Eclesiastés 7:11 - La'aqtaqa Ñim Lo'onatac 'Enauacna 2013

¹¹ Da naỹaanec ỹataqta 'onaxaic qataq ỹaỹamaxaañi nam netalec ana 'alhua da nnaictague' nataqa'en dam nsallaxa.

Eclesiastés 7:11 Referans Kwoze

Eclesiastés 11:7

¡Ỹataqta saq no'onolec na yo'oqchiguiñi, qataq ỹataqta 'onaxaic da qaỹamato'ot añi nala'!

Eclesiastés 2:13

Qaq huaña, nache sela'a da ỹataqta huo'o da qaỹachegoxotaigui da naỹaanec, qaq saq 'ena'am da qaica ca qaỹaỹaanapec, 'eeta'am nam yo'oqchiguiñi da huo'o na qaỹachegoxotaigui, qaq saq 'ena'am na napalaxa.

Eclesiastés 7:10

Saishet qome da 'aunataxaatac da ta'ainco' soua hua'au vi'iye da ỹactec da 'onaxaiqa, cha'aye de'era nnataxanaxac saishet da huetaigui ca naỹaanec.

Da na'aqtaguec so Job 28:12

Qalaxaye ¿hua'ago' ca hueta'ague de'era naỹaanec? Qataq ¿hua'ago' ca huetaña de'era ỹo'ot da qaica ca qanqalaate'?

Salmos 119:72

Cha'aye aỹem, ỹactec ñaqa'en da no'o'n naua 'arqataxaco, qaq napacalec aca qalota anom oro qataq plata.

Proverbios 3:14

cha'aye damaye napacalec da lashiichiỹaxac aca lcat plata, qataq napacalec da lashiichiỹaxac ca oro.

Proverbios 3:15

Da naỹaanec napacalec da lashiichiỹaxac ca ỹataqta 'onaxaic coma', qataq napacalec ca ỹataqta qanqopita, cha'aye saishet da ivi' da lyacỹaxac da qanaloqneguet damaye.

Proverbios 14:24

Da laỹaanec ca ỹaanaxanaxaic nachera da ỹo'ot da llo'oxoyec, qaq ca qaica ca ỹaỹaanapec qalaq laueguec da no'oopashaxac.