Eclesiastés 6:2 - La'aqtaqa Ñim Lo'onatac 'Enauacna 2013

² Da Ñim Lo'onatac 'Enauacna, huo'o na ỹanem da qalota lsallaxa qaltaq da llo'oxoyec, nache ỹataqta qaica ca iueetaique, qalaxaye Ñimaye saishet da ỹanem da nque'etaxaachigui 'enauac namayepi, nacherata da nque'etaxaachigui naqa'en namayepi ca lỹa shiỹaxaua. ¡Qaq damaye nataqa'en qaica ca naigui!

Eclesiastés 6:2 Referans Kwoze

Eclesiastés 5:19

Qaq nache 'ena'am, 'enauac nam shiỹaxauapi maye Ñim Lo'onatac 'Enauacna ỹanem na qalota logoxoshetpi qataq da lsallaxa, nataqa'en ỹanem namayepi da ishet da deque'etac, qataq ỹacootalec nam qoỹanem da lalamaxat, cha'aye da qantootapeguec nam qalota maye chegaqaigui da lta'araic no'onataxanaxac, damaye chegoqo'ot Ñim Lo'onatac 'Enauacna.

Salmos 17:14

'Aurolec qome da 'ara'añaxac, 'Am Nataxala' da aỹem 'anca'alaxateeguesop namayepi, qataq ca'ai 'anqa'en ana'ana 'alhua maye nhuanaua'a de'era nachaalataxac. Ỹoqo'oye 'aua'axaỹa'a qome namayepi da yaqto' qalota da lsallaxa, qataq da ỹataqta icoma' na llalaqpi da deque'etac, qataq da ivirauga 'anqa'en da lquia'axac ca laualpi.

Salmos 73:7

Naua la'ai'te qalaq npoqtrec souaxat da chaxaraicpi, da lashiguiỹaxac qalaq yo'oqta na qauem lhuennataxacpi.

1 Reyes 3:13

Qaq nataqa'en 'am sanem qome nam saishet da 'auỹaxanaique, dam nsallaxa qataq da ño'oxoyec, qaq nache qaica qome ca lỹa nta'a da 'am 'eeta'am.

Lamentaciones 5:2

'Enauac nam qaralamaxat co'ollaxa nagui hueto'ot na chegaqauec shiỹaxauapi, qataq na qarma'pi co'ollaxa, nagui netaigui na chegaqauecpi.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Oseas 7:9

Nache na chegaqauec shiỹaxauapi nquicta'a't naqa'en da la'añaxac namayepi, qaq namayepi sa nanoma de'era. Qataq ivira'a na laue da ỹapagaq qalaq sa nanoma damaye.

Daniel 5:18

«Ñim Lo'onatac 'Enauacna maye nataỹaña 'enauacna, ỹanem co'ollaxa da la'amaqchec, llo'oxoyec qataq da 'enec, so nta'a Nabucodonosor, som 'arta'a.

Eclesiastés 5:16

Qaq damaye ỹataqta 'eesa da qauem, cha'aye dam 'eetec co'ollaq nvita ana 'alhua, qaq nache 'eetec nataqa'en qom jec. Qaq ¿negue't cam ỹachegoxotaigui dam lta'araic lo'onataxanaxac?

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

2 Crónicas 1:11

Nache Ñim Lo'onatac 'Enauacna ỹasateguet so Salomón, 'eeta': «Qaq cha'aye maiche 'arquiyaqteỹaxac de'era, qaq saishet da 'auỹaxanaique cam 'arsallaxa, qataq ca qalota 'ogoxoshetpi, qataq ca 'ara'amaqchec, qataq ca l-leuaxa na 'ampa'aguenaxauapi, qataq da qaỹoqtec da 'anachaalataxac, nacherata da 'auỹaxanaique ca 'araỹaanec qataq ca 'arauattonaxanaxac da yaqto' ishet da 'alo'ogue ne'ena ỹalamaxat nhuo' le'ecpi, maye 'am sanem da 'am lta'a,

1 Crónicas 29:28

Qaq somaye co'ollaq ileu, qalaq no'oita da lqueroxo qataq qaỹoqtrec soua vi'iye da nachaalataxac, qataq ỹataqta sallaxanec qataq huo'o da llo'oxoyec. Qaq da lo'onataxanaxac da nta'a, nache talec so llalec Salomón.

1 Crónicas 29:25

Qaq Ñim Nataxala' ỹanem da ỹataqta lta'araic da la'amaqchec so Salomón, da ỹalectaigui so Israel le'ecpi qataq ỹanem da ỹataqta lta'araic da llo'oxoyec da lo'onataxanaxac, nache qaica ca 'eeta'am som hua'au co'ollaxa nta'alpi ye Israel.

Jueces 18:10

Qom qavichiỹa yemaye, nache qauloỹalec ye shiỹaxauapi da qaica ca ndaqtaique, qataq ỹataqta qalochiguiñi ye na'alhua, nache qaica ca iueetaique. Qaq Ñim Lo'onatac 'Enauacna qomi' ỹanema qome yemaye da sonaqalec.

Deuteronómio 28:43

Qaq ca chegaqauecpi maye netaña que'eca 'ana'alhua qalaq ỹataqta nquictauec da 'añaxaicpi, qaq 'am qalaq nquictañi da 'ara'añaxac.

Deuteronómio 28:33

Qaq na ala ca 'añiguishecpi maye ñaxaalec que'eca 'ana'alhua maye chegaqaigui da 'aro'onataxanaxac, camaye chec qome na chegaqauecpi shiỹaxauapi. Nache ỹataqta huo'o da 'anque'eenaxac qataq saishet da 'am qaiyacnapec 'enauaque naua na'axa'te.

Eclesiastés 5:13

Qataq huo'o da sela'a ỹataqta qauem maye huetalec ana 'ana 'alhua, qaq damaye, 'eeta': da qalaỹootasheguem da nsallaxa damaye na'aqchet ñim hueto'ot damaye,

Isaías 55:2

¿Ta'ainco' da qaỹa'añeeuec ana qo'omi da nmeneguet qanqa'eñi cam saishet da qanallec? ¿Ta'ainco' da qaỹa'añeeuec ana lasheue da qaro'onataxanaxaqui da nmeneguet qanqa'eñi cam saishet qami' icomaraqche't? Ñaq Aỹem qana'axaỹaxañiỹa yaqto' qolliqui qome ca no'on nallec, qataq cam nallec maye ỹataqta no'on da lamaic.

Eclesiastés 5:18

Qaq dam sela'a maye ỹoqta ỹaỹamaqchiguiñi da qaỹo'ot damaye, 'eeta': sequia'aqtac qataq ñeỹomaqtac, ñeque'etaxanaqchigui dam alaỹaxac dam qalota qaro'onataxanaxac ana'ana 'alhua, da ñaq huo'o dam saqaloc qanachaalataxac maye qomi' ỹanema Ñim Lo'onatac 'Enauacna, cha'aye nachera dam qomi' qoỹanema.