Eclesiastés 8:10 - La'aqtaqa Ñim Lo'onatac 'Enauacna 2013

¹⁰ Qaq nataqa'en sauaachigui nam qauemaicpi da ỹo'oxoraq qanqa'en da qailareñi. Qaq nam saqỹet naxa da hueta'a ye ndaqa' maye qui'itta, qataq nam hueta'a ye huaqta'a't nỹecpi maye huaña nam no'on maye ỹo'otpi co'ollaxa, icoua'ai namayepi. ¡Qaq de'era nataqa'en qaica ca naigui!

Eclesiastés 8:10 Referans Kwoze

Eclesiastés 9:5

Cha'aye nam nca'altauecpi ỹaỹaten da taỹa'a da ileu, qalaxaye nam leuaxaicpi qaica ca ỹaỹaten qataq qaica ca laueguec, cha'aye dam na'aqtaguec namayepi mashe qaicoua'ai.

Eclesiastés 2:16

Cha'aye qaica ca ishet da qaltaq iuennatega cam ỹaanaxanaxaic, qataq cam qaica ca ỹaỹaanapec, cha'aye da mashe qaỹoqteguelo naua vi'iye, nache 'enauaque da qaicoua'aisalo, cha'aye cam ỹaanaxanaxaic, qataq cam qaica ca ỹaỹaanapec 'eeta'a't da ileu'.»

Proverbios 10:7

Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.

Hebreos 10:38

Qaq nam saishet da Aỹem ỹaxanec, qataq Aỹem pi'iỹa'a, namayepi chochaq tatec da lca'alaxa. Qalaxaye da Aỹem ỹaxanec, nache saishet da saỹamaxaren namayepi.»

Hechos 6:13

Nache iỹaxanalo soua lỹa't na'aqtaxanaxanaqa da yaqto' ỹa'axa't ca saq 'en. Nache soomaye 'ena'apo': –De'era ỹale, damaye ỹataqta saq ỹaxaañi da qauema naua la'aqtaqa da detaqtega añi qui'itta qaro'onaxanaxaqui qataq npa'agueneto naua namaxasoxonaxaco maye chegoqo'oto so Moisés.

Lucas 16:22

Qaq huo'o so na'a'q, nache se'eso ỹale maye choxoraq ileu. Nache anac na lamaxashecpi Ñim Lo'onatac 'Enauacna da ỹauega ca ndaqa' maye ỹataqta ỹo'oxoraq, cam hueta'a nataqa'en so Abraham maye chegoxoguet somaye. Qaq co'ollaq qaỹata'ague, nache nataqa'en ileu so ỹale maye sallaxanec. Nache co'ollaq qailareñi,

Jeremías 17:13

'Am Nataxala', nache 'am da 'am hueto'ot da naquitaxac na Israel le'ecpi. Qaq 'enauac qome nam 'am ca'ai huo'o da la'agaxa. 'Enauac qome nam 'am ca'ai, namayepi deqat qome 'eeta'am ca nerec maye qoỹettalec ca namoxoỹaxa, souaxat da 'am ỹalat, 'Am maye qoneta'am ca atom mpa'axaatasheguem 'etaxat.

Eclesiastés 1:11

Som hua'auñipi somayepi mashe qaicoua'ai, qaq nataqa'en qaicoua'ai qome nam dalaxaicpi qataq cam ñaq taỹa'a da yo'oq.

Salmos 31:12

Ỹataqta imauec da aỹem qaicoua'ai, 'eeta'am da mashe seleu. Qataq sheeta'am peta'a ana naco'oña da aỹem dolachigui.

Da na'aqtaguec so Job 21:18

¿Che laguio' co'ollaxa da ilagaxattac namayepi, da 'eeta'am naqa'en na 'auaqpi, da ỹache ana daua'ache?

Eclesiastés 9:15

Qalaxaye se'eso huaqta'a't nỹecpi hueta'a so 'oonolec ỹale maye choxoraq, qalaxaye ỹaanaxanaxaic, qaq somaye ishet taxa da do'ogoxona da laỹaanec da nca'alaxatec som huaqta'a't nỹecpi, ¡qalaxaye qaica co'ollaxa ca tachigui lauel somaye!