Eclesiastés 5:2 - La'aqtaqa Ñim Lo'onatac 'Enauacna 2013

² Qataq saishet da 'auỹalapigui' da 'autaqa qataq ye 'arhuennataxa da 'aỹa'anot ca 'ara'aqtac Ñim Lo'onatac 'Enauacna, cha'aye Ñimaye neta'ague da piguem, qaq 'am qalaq qoueta'a ana 'alhua. Qaq ỹoqo'oye cara'acolec da 'analoqnapec ca 'artaxaỹaxac.

Eclesiastés 5:2 Referans Kwoze

Mateo 6:7

Qaq da qanqouagaxauñi, nache saishet da logoraic ca qartaxaỹaxaqui, da qoñiita'am nam saishet da ỹoqta 'eesa da ỹauatton Ñim Lo'onatac 'Enauacna. Cha'aye namayepi ipi'itaxaatega da Ñimaye ỹalaxaguet souaxat da ỹataqta logoraic da nqouagaxaunaxac.

Proverbios 10:19

Ca qalota na la'aqtacpi qalaq qalota da lsomaxac, qaq ca ỹaỹaten da ñe'emaxat camaye ỹaanaxanaxaic.

Isaías 55:9

'Eeta'am na piguem da ỹataqta qaỹoqotcheguemec, qaq nache 'eetec nam ỹecỹaxacpi da ỹataqta qaỹoqotcheguemec saq 'ena'am da qoyecỹaxaqui, qataq naua iuennataxaco saq 'ena'ama naua qarhuennataxacolli'.

Mateo 6:9

Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

Eclesiastés 5:7

Qaq ỹoqo'oye da qouetangui 'enauac na qalota maye ỹo'ot da ñi'iỹaxa, qataq na qalota na'aqtacpi, qataq nam qaica ca naigui, qalaq 'am iuen da 'auachaxana da huo'o naq 'enec 'anqa'en Ñim Lo'onatac 'Enauacna.

Génesis 18:27

Qalaxaye so Abraham qaltaq ỹe'eguelaxalec da, 'enapec: «'Auchoxoren qome aỹem, da 'eco' qaica ca ỹa'aloxo da 'am setaxaỹot, ye nache 'Am maye 'Aro'onatac 'Enauacna, aỹem qalaq choche aỹem shiỹaxaua,

Santiago 3:2

'Enauac da shenaqta huo'oi naua qarasouaxashe'ete, qalaxaye nachaqcata ca shiỹaxaua maye ỹaỹaten da nllañi ñi lachaxat, camaye nalochiguiñi da lataxac, qataq ishet da nala'aguet da nllañi da maiche 'eetapeguec da lo'ocỹaxac.

Eclesiastés 5:3

Cha'aye da qalota na nhuennataxacpi, nache ỹo'ot da ñi'iỹaxa, qataq da ỹaguec da ntaxaỹaxac, nache ivira'a da qaica ca naigui nam qaỹa'axatpi.

Proverbios 20:25

Huo'o da lchec ca ỹale da ỹalaxaraic da huo'o ca ỹachaxanapecot Ñim Lo'onatac 'Enauacna, cha'aye da ime da ỹan ca la'aqtac nache cheta'ague da deuennataxaalec.

Génesis 28:20

Qaq nache huaña yemaye da so Jacob, ỹan so la'aqtac maye, 'eeta': «Da Ñim Lo'onatac 'Enauacna aỹem nnaictague', qataq aỹem ntela'a de'era ỹecỹaxac maye so'ottac, qataq da aỹem ỹanem ca anoq, qataq ca ỹogoxot,

Salmos 115:3

Ñim Qanatamnaxala' neto'ot na piguem, Ñimaye ỹo'ot 'enauac nam huotaique co'ollaxa da ỹo'otpi.

Génesis 18:32

Qaq so Abraham, qaltaq ỹe'eguelaxalec co'ollaxa da denataxan, 'eeta': «Ñaq aỹem 'anqouaguec 'Am Ỹataxala', saishet da aỹem 'aualemataỹa, qalaxaye nache pa'atec nagui da 'am senat, ¿ca qonetec da huo'otaq 'aulaleguete caua diez?» Nache Ñim Nataxala', 'enapeco': «Qomye da huo'oi caua diez, nache saishet qome da selaxachigui yi'iye huaqta'a't nỹecpi.»

Génesis 18:30

Qalaxaye so Abraham qaltaq ỹe'eguelaxalec da, 'enapec: «'Am ñachoxonnot da saishet da aỹem 'aualemataỹa, souaxat dam she'eguelaxattalec inataxanaxac, ¿qaq da huo'otaq 'aulaleguete caua treinta?» Nache Ñim Nataxala', qaltaq ỹasateguet somaye, 'eeta': «Qomye da huo'oi caua treinta, nache sechoxoren qome yi'iye huaqta'a't nỹecpi.»

Jueces 11:30

Yem huaña da so Jefté ỹanot da la'aqtac Ñim Nataxala', 'eeta': «Qom aỹem 'aỹa'anem da ỹoxonec ye amoniitapi,

Marcos 6:23

Na'aictaxa da tachiguingui na laiñi nam 'alhuapi maye selotague' da 'auỹaxaneua'a, qalaxaye, nache 'ena'am san da ỹa'aqtac da 'am sami'.

Génesis 28:22

Qaq ne'ena coma' maye ñachaalataxañi, nachena qome na lma' Ñim Lo'onatac 'Enauacna. Qaq 'Am Atamnaxala', nache 'eetai' qome da 'am saata'am, aca ñediezmo maye chegaqaigui 'enauac cam aỹem 'aỹa'anem.»

Levítico 5:4

Qaq da huo'otaq huo'o ca shiỹaxaua da nỹalaqtoc da ỹan ca la'aqtac da 'eetega ipacchigui da ỹo'ot ca ỹaỹamaqchiguiñi, huo'otaq ca sa ỹaỹamaxañi. Qalaxaye da ivita da nanoma de'era npe'enaxac, nache camaye huo'o ca lasouaxashet.

Eclesiastés 10:12

Naua la'aqtaqa ca ỹaanaxanaxaic ỹataqta nlaqchiguilo da 'achecỹaxac, qaq cam qaica ca ỹaỹaanapec qalaq maiche que'emaxama naua la'aqtaqa.

Eclesiastés 10:13

Cha'aye da da'aqtaxan, qalaq nda'a't da ỹa'axattac da 'oopashec, qaq nache ivitta'a da ỹataqta qaica ca naiguilo naua la'aqtaqa.