Eclesiastés 6:10 - La'aqtaqa Ñim Lo'onatac 'Enauacna 2013

¹⁰ Nam mashe huo'o nagui, qalaq mashe salcoshe'egue da qaỹauo'o na le'enaxat, nache qaỹaỹaten da lataxac ca ỹale da saishet da dataỹa'aguet cam napacalec da la'añaxac camaye.

Eclesiastés 6:10 Referans Kwoze

Da na'aqtaguec so Job 9:32

Cha'aye Ñimaye saishet da 'eeta'am ca choche shiỹaxauatto da shenapega, sheeta': «Qolaq ñeqo'onaxaua'a ye huaña da huo'o ca qanmit.»

Da na'aqtaguec so Job 40:2

«Qaq 'am maye aỹem qoquetapeguelec, Aỹem maye Qaica ca Saqalanapec, ¿peta'a ñaq 'anshetaique da aỹem 'auataỹa'aguet?»

Jeremías 49:19

Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na Edóm le'ecpi, qataq so'ot qome da ilo'ogue ñaqa'en cam shiỹaxaua maye lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?

Eclesiastés 3:15

Nam huo'o nagui, qalaq nache 'eetai' da huo'o co'ollaxa, qataq cam taỹa'a da huo'o qome, qalaq mashe huo'o. Qaq Ñim Lo'onatac 'Enauacna, ỹo'ot da na mashe ỹoxogue co'ollaxa, qaltaq ỹe'eguelaxa da huo'o.

Da na'aqtaguec so Job 33:13

¿Ta'ainco' da 'ancotatague' Ñimaye, ye saishet da ỹasateguet ca 'oonolec nam 'ara'aqtacpi?

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Salmos 103:15

Da nachaalataxac ca shiỹaxaua 'eeta'am ana huoue, da dasovi ye na'a'q qalaq 'eeta'am aca huoue no'onaxa lashe,

Génesis 3:9

Qalaxaye Ñim Lo'onatac 'Enauacna maye Nataxala', iỹaxanaique co'ollaxa se'eso ỹale, 'eeta': «¿Hua'ague ca qoueta'ague?»

1 Corintios 10:22

¿Qami' qauoitaique peta'a da dalemata qanqa'eñi Ñim Lo'onatac 'Enauacna? ¡Qomi' saishet da ñapagaqalec da la'añaxac Ñimaye!

Proverbios 21:30

Ỹataqta qaica ca naigui ca naỹaanec, naỹaanataxanaxac, qataq ca no'o'n nqataxac da qaỹataỹa'aguet Ñim Nataxala'.

Eclesiastés 6:11

Qaq huo'o da ỹataqta 'eesa maye, 'eeta': cam huaña da ỹaguec da ntaxaỹaxac, nache huaña nataqa'en da huo'o na na'aqtacpi maye qaica ca naigui, qaq damaye qaica ca qaỹachegoxotaigui.