Eclesiastés 6:3 - La'aqtaqa Ñim Lo'onatac 'Enauacna 2013

³ Ca ỹale ishet da ivi' cien ca llalaqpi, qataq qaỹoqtrec naua vi'iye da nachaalataxac, qaq na'aictoxo' da qaỹoqtec da nachaalataxac, qalaxaye da saishet da nque'etaxaachigui da no'on, qataq da saishet da qaỹaỹamaxatchiguiñi aca nhuachiqui, qaq aỹem shenapec da cam nogotolec maye nleuauec da ñeguiñi ỹactec ñaqa'en da ỹaỹamaqchiguiñi, qaq saq 'ena'am que'eca shiỹaxaua.

Eclesiastés 6:3 Referans Kwoze

Da na'aqtaguec so Job 3:16

¿Ta'ainco' co'ollaxa da saq aỹem qoỹoxooñi, da sheeta'am ca nogotolec nsollañi, huo'otaq da sheeta'am ca nogotolec maye ileu da ñiguiñi?

Jeremías 22:19

'Am qaỹauogonnauga qome na pa'auec ye Jerusalén, nache 'am qailareñi qome qoneta'am ca 'ashena.»

Eclesiastés 4:3

Qalaxaye sela'a da nam ỹataqta machiguiñi, nachena nam saxanaxa da ñeguiñi, cha'aye namayepi saxanaxa da ilogui nam qauemsat, maye qaỹo'ottac ana'ana 'alhua.

2 Reyes 9:35

Qalaxaye co'ollaq qanqo'oneuga asomaye da yaqto' qailareñi, nache ndotec so lqaic lpi'inec, qataq soua lapia'ate, qataq soua lhuaq lavi'illi da qailaleguete co'ollaxa.

Génesis 47:9

Nache so Jacob 'enapeco': «Qomye mashe sevi' naua ciento treinta vi'iye da choche secoleetac. Qaq saq 'amaqta'q qataq qauema soua vi'iye maye sootaiguilo, qaq saxanaxa da sevi' soua vi'iye maye ivi' co'ollaxa da nachaalataxac som hua'au ita'alpi.»

Mateo 26:24

Ana nere maye huetalec na la'aqtacpi Ñim Lo'onatac 'Enauacna ỹataqta ỹataqtegue da la'aqtaxanaxac da ỹa'axattac Aỹem maye Aỹem Shiỹaxaua Llalec da iuen da seleu. Qalaxaye ỹataqta qauem da talec qome ñim Aỹem ỹaneuo. ¡Ỹataqta 'onaxaictoxo' co'ollaxa da saishet da nañiguiñi ñimaye!

Jeremías 36:30

Qaq ỹoqo'oye aỹem Nataxala', 'am shenapega 'am Joaquím maye 'am nta'a na Judá, na 'am chegoxoguetpi qaica qome ca nso'ongui añi nso'onaxaqui so David. Da 'aro'ocỹaxac qalaq hueta'aguet qome na ntap ye na'a'q, qataq ana aloñi ye pe,

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Proverbios 17:6

Na llo'oxoret ca ỹa'axaiquiolec qalaq nachena na laualpi, qaq da ỹo'ot da llo'oxoyec na ñalaqpi, qalaq nachesoua soua lta'al.

Salmos 58:8

Nache nlaguiñi 'eeta'am ana nashiỹo da nlaguiñi na lsallaxataxa. Qataq 'eeta'am na nogotolec da nsollañi, nache saishet da nauane' da ilogui na yo'oqchiguiñi.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Ester 5:11

nache da'aqtaxaateguema soomaye da lta'araic lsallaxa, qataq so qalota llalaqpi, qataq da 'eetec da so nta'a ỹataqta huo'o naqa'en da la'amaqchec, qataq da llo'oxonnatac somaye, napacalec som laỹepi nta'alpi qataq som do'onataxaatacot so nta'a.

2 Crónicas 11:21

Qaq so Roboán, dieciocho aso lhuapi, qataq sesenta aso ỹaqauga lhuapi, qalaxaye somaye ỹataqta ỹauotec aso Macá, saishet da 'eeta'am da lauoche aso laỹepi lhuapi. Qaq somaye ivi' veintiocho so llalaqpi ỹalleppi qataq sesenta aso llalepi.

1 Crónicas 28:5

Qaq nagui, nam qalota ỹalaqpi maye aỹem ỹanem co'ollaxa Ñim Nataxala', nache ỹachegoxottoigui da lca'aua'a so ỹalec Salomón, da yaqto' nso'ongui añi so'onaxaqui da ỹo'ot da lo'onataxanaxac Ñim Nataxala' da ilo'ogue na Israel le'ecpi.

2 Reyes 10:1

So Ajab, ivi' setenta so llalaqpi netaña ye Samaria, qaq ỹoqo'oye so Jehú ỹo'ot co'ollaxa aso lerepi da ỹamaxa ye Samaria, taỹa'a som ỹoqta nataxala'pi ye Jezrel, qataq so nqueroxonecpi, qataq som ilotague'pi som llalaqpi so Ajab, nache 'eeta':

Génesis 33:5

Qaq ime co'ollaxa, nache so Esaú ỹamataigui so 'alpi, qataq so ñaqpiolec, nache denataxan, 'eeta': «Qaq ne'enapi ¿negue'tna?» Nache so Jacob 'enapeco': «Qomye nachena na llalaqpi nam 'aramaxashec maye Ñim Lo'onatac 'Enauacna ỹanem namaye.»

Eclesiastés 6:4

Cha'aye na'aictoxo' da que'eca nogotolec imauec da deqat, huaigui na napalaxa maye huaigui da qaicoua'ai da le'enaxat,

Da na'aqtaguec so Job 3:11

¿Ta'ainco' ye sa seleuaiguio' co'ollaxa na lauel aso ỹate'e, ta'ainco' da sa seleu co'ollaq choche sañiguiñi?