Eclesiastés 5:10 - La'aqtaqa Ñim Lo'onatac 'Enauacna 2013

¹⁰ Cha'aye cam ỹaguec da lauoche ana anom, qalaq nache queto'ot da huotaique da nquictasheguem ana alom, saishet da huo'o ca na'a'q da ỹa'amaqten da mashe qalota ana alom. Qaq damaye nataqa'en qaica ca naigui.

Eclesiastés 5:10 Referans Kwoze

1 Timoteo 6:10

Cha'aye da nqopitaxanaqtaic aca yo'oqchigui anom, nachera da lpa'a' na 'enauac ỹotta'a't sa ỹaỹamaxañisat. Cha'aye mashe huo'o na ime'eguet da lqopitaxanaqtaic anamaye, nache ỹalat da lpi'iỹaxac Ñim Lo'onatac 'Enauacna, qaq nache huaña da ivireguet na qalota lqalaiguesat qataq nque'eenaxacpi.

Mateo 6:24

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.

Lucas 12:15

Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Mateo 6:19

Saishet qome da qalapoñiitasheguem da qarsallaqai ana 'alhua, cha'aye damaye ishet da deqat qataq ilaxachigui na lalaxat, qataq nataqa'en na cachaxaicpi ishet da decachiỹa.

Eclesiastés 4:8

ca ỹale 'oonolec, qaica ca nauochaxaua, qataq qaica ca llalaqpi qataq ca lqaỹañecpi, sanauane' da cara'acolec da nmatec, qataq saỹauano' da naloqten da huo'otaq ỹapacauec da lsallaxa, qataq saishet da nnatteguela't: «¿Negue't cam talec qome nam chegaqaigui dam ỹo'onataxanaxac? Qataq ¿ta'ainco' da sa sasheneguet da ñachaalataxac dam namaicỹaxac?» Damaye nataqa'en qaica ca naigui, qataq qapa'atta no'onataxanaxac.

Eclesiastés 4:4

Qaq nataqa'en sela'a da 'enauac nam no'onatacpi maye ỹataqta ỹaỹamaqchiguiñi, qataq ỹo'ot da ño'oxonnataguec ca shiỹaxaua, namaye ỹo'ot da nquiỹata'a't caua shiỹaxau'. Qaq nataqa'en damaye qaica ca naigui, 'eeta'am da 'eetec da huotaique qanllañi na la'at.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Salmos 52:7

«Ña qauloỹa ñim saishet da nmitaique, da ỹe'eguenot Ñim Lo'onatac 'Enauacna, nacherata da pe'etega da lta'araic lsallaxa, qataq nache queto'ot da lle'etaxaloxo.»

Eclesiastés 2:11

Qaq ime, nache semeteetac 'enauac nam ỹo'onatacpi, qataq nam huo'o da lqalaic co'ollaq so'ottac, nache sela'a da 'enauac namayepi da qaica ca naigui, 'eeta'am da 'eetec da huotaique da qanllañi na la'at, qataq qaica ca qaỹachegoxotaigui damaye, ana'ana 'alhua.

Eclesiastés 4:16

Qaq na'aictaxa da ỹataqta qalota na shiỹaxauapi maye ilotague', qalaxaye namayepi qataq cam llalaqpi qome, saishet da machiguiñi naqa'en camaye. Qaq nataqa'en de'era qaica ca naigui, 'eeta'am da 'eetec da huotaique qanllañi na la'at.

Eclesiastés 3:19

Qaq ỹoqta 'eesa da na shiỹaxauapi, qataq na shiguiỹacpi, nache 'eeta'a't dam llecỹaxac: 'enauac da taỹa'a da ileu, qataq naua la'a'che nache 'eeta'a't. Qaq ỹoqo'oye ca shiỹaxaua saishet da napacalec da lataxac ca shiguiỹac, qaq damaye ỹataqta qaica ca naigui,

Eclesiastés 6:7

Ca ỹale ỹataqta saishet da vi'iiguet da lo'onataxanaxac da yaqto' deque'etac, qalaxaye saishet da ivira'a da machiguiñi.

Eclesiastés 1:17

Qaq aỹem ỹataqta iuennataxac da ñimitaique da yaqto' saỹaten da naỹaanec, qataq da saỹateeta nataqa'en dam 'oopashec, qataq da 'eetec da qaica ca naỹaanataxanaxac. Qaq nataqa'en saỹaten damaye da 'eeta'am da huotaique da qanllañi na la'at,

Salmos 52:1

¿Ta'ainco' da 'año'oxoreetapigui na 'aye'etaxaloxosat, 'am 'añaxaic? ¡Ye da lsoxoyec Ñim Lo'onatac 'Enauacna damaye nache 'eetai'!

Eclesiastés 1:8

Qaica ca nalaua'a da ishet da ỹa'axategue, nam chochaqna maye ishet da qanasamiisop. Qaica ca ilota'a huo'otaq da hua'aqtega nache ishet da machiguiñi.

Eclesiastés 2:10

Qaq saỹauano' da saq so'ot nam ñeqopittegapi, qataq qaica ca na'ashaxac ca saq so'ot. Qaq ỹo'ot da lamaicỹaxac da iquiyaqteỹaxac 'enauac nam so'otpi co'ollaxa, qaq de'era ỹamaicỹaxac, nachera dam ñesheetenaguec.

Eclesiastés 5:9

¡Qaq damaye qaỹamata'ac naxa da nquictasheguem da laỹamaxa ca qanayeeta'a 'alhua, qataq cam nta'a itauaatac naxa nam netauga na no'onaxa!