Eclesiastés 5:7 - La'aqtaqa Ñim Lo'onatac 'Enauacna 2013

⁷ Qaq ỹoqo'oye da qouetangui 'enauac na qalota maye ỹo'ot da ñi'iỹaxa, qataq na qalota na'aqtacpi, qataq nam qaica ca naigui, qalaq 'am iuen da 'auachaxana da huo'o naq 'enec 'anqa'en Ñim Lo'onatac 'Enauacna.

Eclesiastés 5:7 Referans Kwoze

Mateo 12:36

Qaq Aỹem ỹataqta 'eesa de'era qami' sa'aqtaxanema da que'eca na'a'q qom ivita da qanmit 'enauacna, nache 'enauac na shiỹaxauapi ỹa'axat da ta'ainco' co'ollaxa da detaxaỹa ca lỹa qalaq sa iyacnapec.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Eclesiastés 8:12

Qaq cam 'etaxaloxoic ishet da cien da ỹe'eguelaxalec da ỹo'ot ca qauem, qataq ỹataqta qaỹoqtrec naua vi'iye da nachaalataxac, qalaxaye nataqa'en saỹaten da 'onaxaic da taỹa'ague cam huo'o naq 'enec naqa'en Ñim Lo'onatac 'Enauacna qataq ỹalaxaguet Ñimaye.

Eclesiastés 5:3

Cha'aye da qalota na nhuennataxacpi, nache ỹo'ot da ñi'iỹaxa, qataq da ỹaguec da ntaxaỹaxac, nache ivira'a da qaica ca naigui nam qaỹa'axatpi.

Eclesiastés 3:14

Qataq nataqa'en saỹaten da 'enauac nam ỹo'otpi Ñim Lo'onatac 'Enauacna, namayepi chochaq tatec. Qaica ca ishet da qaiqotteneuo, qataq qaica ca ishet da qanqat namayepi, cha'aye Ñim Lo'onatac 'Enauacna, nache lataxac naqa'en, yaqto' nam shiỹaxauapi huo'o naq 'enec naqa'en Ñimaye.

Proverbios 23:17

Saishet qome da 'anquiỹatega na 'etaxaloxoicpi, nachaqrato' da huo'o naq 'enec 'anqa'en Ñim Nataxala',

Eclesiastés 7:18

Qaq no'on qome da 'auaconeguet de'era, na 'arhuaq saishet qome da ỹaxanec damaye. Cha'aye cam huo'o naq 'enec naqa'en Ñim Lo'onatac 'Enauacna, nache no'on da llecỹaxac da inoxonaqchetec 'enauac de'era.

Eclesiastés 8:13

Qalaxaye nam qauemaicpi qalaq qauem da taỹa'ague, qataq sa qaỹa'ague da nachaalataxac, 'eeta'am na paqal, cha'aye saishet da ỹalaxaguet Ñim Lo'onatac 'Enauacna.

Eclesiastés 3:16

Qataq nataqa'en sela'a da ana'ana 'alhua huo'o da ncachaxac, qataq ye hueta'a taxa dam ỹaỹamaqchiguiñi, qataq da nalochiguiñi lataxac, qalaq hueta'a da qauem.

Eclesiastés 8:9

Qaq 'enauac de'era sauaachigui, cha'aye ñalemaqte' da ñapaxaguena, 'enauac nam qaỹo'ottacpi ana'ana 'alhua, qataq da na'añaxac maye hueto'ot ca ỹale da ỹo'otec ca qauem ca lỹa.