Eclesiastés 7:12 - La'aqtaqa Ñim Lo'onatac 'Enauacna 2013

¹² Cha'aye da naỹaanec qataq aca anom, 'eeta'am aca npaqtaxanaqte, qalaxaye da naỹaanec ỹactec da naigui, cha'aye ỹami' da lca'alaxa cam hueto'ot damaye.

Eclesiastés 7:12 Referans Kwoze

Proverbios 8:35

Cha'aye ca aỹem ỹanata qalaq ỹanata da lca'alaxa, qataq ỹaconeguet da lchoxonnataxanaxa Ñim Nataxala',

Proverbios 3:18

Da naỹaanec chegaqaigui da nachaalataxac cam ỹaconeguet, qaq ỹataqta machiguiñi cam ỹaỹamaxattec damaye.

Proverbios 2:7

Ñimaye itauan qataq ntela'a ca ỹaỹamaqchiguiñi da lataxac qataq ca qaica ca ỹasouaxat,

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Juan 12:50

Qaq Aỹem saỹaten da lamaxasoxonaxac Ñim Ita'a, damaye chegaqaigui da nca'alaxa maye chochaq tatec. Qaq 'era da 'eetec da cam ñasaxauec qalaq nacheca ca Aỹem ỹamaxalec Ñim Ita'a.

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Jueces 9:15

Qalaxaye asa'aso ỹaxat 'enapego' aso qo'oipaqpi, 'eeta': Da ỹoqta 'eesa da qauauoitaique da aỹem qarta'ai, nache qauanaqui da qoviỹo'ot na ipaqal. Qalaxaye da saishet da aỹem qaualaqaiguet, huaña qome nache aỹem chegaqaigui ca norec, maye ỹavigaxat 'enauac aye cedropi maye huaña ye Líbano.

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Isaías 33:6

Ñimaye nacheñi ñim npaxattalec 'enauaque naua na'axa'tesa'ache. Da naỹaanec qataq da nauattonaxanaxac nachera da lsallaxa qataq lca'alaxaqui, qataq da ỹalaxaguet Ñim Nataxala' nachera dam lsallaxa.

Isaías 32:2

Ñim 'oonolec camayepi qalaq 'eeta'am qome ca ñe'eguenaxaqui da huo'o ca la'at, qataq npaqtaxanaxat da huo'o ca la'at lta'araic, qataq 'eeta'am na la'auaxacpi da icorelec na 'etaxat ca deqaqta 'alhua, qataq 'eeta'am na lpaqal aca late'erai coma' maye naña ca toolec 'alhua.

Proverbios 9:11

Aỹem 'am sanem da logoraic da 'anachaalataxac, qataq da qaỹoqtrec naua vi'iye da 'anachaalataxac.

Proverbios 2:11

Da ntelaqchec 'am ntela'a qataq da naỹaanataxanaxac 'am npaxattalec.

Salmos 57:1

¡Ñaq aỹem 'auchoxoren qome 'Am Ñatamnaxala', ñaq aỹem 'auchoxoren qome! Cha'aye nache 'amta da 'am sepe'etega, aỹem she'eguenot qome na lpaqal naua 'araua't, choche ivitta'a da inoxonec na lchecpi.

Da na'aqtaguec so Job 1:10

Cha'aye 'Am ỹataqta sa 'auashen da huo'o ca ipoteua'a ñimaye, qataq na llalaqpi, qataq 'enauac nam hueto'otpi na'atetpi. Qataq ỹataqta 'auchoxonnec 'enauac na ỹo'otpi, qaq ỹoqo'oye ñimaye ỹataqta napacalec da lsallaxa 'enauac na netalec yi'iye 'alhua.

Deuteronómio 32:47

Cha'aye saishet da chocheyetto ne'ena na'aqtacpi, ne'ena nqataxac namaye nca'alaxa, cha'aye chegoqchigui da logoraic da qanachaalataxaqui da qoñiitalec yi'iye 'alhua maye hua'ategue da le'ego ye tala Jordán, maye qaralamaxache qome.»

Isaías 30:2

Qataq namayepi saishet da aỹem inattac, nacherata da sanaỹaloxon da taỹa ye Egipto, da dequiguiỹo'ot ñi Faraón da npaxaalec namayepi, qataq nache deuaqtacot na lpaqal ye Egipto.

Proverbios 14:20

Ca choxoraq qalaq ivira'a na nauochaxauapi da ỹaỹemec camaye, qaq ca sallaxanec qalaq qalota na nauochaxauapi.

Eclesiastés 2:13

Qaq huaña, nache sela'a da ỹataqta huo'o da qaỹachegoxotaigui da naỹaanec, qaq saq 'ena'am da qaica ca qaỹaỹaanapec, 'eeta'am nam yo'oqchiguiñi da huo'o na qaỹachegoxotaigui, qaq saq 'ena'am na napalaxa.

Eclesiastés 7:19

Dam naỹaanec ỹa'añaqchet cam ỹaanaxanaxaic, napacalec cam diez 'añaxaicpi nta'alpi maye hueta'a cam huaqta'a't nỹecpi.

Eclesiastés 9:16

Qaq ỹoqo'oye aỹem shenapec da «ỹataqta ỹactec da 'onaxaic da naỹaanec, qaq saq 'ena'am da na'añaxac», na'aictoxo' da qaỹo'otan ca laỹaanec ca choxoraq, qataq da saishet da qana'axaỹaxanalo naua la'aqtaqa.

Eclesiastés 9:18

Ỹactec da 'onaxaic da naỹaanec, qaq saq 'ena'am cam no'ogoxonaxatpi da huo'o ye alaataxac. Qalaxaye da huo'o ca 'oonolec nsomaxac nache nlaxaañi cam qalota nogoxoshetpi.

Eclesiastés 10:19

Qaq cam nallec ỹo'ot da namaicỹaxac, qaq nam lataxa qalaq ỹo'ot da tonaxac. Qalaxaye 'enauac de'era iuen aca anom.