Eclesiastés 6:12 - La'aqtaqa Ñim Lo'onatac 'Enauacna 2013

¹² Qaq 'eesa da, ¿negue't ca ỹaỹaten cam ỹaỹamaxareeta ca ỹale da ñaq huo'o dam saqaỹauec qataq qaica ca naigui nachaalataxac maye 'eeta'am da lataxac ca paqal? Qataq ¿negue't cam ishet da da'aqtaxanem cam taỹa'a camaye qom mashe ileu?

Eclesiastés 6:12 Referans Kwoze

Santiago 4:14

¿Ta'ainco' da nache 'eetec da qartaxaỹaxaqui ye saq qauaỹaañi ca huaigui ca lỹa na'a'q? Cha'aye da qanachaalataxaqui 'eeta'am na sheue: da cara'acolec huo'o, qaỹata'ague qataq qaica.

Eclesiastés 3:22

Qaq aỹem sela'a da qaica ca lỹa no'on da ỹo'ot ca shiỹaxaua, nacherata da ntootapeguec dam lo'onataxanaxac, cha'aye nachera dam nsheetenaguec, cha'aye qaica ca ishet da qaltaq ñe'eguelaxat da yaqto' imeten nam dalaxaicpi maye taỹa'a da huo'o, qom mashe ime da ileu camaye.

Da na'aqtaguec so Job 14:2

Camaye 'eeta'am aca lauoxo da dasovi, ime nache deqaqa, 'eeta'am na lpaqal da taỹa'a da pal.

Salmos 144:4

Cha'aye ca shiỹaxaua 'eeta'am da 'oonolec qancosaueegue na na'at, da nachaalataxac qalaq sa ilaua'ague 'eeta'am ca lpaqal.

Eclesiastés 8:13

Qalaxaye nam qauemaicpi qalaq qauem da taỹa'ague, qataq sa qaỹa'ague da nachaalataxac, 'eeta'am na paqal, cha'aye saishet da ỹalaxaguet Ñim Lo'onatac 'Enauacna.

Eclesiastés 8:7

da camaye saỹaỹaten cam ishet da ivireguet, qataq qaica ca ishet da ivitaqna'aguet camaye.

Da na'aqtaguec so Job 8:9

Qomi' ñaq cheta'ague da qomi' huo'oi so lỹa na'a'q, qataq qaica ca saỹaanaqpec, naua qana'axa'te da souaqtalec ana 'alhua qalaq 'eeta'am na lpaqal da taỹa'a da pal.

1 Crónicas 29:15

Cha'aye da 'am souaqto'ot, nache shenaqta'am cam chegaqauecpi da sa qaỹaloq da jec, 'eeta'am som hua'au qarta'alpi, qataq da qanachaalataxac da souaqtalec ana 'alhua, 'eeta'am ca lpaqal maye saq 'eetai'.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Eclesiastés 9:6

Qaq nataqa'en imeuo da lauotaxanaqtaic, qataq dam lquiỹaxanaqtaic, qataq da lsheguenataxanaxac, qataq nache tachiguiña da ỹalectapegueua'a 'enauac nam qaỹo'otpi ana'ana 'alhua.

Eclesiastés 2:3

Qataq so'ogoxona da ñetoonaxac qataq da ỹaỹaanec da she'eguen da lamaicỹaxac na lataxa, qataq ỹataqta ñañaneguet namaye da yaqto' saỹaten da nachera dam ỹaỹamaqchiguiñi da ỹo'ottac ca ỹale da ñaq huo'o da nachaalataxac da netalec ana 'alhua.

Salmos 109:23

Qataq sheeta'am ca lpaqal da nquicta'a da pal, qataq aỹem ỹache na la'at sheeta'am aca shiiquioxoi.

Salmos 102:11

Da ñachaalataxac 'eeta'am na lpaqal da jec, qataq 'eeta'am aca huoue da nquicta'a da deqaqa.

Salmos 17:15

Qalaxaye aỹem, qom saỹaten da qaica ca sasouaxat nache samachiguiñi da selogui da 'arashiguiỹaxac, na'aictaxa da choche 'am samato'ot da ñelouec.

Salmos 4:6

Qalota na 'eeta': «¿Negue'tom ca qomi' ỹachaxanalo ca ỹaỹamaqchiguiñi?» 'Am Nataxala', ñaq 'ano'onaxat qome da 'armeenaxanaxac da qomi' 'anamata'alo.

Da na'aqtaguec so Job 14:21

Qaq da huo'o da ño'oxonnataguec ca llalaqpi, qalaq camaye saishet da ỹaỹaten, qataq da huo'o da ne'enaguec, ca llalaqpi qalaq saishet da nanoma,

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Salmos 89:47

Ña 'auennata'a taxa da ỹataqta saqaỹauec da ñachaalataxac, qalaq ¿ta'ainco' co'ollaxa da 'auo'ot na shiỹaxauapi?

Salmos 47:4

Ñimaye iqataxanai' co'ollaxa yem ỹauotaique da qaralamaxat, maye ỹo'ot da llo'oxoyec so Jacob, som lauotaxat Ñimaye.

Salmos 16:5

'Am Nataxala', nache 'amta da aỹem qoueta'aguet, cha'aye nache 'amta da aỹem 'aỹa'anem da 'archoxonnataxanaxa, da ñachaalataxac qalaq nache huetaiguilo naua 'arhua'q.

Eclesiastés 2:24

Qaq dam ỹaỹamaqchiguiñi maye ishet da ỹo'ot cam ỹale, damaye, 'eeta': deque'etac, qataq nỹomtac, qataq nque'etaxaachigui da alaỹaxac da lo'onataxanaxac, cha'aye selalec da nataqa'en damaye, chegoqo'ot Ñim Lo'onatac 'Enauacna.

Eclesiastés 6:11

Qaq huo'o da ỹataqta 'eesa maye, 'eeta': cam huaña da ỹaguec da ntaxaỹaxac, nache huaña nataqa'en da huo'o na na'aqtacpi maye qaica ca naigui, qaq damaye qaica ca qaỹachegoxotaigui.

Eclesiastés 7:15

Qaq huaigui dam qaica ca naigui ñachaalataxac da sauaachigui 'enauac ne'enapi, da nam soxoraic shiỹaxauapi nataqa'en ileu, na'aictaxa da nlaqchigui da lsoxoyec, qaq nam qauemaicpi, qalaq na'aictaxa da ỹaguec da layeloxo qalaq ỹataqta qaỹoqtec da nachaalataxac.

Eclesiastés 9:9

Qataq 'Auamachiguiñi qome da qoueta'aguet aca 'arauotaqte 'arhua, 'enauaque naua na'axa'te, qom ñaq 'anachattaigui de'era achaalataxac maye qaica ca naigui, dam 'am ỹanem co'ollaxa Ñim Lo'onatac 'Enauacna da qonetalec ana'ana 'alhua. Cha'aye nacherata 'araueguec maye chegaqaigui dam qalota 'aro'onataxanaxac ana'ana 'alhua.

Eclesiastés 10:14

Cam qaica ca ỹaỹaanapec qalaq saiuena'a cam ỹa'axat. Qaq da qaica ca ỹaỹaten cam ñaq taỹa'a da yo'oq, qaq ¿negue't cam ishet da da'aqtaxanem camaye cam ñaq natauo, qom mashe imeuo camaye?