Eclesiastés 5:13 - La'aqtaqa Ñim Lo'onatac 'Enauacna 2013

¹³ Qataq huo'o da sela'a ỹataqta qauem maye huetalec ana 'ana 'alhua, qaq damaye, 'eeta': da qalaỹootasheguem da nsallaxa damaye na'aqchet ñim hueto'ot damaye,

Eclesiastés 5:13 Referans Kwoze

Génesis 19:14

Nache so Lot, nqo'onalo soua laronaxanaqa som huotaique da huaronegueta soua llalel, nache 'enapegalo, 'eeta': «¡Qoñiishiguem qome, nache qoquiỹa'ai ne'ena, cha'aye Ñim Nataxala' ilaxachigui qome ne'ena huaqta'a't nỹecpi!» Qalaxaye soua laronaxanaqa, saishet co'ollaxa da 'eesa naqa'en so la'aqtac so Lot.

Lucas 16:19

Huo'o co'ollaxa so ỹale ỹataqta sallaxanec, somaye ỹaatrañi naua no'oñi anogo, qataq qaica ca 'ena'ama. Qaq somaye ỹo'ottac 'enauaque naua na'axa'te da lta'araic lquia'axac.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Eclesiastés 8:9

Qaq 'enauac de'era sauaachigui, cha'aye ñalemaqte' da ñapaxaguena, 'enauac nam qaỹo'ottacpi ana'ana 'alhua, qataq da na'añaxac maye hueto'ot ca ỹale da ỹo'otec ca qauem ca lỹa.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Proverbios 1:32

Na 'enaqaicpi qalaq maiche ỹalauat qome da ne'enaxac, ca qaica ca ỹaỹaana'a qalaq maiche ilaxachigui qome da qaica ca ỹoqocha'a,

Proverbios 1:19

Qaq 'era da 'eetec ye loga't na qopitaxanaqtaqaicpi: Da maiche lqopitaxanaqtaic, namayepi nachera da ỹalauat.

Génesis 14:16

nache deuotaxanec 'enauac som ỹache co'ollaxa somayepi. Qaq 'era da 'eetec so Abram da nca'alaxatec co'ollaxa so lasoshec Lot, qataq ñe'eguelaxaala't 'enauac so lalamaxatpi somaye. Qaq nataqa'en nca'alaxatec so 'alpi qataq so laỹepi shiỹaxauapi.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Isaías 2:20

Qaq que'eca na'a'q nache ca shiỹaxaua ỹasaxauec qome ca ne'enaqtac maye natamnaxala', ỹanem aca chegoxonaxapi qataq micaipi, cam ne'enaqtac atamnaxala'pi maye chegaqaigui na oro qataq na plata, maye maiche lo'onatac co'ollaxa da yaqto' natameetacot.

Génesis 19:26

Qalaxaye aso lhua so Lot maye nca'ataxaatauo, ỹamata'ague co'ollaxa da chegaqa'ague, nache nque'elaxatta da nañigui toue, qataq 'eeta'am ca ne'enaqtac.

Da na'aqtaguec so Job 20:20

Ỹataqta saishet da nme da lqopitaxanaqtaic, nache qaica ca no'onañi naqa'en da lauotaxanaqtaic,

Eclesiastés 5:14

cha'aye da qauem ca nmenaxac camaye, nache ishet da deqat imauec de'era lsallaxa, qaq da huo'otaq huo'o ca llalec camaye, nache taỹa'a da qaica ca no'ona'aguet.

Proverbios 23:4

Saishet qome da ỹapaguec da 'arhuogoxo da 'anshetaique da 'am sallaxanec, saishet da 'aỹa'agaqnauec de'era 'arhuennataxa.

Proverbios 27:24

Cha'aye de'era nsallaxa saishet da tatec, qataq da lataxac ca nta'a saishet da nache queta.