Eclesiastés 8:11 - La'aqtaqa Ñim Lo'onatac 'Enauacna 2013

¹¹ Cha'aye da sa qaiỹalapegue' da qaỹauo'o ca nhuaxanaguec cam ỹo'ottac nam qauem, nache nam shiỹaxauapi ishet da lhuennataxac da nache queto'ot da ỹo'ottac nam qauem.

Eclesiastés 8:11 Referans Kwoze

Isaías 26:10

Qaq na'aictaxa da qaichoxoren na qauemaicpi, qalaxaye namayepi saỹaỹaten qome da ỹo'ot da nalochiguiñi lataxac, nacherata da ỹo'ottac da qauem da netalec na na'alhua nam no'on da lataxac, qataq saishet da iuennatega da la'amaqchec Ñim Nataxala'.

Salmos 10:6

qataq lhuennataxa da qaica ca ishet da huañi naqa'en, qataq nache 'eetai' da machiguiñi, qataq da saishet da huo'o ca nqalana'ai'.

Jeremías 48:11

Ye Moab nache 'eetai' naxa dam chegoqta'ague da huetaigui da l-lagaxayec, saỹauano' da qaỹauega ca ỹaqa'a 'alhua. 'Eeta'am ca lataxa maye saishet da qairaxanapigui' da qaicottangui ana ỹomaxaquipi, qaq ỹoqo'oye saishet da deqat da lamaicỹaxac qataq da no'on laitaỹaxac.

Éxodo 8:15

Qalaxaye so faraón co'ollaq cara'acolec da ila'a da huesapeguelec, nache qaltaq ipactegue da ỹataqta qaramchigui añi lquiyaqte, nache saishet da ỹoqocha'a so Moisés qataq so Aarón. Qaq ipacchigui dam 'enapec co'olloxocheye Ñim Nataxala'.

Isaías 57:11

Qaq ¿negue't se'eso atamnaxala'pi maye 'añe'etega qataq 'avio'oxoreetac, da yaqto' aỹem qoca'ai qataq imauec da aỹem 'aucoua'ai? Co'ollaq saishet da aỹem 'avio'oxoreetac nache Aỹem choche ñe'emaxat, qataq 'eco' sa sauatonaxan.

Jeremías 42:15

qaq qami' maye qano'oñiỹalec na Judá, ña qana'axaỹaxañiỹa da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'eeta': ‹Qami' da qarhuennataqai da qonqo'oñiỹa da qoñiỹaña ye Egipto,

Éxodo 8:32

Qalaxaye so faraón qaltaq ỹe'eguelaxalec da qaramchigui añi lquiyaqte, nache saishet da ỹashenec so Israel le'ecpi.

Éxodo 34:6

Ime, nache nlectelec so Moisés, na'axanneque naua la'aqtaqa, da detaqtac, 'eeta': «¡Nam Nataxala'! ¡Nam Nataxala'! ¡Nam Lo'onatac 'Enauacna maye soxoraic qataq choxonnataxanaxaic! ¡Namaye qaỹoqchiguinguit da lalemataic, qataq lta'araic da lsoxoyec, qataq ỹataqta 'eesa!

2 Samuel 11:15

Qaq so na'aqtac maye huetalec asa'aso nere, 'eeta': «Na Urías, ỹalegoigui qanqa'eñi qome ca hua'autec alleppi qom huaigui que'eca ỹataqta lta'araic alaataxac. Ime, nache qaualachiỹa'a't qome, yaqto' qaique'emaqchet nache ileu.»

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Da na'aqtaguec so Job 24:23

Ñim Lo'onatac 'Enauacna hua'aqta'a namayepi da qaica ca ivittaique, qalaxaye ỹataqta naua'n naua lqauaxaqui'.

Salmos 10:4

Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.