Eclesiastés 5:4 - La'aqtaqa Ñim Lo'onatac 'Enauacna 2013

⁴ Da huo'o ca 'auachaxanapecot Ñim Lo'onatac 'Enauacna, qaq sa 'anaỹaloxon da 'aupaqueelec, cha'aye Ñimaye saỹaỹamaxaren nam qaica ca ỹaỹaanapec. Qaq 'aupaqueelec qome cam 'auachaxanapec,

Eclesiastés 5:4 Referans Kwoze

Números 30:2

Da huo'o ca shiỹaxaua da ỹanot ca la'aqtac Ñim Nataxala', huo'otaq da ỹan ca 'eetega ipacchigui la'aqtac, qaq camaye iuen da ipacchigui que'eca la'aqtac, qataq ỹo'ot 'enauac cam ỹachaxanapec.

Mateo 5:33

Qaq nache huetoiguilo se'esoua qaỹoqteguelo vi'iye da so Moisés nataqa'en dapaxaguenataxanec de'era, 'eeta': «Saishet qome da 'auo'ogoxona da le'enaxat Ñim Lo'onatac 'Enauacna da huo'o ca 'auachaxanapec maye taỹa'a da sa 'aupaguelec.»

Salmos 76:11

Qami' qaỹa'añiỹot ca qara'aqtaqui Ñim Nataxala', maye Qanatamnaxala'ai, qalaxaye qaupaquiichigui. Nataqa'en qami' maye qoñiitaña na saqaỹapeque, qandoiua'a qome aca qarachetaqtaxanaqche, ñim ỹataqta huo'o da lchec.

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Salmos 116:14

Qataq sepacchiguilo qome naua ỹa'aqtaqa maye sanoto co'ollaxa Ñim Nataxala', ỹauaachigui ñaqa'en so nhuo' le'ecpi maye lalamaxatpi Ñimaye.

Malaquías 1:10

«¡Ỹataqta da iyaxa da huo'o ca 'oonolec da qoñeeta da ỹapogui na lasompi añi atamnaxaqui maye ỹalamaqte, yaqto' saishet da choche ne'en da qoỹegueua'a na norec añi ỹalamaqte nca'atoxonaxalate! Cha'aye Aỹem saishet da qami' ñetootegueque, qataq saishet da shecto'ot da sacootapeeguet ana qarachetaqtaxanaqche.

Jonás 2:9

Qalaxaye aỹem, nache shecto'ot da 'am sho'oxoreetac, qataq 'am saatacot qome aca ỹachetaqtaxanaqte, qataq sepacchigui qome da so'ot na 'am sachaxanapeguempi. ¡Cha'aye nache 'amta 'Am Nataxala', da 'am chegoqo'ot da nca'alaxa!»

Salmos 119:106

Aỹem san co'ollaxa so ỹa'aqtac da yaqto' sepacchiguilo naua nalochiyiñi 'ara'aqtaqa.

Génesis 35:3

nache ñaỹamaxataq da ñeqo'onaxa ye Betel. Qaq huaña qome yemaye nache so'ot aca ica'atoxonaxalate da sho'oxoren Ñim Lo'onatac 'Enauacna, maye aỹem itauan co'ollaq sootaigui so iuogoxo, qataq aỹem nnaictague' naua ỹeco cam sataigue.»

Génesis 35:1

Qaq Ñim Lo'onatac 'Enauacna 'enapega so Jacob, 'eeta': «'Anaỹamaxat qome, da yaqto' 'anqo'ona ye Betel nache qonaña yemaye. Qaq huaña qome yemaye, nache 'auo'ot aca 'arca'atoxonaxalate da lalamaqte Ñim Lo'onatac 'Enauacna, Ñim 'am nachaxana co'ollaq 'ettapeguem so 'arqaỹa Esaú.»

Isaías 19:21

Qaq Ñim Nataxala' nachaxana qome ye Egipto le'ecpi, nache yemayepi ỹauatton qome Ñimaye, huaña nache ỹo'oxoren qataq ỹanot cam lachetaqtaxanaxat qaỹavigaxat, qataq cam laỹepi lachetaqtaxanaxatpi maye ala nam nañiguishec. Qataq ỹauo'o qome cam ỹachaxanapecot Ñim Nataxala', nache ipacchigui qome da ỹo'ot.

Génesis 28:20

Qaq nache huaña yemaye da so Jacob, ỹan so la'aqtac maye, 'eeta': «Da Ñim Lo'onatac 'Enauacna aỹem nnaictague', qataq aỹem ntela'a de'era ỹecỹaxac maye so'ottac, qataq da aỹem ỹanem ca anoq, qataq ca ỹogoxot,

Jueces 11:35

Qaq co'ollaq ila'aguet asomaye, nache ncolaxata'alo soua alogo souaxat da lqaigaxa nache nỹen, nache 'eeta': «¡Aicoue, 'am ỹalole, ỹataqta lta'araic da aỹem 'auo'otec ñiqui'ic! Cha'aye nache 'am maye aỹem 'auo'otec de'era lta'araic ñiqui'ic, souaxat da sanot co'ollaxa so ỹa'aqtac Ñim Nataxala', qaq nagui iuen da sepacchigui da so'ot damaye!»

Salmos 22:25

Qaq nache 'am sachegoxotchigui da ỹo'oxonnataxanaxac, da salectaigui ca lta'araic laponaxac na shiỹaxauapi, nache ỹauaachigui ñaqa'en na huo'o naq 'enec naqa'en 'am, da sepacchiguilo naua ỹa'aqtaqa maye 'am sanoto co'ollaxa.

Proverbios 20:25

Huo'o da lchec ca ỹale da ỹalaxaraic da huo'o ca ỹachaxanapecot Ñim Lo'onatac 'Enauacna, cha'aye da ime da ỹan ca la'aqtac nache cheta'ague da deuennataxaalec.