Eclesiastés 5:9 - La'aqtaqa Ñim Lo'onatac 'Enauacna 2013

⁹ ¡Qaq damaye qaỹamata'ac naxa da nquictasheguem da laỹamaxa ca qanayeeta'a 'alhua, qataq cam nta'a itauaatac naxa nam netauga na no'onaxa!

Eclesiastés 5:9 Referans Kwoze

Proverbios 28:19

Ca do'onataxaatapeguelec ca na'alhua, camaye ivira'a da chochaq huañi na aloq, qaq ca quetague' ca sa do'onataxan qalaq nda'a't da chochaq huañi da lachoxoyec.

Proverbios 13:23

Ca no'onaxa ca choxoraq qalaq saqoue na qanallec, qalaxaye qalota na daqat namaye souaxat da qaica ca nalochiguiñi da lataxac.

Salmos 115:16

Ñim Nataxala' lalamaxat na piguem, qalaxaye ana 'alhua ỹanem na shiỹaxauapi.

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Eclesiastés 5:10

Cha'aye cam ỹaguec da lauoche ana anom, qalaq nache queto'ot da huotaique da nquictasheguem ana alom, saishet da huo'o ca na'a'q da ỹa'amaqten da mashe qalota ana alom. Qaq damaye nataqa'en qaica ca naigui.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Eclesiastés 6:7

Ca ỹale ỹataqta saishet da vi'iiguet da lo'onataxanaxac da yaqto' deque'etac, qalaxaye saishet da ivira'a da machiguiñi.