Eclesiastés 6:6 - La'aqtaqa Ñim Lo'onatac 'Enauacna 2013

⁶ maye ishet da ivi' caua dos mil vi'iye da nachaalataxac, qalaxaye saishet da nque'etaxaachigui na no'on logoxoshetpi. ¿Qaq peta'a saq 'oonoleco' yem taỹa'a 'enauac nam shiỹaxauapi?

Eclesiastés 6:6 Referans Kwoze

Eclesiastés 3:20

qataq 'enauac da 'oonolec yem taỹa'a, cha'aye co'ollaq qaỹo'ot namayepi, nache qaỹachegoxotaigui na 'alhua, qaq 'enauac da ỹe'eguelaqtoigui qome ana 'alhua.

Hebreos 9:27

'Enauac da shenaqta 'oonolec da seleuaq, ime, nache nvi' ca nmitaguec 'enauacna.

Da na'aqtaguec so Job 30:23

Qaq aỹem saỹateeta da 'anshetaique da aỹem 'auasaxangui aca huachiqui, añim loga't 'enauac na huo'o da lca'alaxa.

Jeremías 17:6

Qaq camaye, 'eeta'am aca qo'oipaqole ỹaxataxarai maye huetalec ca toolec 'alhua, da saỹauano' da qailo'ogue, qataq ñaxattaigui na coma', qataq na 'alhua maye 'euaxaic maye qaica ca netalec.

Isaías 65:22

Qaq saishet qome da choche ỹo'ot na lma'pi da yaqto' anac ca ỹaqa'a da naigui, huo'otaq da danaxan nache anac ca lỹa shiỹaxaua da chec na ala ca lañiguishec. Na ỹalamaxat nhuo' le'ecpi qaỹoqtec qome da nachaalataxac, 'eeta'am aca qo'oipaq, qaq nam lleca'aguishecpi qalaq nque'etaxaachigui qome da naigui da lo'onataxanaxac naua lhuaxaye.

Isaías 65:20

Qaq saishet qome da huaña yemaye da ileu ca nogotolec maye saxanaxa da qaỹa'aguelo naua na'axa'te da nachaalataxac, qataq ca ỹa'axaiquipi da huo'otaq saxanaxa da ivita ca laloqo' da nachaalataxac. Cha'aye ca ileu da ivi' caua cien vi'iye, nache 'eco' ña nsoqolec da ileu, qaq ca saxanaxa da ivi' caua cien vi'iye da ileu, nache camaye huetalec da qauem.

Eclesiastés 12:7

Cha'aye qom ime de'era, nache nam lsoche na 'alhua, ỹe'eguelaxaigui ana 'alhua, 'eeta'am da 'eetec co'ollaxa, qaq som saqcha'a nca'alaxa ỹe'egueloqot Ñim Lo'onatac 'Enauacna, maye ỹan co'ollaxa.

Eclesiastés 6:3

Ca ỹale ishet da ivi' cien ca llalaqpi, qataq qaỹoqtrec naua vi'iye da nachaalataxac, qaq na'aictoxo' da qaỹoqtec da nachaalataxac, qalaxaye da saishet da nque'etaxaachigui da no'on, qataq da saishet da qaỹaỹamaxatchiguiñi aca nhuachiqui, qaq aỹem shenapec da cam nogotolec maye nleuauec da ñeguiñi ỹactec ñaqa'en da ỹaỹamaqchiguiñi, qaq saq 'ena'am que'eca shiỹaxaua.

Salmos 34:12

Ca nshetaique da ỹauotec da nachaalataxac, qataq machiguiñi da huetaiguilo naua na'axa'te,

Da na'aqtaguec so Job 7:7

'Am Ñatamnaxala', 'auennata'a qome, da de'era ñachaalataxac da 'eeta'ama naua na'a'che da qanauecta'ape. Nache naua ỹa'ai'te sa lỹa da ỹauachiguilo ca ỹaỹamaqchiguiñi.

Da na'aqtaguec so Job 1:21

Nache, 'eeta': «Sootauec co'ollaq ñanaỹa ana 'alhua, qaq nataqa'en sootauec qom sheca'ai. Ñim Nataxala' aỹem ỹanem 'enauac na aỹem hueto'otpi, qaq Ñimaye ipactegue da ỹacona 'enauac na aỹem hueto'ot. ¡Qalaxaye nache 'eetai' qome da sho'oxoreetac da le'enaxat Ñimaye!»

Génesis 5:5

qaq da ima'a't soua vi'iye da nachaalataxac somaye, nache ivi' soua novecientos treinta vi'iye. Qaq huaña, nache ileu.

Eclesiastés 2:14

Cam ỹaanaxanaxaic ỹataqta nlotauec, qaq ca qaica ca ỹaỹaanapec qalaq quetagui na napalaxa. Qalaxaye nataqa'en saỹaten da 'enauac da 'oonolec ye iuatta'aguet laloqo'.

Eclesiastés 6:5

qataq na'aictaxa da sa ivira da ila'a añi nala', qataq da huo'o ca ỹaỹaten, qalaxaye camaye ỹactec da ỹaỹamaqchiguiñi da nmataxac, saq 'ena'am cam shiỹaxaua

Eclesiastés 7:2

Ỹactec da no'on da qotaỹa ca hueta'a ca leuaxaic, qaq saq 'ena'am da qotaỹa ca huaña ca na'ashaxac; cha'aye da nleuaxa nachera dam loga't 'enauac nam shiỹaxauapi, qaq iuen da iuennata'a damaye nam nca'altauecpi.

Eclesiastés 9:2

Qaq 'enauac namayepi 'eeta'a't da 'oonolec ye taỹa'a loga't: na no'on da lataxac qataq na qauem da lataxac, na soxoraic qataq na qauemaic, nam qui'itta qataq na nshepaxan, nam ỹaatac ana lachetaqtaxanaqte, qataq na saishet da ỹan ana lachetaqtaxanaqte, qataq nache 'ena'am cam soxoraic qataq cam 'etaxaloxoic, qataq cam ỹan ca la'aqtac, qataq cam saishet da ỹan.