Eclesiastés 7:13 - La'aqtaqa Ñim Lo'onatac 'Enauacna 2013

¹³ Ñaq 'aumeten nam ỹo'ot co'ollaxa Ñim Lo'onatac 'Enauacna: qaq ¿negue't cam ishet da nlaxanec cam namaxagui naqa'en Ñimaye?

Eclesiastés 7:13 Referans Kwoze

Eclesiastés 1:15

¡Cam namaxagui saishet da qanlaxanec, qataq saishet da qanaloqteneuo cam qaica!

Da na'aqtaguec so Job 12:14

Ca nlaxaañi Ñimaye, nache qaica ca ishet da no'oxoosheguem, nache 'ena'am da huo'o ca ỹapoua'a, nache qaica ca ishet da ỹauateua'a.

Isaías 5:12

Nam la'ashaxacpi qalaq nda'a't ana nviquepi arpapi, salteriopi, qataquipi, qataq ana nasheerepi qataq na lataxa, qalaxaye saishet da ila'a nam ỹo'otpi Ñim Nataxala', qataq saishet da iuennata'a nam lo'onatacpi Ñimaye.

Eclesiastés 3:11

Ñimaye co'ollaq ỹo'ot namayepi, nache 'enauac da 'onaxaic naqa'en, qataq ỹachaigui ye lhuennataxa ca shiỹaxaua da ỹaỹaten nam chochaq tatec, na'aictoxo' da ca shiỹaxaua saivi' da ỹaỹaten nam ỹo'otpi co'ollaxa Ñim Lo'onatac 'Enauacna, qataq cam ñaq taỹa'a da ỹo'ot.

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Isaías 14:27

Ñim Nataxala' maye Qaica ca Ỹaqalanapec mashe lhuennataxac de'era, nache qaica ca ishet da dataỹa'aguet. Na lhuaq mashe huo'o da larenaxanaxac, nache qaica ca ishet da naralaxat da lhuennataxac Ñimaye.

Salmos 107:43

Qaq cam ỹaanaxanaxaic qalaq ỹaỹamaxattec de'era, nache ỹaỹaten qome da lauotaxanaqtaic Ñim Nataxala'.

Romanos 9:19

Da huo'otaq huo'o ca aỹem 'enapega da 'eeta': «¿Negue't ca ishet da qomi' nmaxaleguete da qarasouaxashet Ñim Lo'onatac 'Enauacna, ye qaica ca ishet da dataỹa'aguet ca maiche 'eetapeguec Ñimaye?»,

Romanos 9:15

Cha'aye Ñim Lo'onatac 'Enauacna co'ollaq 'eetega so Moisés, qalaq 'eeta': «Aỹem sechoxoren cam taalec da sechoxoren.»

Isaías 43:13

Qaq Aỹem, nache 'eetai' da Aỹem Atamnaxala'. Qaq qaica ca ishet da naneltaxaneguet da ihuaqỹaxac. Qataq qaica ca ishet da nlaxaañi cam so'ot.»

Da na'aqtaguec so Job 37:14

Qaq 'avi'iiguet 'am Job, ñaq 'ana'axaỹaxan, qataq 'aumeten da llo'oxoyec Ñim Lo'onatac 'Enauacna.

Daniel 4:35

Nam huetalec ana 'alhua qalaq qaica ca la'amaqchec da nachatto'ot Ñimaye, qataq Ñimaye da huo'o ye ỹo'ot qalaq maiche ca ỹataxaateuga, nam hueto'ot na piguem qataq nam huetalec ana 'alhua. Qataq qaica ca ishet da dataỹa'aguet da la'añaxac, qataq da ichemaxattac nam ỹo'otpi Ñimaye.

Salmos 8:3

Qaq naxa da semeteetac na piguem maye 'aro'onatac, qataq so ca'agoxoic qataq ana huaqaañipi maye 'aỹa'ano'ot co'ollaxa na piguem,

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Da na'aqtaguec so Job 11:10

Qaq da huo'otaq anac Ñim Lo'onatac 'Enauacna, nache huo'o ca ỹaconeua'a da icoñi', nache da huo'otaq deỹaxaasop da qanmit, qaq, ¿negue't ca ishet da npaxata'aguet Ñimaye?

Da na'aqtaguec so Job 9:12

qataq da huo'o ca ỹacona da ỹauo'o lalamaxat, qalaq ¿negue'tom ca ishet da ñe'eguelaxaala't? Cha'aye negue'tom ca ishet da ichemaxata ca ỹo'ot Ñimaye.

Eclesiastés 8:17

Qataq sela'a da ca shiỹaxaua saishet da ỹauatton 'enauac nam huetalec ana 'alhua maye ỹo'otpi co'ollaxa Ñim Lo'onatac 'Enauacna. Qaq na'aictaxa da lta'araic da na'añaxataxac camaye da yaqto' ỹanata ca naigui, qalaxaye saishet da ỹanata; qataq na'aictaxa da ca ỹaanaxanaxaic 'eetega ỹaỹaten, qalaxaye nataqa'en saishet da ivi' da ỹaỹaten.

Lucas 12:26

Cha'aye da huo'otaq saishet da qauañoxoche de'era, qaq ¿taloxocheyectoxo' da qami' ỹaquicoqchetta'ape 'enauac nam laỹepi?