Eclesiastés 7:18 - La'aqtaqa Ñim Lo'onatac 'Enauacna 2013

¹⁸ Qaq no'on qome da 'auaconeguet de'era, na 'arhuaq saishet qome da ỹaxanec damaye. Cha'aye cam huo'o naq 'enec naqa'en Ñim Lo'onatac 'Enauacna, nache no'on da llecỹaxac da inoxonaqchetec 'enauac de'era.

Eclesiastés 7:18 Referans Kwoze

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Lucas 11:42

¡Ỹataqta qauem da qa'aita'ague! Cha'aye ỹataqta lta'araic da qarhuogoqoi da qaỹa'añiỹot Ñim Lo'onatac 'Enauacna añi 'oonole ana diez anam qa'añiguishe maye huo'o ana ala, qataq na menta qataq ana ruda maye qanqache da qauachegoxochiỹalec na qa'anaxanaqa'ai. Qalaxaye qami' saishet da no'on da qarataxaqui da qoñiitaigui na shiỹaxauapi, qataq saishet da qauauochec Ñim Lo'onatac 'Enauacna. Qaỹa'añim Ñim Lo'onatac 'Enauacna añi 'oonole ana diez 'enauac ana qarachetaqtaxanaqche, qalaxaye iuen da saishet da qaỹa'axañiiuec da qarauotaxanaqtaiqui Ñim Lo'onatac 'Enauacna qataq da no'on qarataxaqui.

Lucas 1:50

Ñimaye nache 'eetai' da ỹauotec 'enauac nam ỹo'oxoreetac Ñimaye.

Malaquías 4:2

Qalaxaye qami', maye huo'o naq 'enec qanqa'eñi da ỹe'enaxat, dam no'on ỹataxac qalaq 'eroigui qome, 'eeta'am na le'eraxa añi nala', qaq na le'eraxa qalaq nachetac qome da nca'alaxa. Nache qami' qaparenaxañeetac qome, souaxat da qantonaxaqui, qoñeeta'am ca huaca llalaqpi da parenaxaatague' da chegaqaigui aca laỹe'.

Eclesiastés 11:6

Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Eclesiastés 8:12

Qaq cam 'etaxaloxoic ishet da cien da ỹe'eguelaxalec da ỹo'ot ca qauem, qataq ỹataqta qaỹoqtrec naua vi'iye da nachaalataxac, qalaxaye nataqa'en saỹaten da 'onaxaic da taỹa'ague cam huo'o naq 'enec naqa'en Ñim Lo'onatac 'Enauacna qataq ỹalaxaguet Ñimaye.

Jeremías 32:40

Qataq so'ot ca chochaq tatec ñaỹamaxataxac da ñaỹamaxate' namayepi, qataq sanem da ỹa'aqtac da saishet qome da sha'axaneguet da so'otec ca ỹaỹamaqchiguiñi namayepi, qataq ñelaxatchigui da lhuennataxac da yaqto' Aỹem ỹo'oxoreetac, qataq saishet da Aỹem ca'ai.

Eclesiastés 3:14

Qataq nataqa'en saỹaten da 'enauac nam ỹo'otpi Ñim Lo'onatac 'Enauacna, namayepi chochaq tatec. Qaica ca ishet da qaiqotteneuo, qataq qaica ca ishet da qanqat namayepi, cha'aye Ñim Lo'onatac 'Enauacna, nache lataxac naqa'en, yaqto' nam shiỹaxauapi huo'o naq 'enec naqa'en Ñimaye.

Proverbios 8:20

Aỹem shectegue so nalochiguiñi nqa'aic, qataq da llec naua no'o'n lataxaco.

Eclesiastés 5:7

Qaq ỹoqo'oye da qouetangui 'enauac na qalota maye ỹo'ot da ñi'iỹaxa, qataq na qalota na'aqtacpi, qataq nam qaica ca naigui, qalaq 'am iuen da 'auachaxana da huo'o naq 'enec 'anqa'en Ñim Lo'onatac 'Enauacna.

Eclesiastés 8:13

Qalaxaye nam qauemaicpi qalaq qauem da taỹa'ague, qataq sa qaỹa'ague da nachaalataxac, 'eeta'am na paqal, cha'aye saishet da ỹalaxaguet Ñim Lo'onatac 'Enauacna.

Proverbios 12:21

Ca ỹale no'on da lataxac qalaq saishet da nque'eteetapigui na qauemsat, qaq ca qauemaic qalaq talec 'enauac na sa ỹaỹamaxañesat.