da dataỹot Ñimaye! ¡Ñimaye ỹo'ot co'ollaxa ana 'alhua da yaqto' saishet da deraỹapigui'!

1 Reyes 21:25

Qaq ỹataqta qaica ca 'eeta'am ñi Ajab, da ỹataqta qauem nam ỹo'otpi souaxat da ỹalaxaguet añi lhua Jezabel, da ỹo'ot nam sa ỹaỹamaxaren Ñim Nataxala'.

Deuteronómio 12:25

Saishet qome da qollequi na ntago'q, yaqto' no'oita da qanachaalataxaqui qami', qataq cam qami' chegoxogueta qome, cha'aye da qauo'oche de'era ỹaỹamaqchiguiñi nache Ñim Nataxala' ỹaỹamaxareeta da qami' ilotaguilo.

Éxodo 1:20

Qaq ỹoqo'oye 'era da 'eetec da na Israel le'ecpi 'añaxaicpi qataq nquictauec da ỹataqta qalota. Qaq Ñim Lo'onatac 'Enauacna ỹataqta ỹaỹamaxareete' soua Sifra qataq aso Púa,

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Deuteronómio 12:28

Qaq ỹataqta qana'axaỹaxañiỹalo, qataq qauaỹamaxache' qome 'enauaque naua namaxasoxonaxaco maye qami' samaxaleguete, cha'aye da qauo'oche' ne'enaua no'oñi, qataq ỹaỹamaqchiyiñi, nache qami' qataq ca qaỹa'alquipi, nache 'eetai' qome da no'oita da nachaalataxac, qataq qami' ỹaỹamaxareete' da qami' imeteeta'ape Ñim Nataxala' maye Qanatamnaxala'ai.

Salmos 128:2

Qom chectac ca aloq maye chegaqaigui da lo'onataxanaxac, qalaq ỹataqta machiguiñi qataq no'on da llecỹaxac.

Eclesiastés 5:7

Qaq ỹoqo'oye da qouetangui 'enauac na qalota maye ỹo'ot da ñi'iỹaxa, qataq na qalota na'aqtacpi, qataq nam qaica ca naigui, qalaq 'am iuen da 'auachaxana da huo'o naq 'enec 'anqa'en Ñim Lo'onatac 'Enauacna.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Da na'aqtaguec so Job 35:15

Qataq ye 'am qonapec da Ñimaye saishet da dalemata, qataq saishet da iqocha'a ca nasouaxashet.

Proverbios 28:14

Ỹataqta machiguiñi ca shiỹaxaua da huo'o naq 'enec naqa'en Ñim Nataxala', qalaxaye ca qaramta da lquiyaqteỹaxac qalaq taỹa'a da lachoxoyec.

Jeremías 44:10

Qaq ivitta'a nagui da qami' saishet da qanaralaxache da qarataxaqui, qataq qaica ca qarcolanqai, qataq saishet da qaupaquiilec na ỹapaxaguenataxanaxacpi qataq na iqataxacpi maye qami', qataq som hua'au qarta'ailpi sanem co'ollaxa.