Eclesiastés 5:1 - La'aqtaqa Ñim Lo'onatac 'Enauacna 2013

¹ Da ivita da 'anqo'oneua'a añi atamnaxaqui maye lalamaqte Ñim Nataxala', qaq iuen da 'antelañi: saishet da 'aỹa'aneuo ca 'arachetaqtaxanaxat da 'aue'enaxat nam shiỹaxauapi maye qaica ca ỹaỹaanapec, da saq noma da saỹaỹamaxañi de'era ỹo'ottac, nacherata da 'anquicot Ñimaye, qataq 'am lhuotta da 'aualaq.

Eclesiastés 5:1 Referans Kwoze

Santiago 1:19

Qami' ñauochaxau' ỹaqaỹa't, ỹataqta qana'axaỹaxañiichigui de'era maye qami' sa'aqtaxanema: 'enauac da qoñiita iuen da qami' lhuotte' da qana'axaỹañiỹa ca qarỹai, qalaxaye saishet da saq qami' lhuanguita qataq saishet da ỹaguec da qartaxaỹaxaqui.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Proverbios 21:27

Ñim Nataxala' ỹaỹemec aca lachetaqtaxanaqte na qauemaicpi, lamaaxa da qauem da qoỹaataigui da qoỹaneuo.

Salmos 89:7

'Am maye 'Aro'onatac 'Enauacna ỹataqta huo'o 'archec da 'aualectaigui na qui'itta da lataxac, qataq huo'o da 'ara'amaqchec naqa'en na 'am datato'otpi.

Josué 5:15

Nache so Lataxala' na nalleppi Ñim Nataxala' ỹasategueto' somaye, 'eeta': «'Anqa't naua 'arapela'ate, cha'aye ne'ena 'auapetaña, namaye ỹataqta sa qaishetapec.» Nache so Josué ỹalaxaguet somaye.

Éxodo 3:5

Nache Ñim Lo'onatac 'Enauacna 'enapeco': «Saishet da 'anquigueuo. Qataq 'anqa't naua 'arapela'ate, cha'aye nam 'alhua maye 'auapetalec, namaye ỹataqta qui'itta.»

Hebreos 10:26

Cha'aye da nache qarhuennataxa da qolaqto'ot da so'otaq ca qarasouaxashet da huo'otaq mashe sauattonaq dam 'eesa lapaxaguenataxanaxac Ñim Lo'onatac 'Enauacna, nache qaica ca ishet da qaltaq sanaqot Ñimaye da yaqto' ỹapalaxat na qarasouaxashetpi.

1 Corintios 11:22

¿Qaicaua peta'a naua maiche qarma'achilli' da qauqui'i qataq qanỹomi? Qaq da nache qoñiita'ac de'era, nache 'eeta'am da sa qauyacñiỹapec na laỹepi maye ỹa'amaqteetacpi Ñim Lo'onatac 'Enauacna qataq qauauoita'a da la'aloxo nam qaica ca ye. ¿Negue't ca qauacheetaique ỹa'aqtac da qami' sanema? ¿Qami' sho'oxoren peta'a? ¡'A'i, saishet da qami' sho'oxoreeta'ape!

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Hechos 17:11

Qaq se'eso judiopi maye hueta'a yemaye ỹataqta soxoraicpi, saishet da 'ena'am nam netaña ye Tesalónica. Co'ollaq na'axaỹaxana da no'on na'axaỹaxac maye na'aqtaguec So Jesús, nache ỹataqta lta'araic da ntonaxac. Ỹoqo'oye 'enauaque naua na'axa'te itaxaỹaxaatac ana nere maye huetalec na la'aqtacpi Ñim Lo'onatac 'Enauacna da huotaique da ỹaỹaten da ỹoqta 'eesa de'era qaỹa'axattac.

Hechos 10:33

Qaq ỹoqo'oye ỹataqta sa saỹaloxonai' da 'am samaxasoxona. Qaq nagui no'on, cha'aye mashe 'anvi'. Qaq nagui qomi' souaqta'a ne'ena, qomi' lhuotte' da ña'axaỹaxanaxa cam 'am ỹamaxalec Ñim Lo'onatac 'Enauacna da qomi' 'aua'aqtaxanema, qataq qomi' saỹatenaqta da Ñimaye qomi' imeteeta'ape ne'ena na'a'q.

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

2 Crónicas 26:16

Qalaxaye somaye, co'ollaq mashe ivira da ỹataqta 'añaxaic, nache ỹacona da ño'oxonnaxac, qaq nachera da ỹo'ot da nlaguiñi somaye. Cha'aye sa ỹalaxaguet Ñim Lo'onatac 'Enauacna maye Natamnaxala' somaye, qataq taigui co'ollaxa aso atamnaxaqui maye lalamaqte Ñim Nataxala' da ỹavigaxat so lchenaxanaxat, ỹachalec aso lca'atoxolate na nchenaxanaxat.

Éxodo 30:18

«'Auo'ot qome ca nỹoxonaxaqui qataq ca lmala', chegaqaigui na lcat bronce qataq 'anlaxatchigui qome ca 'etaxat. Ime, nache ñichiguinguilo 'anqa'en ca npe'l qataq aca nca'atoxonaxalate,

Da na'aqtaguec so Job 11:2

«Na qalota na'aqtacpi, ¿peta'a sa iueno' da qaỹasateguet? Qataq ca taxaỹaxaic ¿peta'a saisheto' da qaica ca lasouaxashet?

Da na'aqtaguec so Job 22:12

Ñim Lo'onatac 'Enauacna, ¿peta'a saq neto'oto' na ỹoqta pa'asheguem na piguem? Ỹoqo'oye ña 'auamatasheguema ana huaqaañipi, da ỹataqta qaỹoqotcheguema ye netaña.

Proverbios 10:19

Ca qalota na la'aqtacpi qalaq qalota da lsomaxac, qaq ca ỹaỹaten da ñe'emaxat camaye ỹaanaxanaxaic.