Eclesiastés 7:4 - La'aqtaqa Ñim Lo'onatac 'Enauacna 2013

⁴ Da lhuennataxac na ỹaanaxanaxaicpi hueta'a cam huaña da nasouaxac, qaq na qaica ca ỹaỹaanapec qalaq ndotec da iuennatega cam huaña da na'ashaxac.

Eclesiastés 7:4 Referans Kwoze

Oseas 7:5

Da ivita da qaique'elec so nta'a, nache nam nataxala'pi itaqchet somaye, nỹomaxangui na lataxa. ¡Qaq so nta'a ỹaconeguet na lhuaq som ỹe'enai'pi somaye!

Daniel 5:30

Qaq nacheso se'eso pe da qaỹalauat so Belsasar maye lta'a so caldeopi,

Jeremías 51:57

Ñim Nta'a, Ñim Nataxala' maye Qaica ca Ỹaqalanapec, 'eeta': «Setaqchet qome na lataxala'pi ye Babilonia, nam ỹaanaxanaxaicpi qataq na nta'alpi, qataq na ltauapi, qataq na alleppi nache talec qome ca chochaq tatec lo'ochaxa nache saishet da qaltaq nlouec.

Jeremías 51:39

Qaq qom mashe napaqhuec, nache ñeỹomaxangui qome cam ishet da itaqchet, nache deqat qome naqa'en da ntoonaxac. Qaq huaña, nache taigui cam chochaq tatec lo'ochaxa nache saishet qome da qaltaq nlouec. Qaq 'era da ỹa'aqtac Aỹem Nataxala'.

Isaías 21:4

Ye iuennataxa qalaq sanaỹaten, qataq aỹem iviloxolaqchet da icolanaxa. Na latomoxolec ye avit maye ỹataqta iqopitaxat naxa, qalaq ỹe'eguelaxa da chaqaic ñaqa'en.

1 Reyes 20:16

Nache somayepi inoxonec so na'a'q laiñi, qaq so Ben Adad qataq so treinta y dos nta'alpi maye naỹa co'ollaxa somaye da yaqto' itauan, ñaq taxaicpi netaigui so lpe'l da nỹomtega'tpi.

2 Samuel 13:28

Nache so Absalón 'enapega co'ollaxa so lamaxashecpi, 'eeta': «Qanauañiitac qome ñi Amnón da nỹomtac lataxa, nache qom ỹoqta taxaic, nache qom qami' shenapegalo da qaualauache, nache qaualauache qome ñimaye. Qaq saishet da qayi'iitac da qauo'oche damaye, cha'aye aỹem ỹamaxasoxonaxac. Qaq ỹoqo'oye qana'añaxache qataq qaua'añaxachiigui ye qarvilli.»

1 Samuel 30:16

Nache so Egipto le'ec ỹauega somaye ye hueta'a so amaleciitapi, qaq somayepi ỹataqta laguelec 'enauac se'eso no'onaxa, deque'etac, nỹomtac qataq ỹo'ottac na la'ashaxac, ntootalec so lhuotaxanaxat nogoxoshetpi maye ỹachegoxotalec ye na'alhua so filisteopi qataq ye na'alhua so Judá le'ecpi.

1 Samuel 25:36

Nache aso Abigaíl co'ollaq ỹe'eguelaq, nache natenalec so Nabal hueta'a so lma' ỹo'ottac so ỹataqta 'onaxaic lquia'axac maye 'eeta'am da lquia'axac ca nta'a. Qaq somaye ỹataqta machiguiñi qataq mashe taxaic, qaq ỹoqo'oye asomaye saishet da da'aqtaxanem nacherata da iuata'aguet so lỹa na'a'q.

Nahúm 1:10

Qaq ỹoqo'oye qoñiita'am qome aca ipogotta't qo'oipaq lepi, qataq ca 'auaqpi deqaqta da nmichiguiñi qome da ỹavic.

Eclesiastés 2:1

Qaq huaña nache aỹem seuennataxaatac nache, sheeta': «Nagui she'eguen da so'ot nam na'ashaxacpi yaqto' sootaigui da no'on achaalataxac.» ¡Qalaxaye nataqa'en damaye qaica ca naigui!

Eclesiastés 7:3

Ỹactec da no'on da noinaxac, qaq saq 'ena'am da naỹalliguiyec, cha'aye damaye ishet da na'axat da nasheguiỹaxac, qalaxaye no'onaxat da nquiyaqteỹaxac.

Eclesiastés 7:5

Ỹactec da no'on da qana'axaỹaxana ca l-laxasoxonaxac cam ỹaanaxanaxaic, qaq saq 'ena'am da qana'axaỹaxaatega da lo'onaxanaxac cam qaica ca ỹaỹaanapec.