Eclesiastés 7:3 - La'aqtaqa Ñim Lo'onatac 'Enauacna 2013

³ Ỹactec da no'on da noinaxac, qaq saq 'ena'am da naỹalliguiyec, cha'aye damaye ishet da na'axat da nasheguiỹaxac, qalaxaye no'onaxat da nquiyaqteỹaxac.

Eclesiastés 7:3 Referans Kwoze

2 Corintios 4:17

Cha'aye naua qanque'eenaxaco nagui de'era qanachaalataxac, naamaye saq 'amaqtache qataq saqaỹaloq da inoxoore'c. Qaq qana'achec da nachenaua naua chegoqchiguilo naqa'en Ñim Lo'onatac 'Enauacna da ỹataqta qomi' nlaxatchiguilo da lta'araic ño'oxoyec maye qaica ca loga't.

Lucas 6:25

¡Ỹataqta qauem da qa'aita'ague qami', maye sa qaviñi ca qolliqui cha'aye qaviyeeguet qome da qauqouache! ¡Ỹataqta qauem da qa'aita'ague qami', maye nagui qauaỹalleguiyiitac, cha'aye qauaỹachiñi qome ca noinaxac qataq da qanayeetaigui ca naquicoxo!

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Salmos 119:71

Qaq aỹem no'onaxat co'ollaxa da huo'o da ñeque'eenaxac, cha'aye nachera da ỹo'ot da sauatto'n naua 'arqataxaco.

Salmos 119:67

Cha'aye co'ollaq saxanaxa da huo'o da ñeque'eenaxac nache qalota na isomaxacpi, qalaxaye nagui, aỹem salaxagueta naua 'ara'aqtaqa.

Eclesiastés 2:2

Huaña nache saỹaten dam naỹalliguiyec da chochaq 'oopashec, qataq dam na'ashaxac ỹataqta qaica ca naigui.

Eclesiastés 7:4

Da lhuennataxac na ỹaanaxanaxaicpi hueta'a cam huaña da nasouaxac, qaq na qaica ca ỹaỹaanapec qalaq ndotec da iuennatega cam huaña da na'ashaxac.